Amin'ny Anaran'ny Tolona

Midaroka vady

2011-05-13T22:45:00.003+03:00

Tena mba manirikiry ahy ity resaka ity. Araky ny voka-pikarohana sy fanadihadihana nataon'ny IRD teto Madagasikara dia 45 isan-jaton'ny vehivavy Malagasy no niharan'ny herisetra tao an-tokatranony tamin'ny taona 2007 nanaovana ny fanadihadiana.

Eken'ny fiaraha-monina ve izany zavatra izany? Raha ny tarehimarika navoakan'ny Demographic and Health Surveys (DHS) dia indrisy fa mbola maro ny vehivavy manaiky izany. Valo isan-jaton'ny vehivavy Malagasy, ohatra, dia mihevitra fa rariny sy hitsiny raha mikapoka azy ny vadiny raha sendra may ny sakafo ao am-bilany? WTF, hoy ny teninjatovo ankehitriny. Efatra amby folo isan-jato dia manaiky fa zon'i Ramose ny midaroka raha toa ka mivaoka ny trano tsy miera i Madama. Ny ampaha-efatr'ireo andriambavilanitra nanontaniana kosa dia mino fa azon'ny andefimandriny atao ny milako azy raha toa ka tsy voakarakarany ny kilonga ... Enina isan-jaton'ny vehivavy kosa no mihevitra fa tsy olana raha mamono ny lehilahy raha tsy mety manao aminy ny vadiny.

Lalina izy ity rey olona fa mba jereo akaiky an! Izao ve ilay revy mampingoso-anabavy? Mba samy natera-behivavy ihany ry akama ...

Women's attitude toward wife beating

Women's attitude toward refusing sex with husband

Husband is justified in hitting or beating his wife

Wife is justified in refusing sex with husband

Burns the food

Argues with him

Goes out without telling him

Neglects the children

Refuses to have sex with him

Knows husband has sexually transmitted disease

Knows husband has sex with other women

Has recently given birth

Is tired or not in the mood

Madagascar 2003-04

Region

Antananarivo

8.1

2.8

15.6

24.6

5.7

92.7

91.4

92.2

82.9

Fianarantsoa

6.9

3.6

14.5

25.6

6.2

78.6

78.2

88.3

79.0

Total

Total

8.3

3.3

14.4

24.9

5.5

86.7

86.8

90.2

81.1

Source: Macro International Inc, 2011. MEASURE DHS STATcompiler. http://www.measuredhs.com/, April 21 2011.

Izato sarinao e ...

2011-04-14T23:25:00.006+03:00

Tsy mbola niditra ny lapam-panjakana na Iavoloha na Ambohitsirohitra ny tenanay fa ny hany mba hita dia izay sary mielim-patrana eraky ny habakabaky ny Internet. Mahavariana fa dia toa feno ny sarin’i Andry Rajoelina ny rindrina ao amin’ireo lapa roa ireo. Izay rehetra jerevana dia toa io ileiry. Misy efitra izany toa misy sariny efa mihoatry ny anaky-efatra.

Misy sary kely, misy sary goavana be—ilay eo ambony tohatra dia tena mahavariana fa mampahatsiaro irony peta-drindrina dokam-barotra irony. Lasa ve i TIKO, dia misosoka i INJET?

Asa mihitsy na ingahirainy no tena tia mahita ny salovatavany misalotra ny samboady sy ny mari-boninahitry ny filoham-panjakana, na ireo manodidina azy no mba maka-dizi-neofo sy mila ranondranony. Tsetsatsetsa tsy haritra ny ahy fa samy manana ny fomba fampiaingoany ny tranony ny tsirairay, fa enga anie tsy hiakatra loatra any anaty lohan’ilay zanak-kavantsika io ny lokaloka sy ny fanindraindrana samihafa.

“Ireo maso ireo indrindra amin’ny sarinao’zay mamiko,

ao anaty fitsikiany, ao anaty fifaliany,

ao anaty hatsarany indro toa mitopy amiko,

toa manaraka ahy hatrany, toa manana iriny…” (Anoloan’ny Sarinao, Dox)

Non-acceptance would cause embarrassment

2011-01-21T20:50:00.003+03:00

Rehefa mitsidika firenena iray ry zareo manampahefana dia fomba ihany ny mitondra fanomezana kely, ho mariky ny fifankatiavana sy fifanajana misy eo amin'ny firenena roa tonta. Ny an'ny Bekitana dia tehiriziny tsara ireny fanomezana ireny, ary raikentin'ny Lehiben'ny Arofenitra an-tsoratra ho fatampoko, fatampirenena ao amin'ny "Gifts to Federal Employees From Foreign Government Sources." Azonao savasavaina eto [http://www.federalregister.gov/] hoe iza no nanome inona an'iza … Mangarahara tokoa.

Tsy diso anjara amin'izany ireo mpitondra antsika Malagasy, fa mba nanao izay vitany, ary nahavatra nivimbina fanomezana hatrany rehefa nivahiny any andafin'ny riaka any. Ireo ambany ireo -- Jereo ange fa mahaliana e. Indrisy fa simba hono ilay "nautilus shell fossil" nomen-dRatsiraka an'i Bill Clinton …

Name and title of person accepting the gift on behalf of theU.S. Government	Gift, date of acceptance on behalf of theU.S. Government, estimated value, and current disposition or location	Identity of foreign donor andgovernment	Circumstances justifyingacceptance
President	Two 11″ diameter nautilus shell fossils. One of the shells arrived at the White Hose damaged; Recd—September 8, 2000; Est. Value—$500; Archives Foreign	His Excellency Didier Ratsiraka, President of the Republic of Madagascar	Non-acceptance would cause embarrassment to donor and U.S. Government
President	Artwork (45.5″ x 35″): oil painting of five African tribal dancers in gold-toned frame. Recd—November 27, 2001. Est. Value—$500. Archives Foreign	His Excellency Didier Ratsiraka, President of the Republic of Madagascar	Non-acceptance would cause embarrassment to donor and U.S. Government.
	Artwork (31″ x 27″): oil painting of village scene with purple flowering tree; held in wooden frame painted white with red accents. Recd—November 27, 2001. Est. Value—$325. Archives Foreign
First Lady	Tablecloth (60″ x 120″) and napkins (12): white cotton embroidered with multi-colored butterflies. Recd—November 27, 2001. Est. Value—$557. Archives Foreign	His Excellency Didier Ratsiraka, President of the Republic of Madagascar	Non-acceptance would cause embarrassment to donor and U.S. Government.
	Table shawl (24″ x 82″): cream and cream design with fringe. Recd—November 27, 2001. Est. Value—$80. Archives Foreign
	Petrified wood pieces (2, 4″ x 4″ x 5″): presented in straw-colored, heart-shaped containers; 2 wooden stands included. Recd—November 27, 2001. Est. Value—$100. Archives Foreign
Rice, Condoleezza, Assistant to the President for National Security Affairs	Crystal rock with light wood stand from Madagascar, presented in a hand woven basket with yellow embroidery. Rec'd—January 14, 2002. Est. Value—$714. Archives, Staff Gift	His Excellency, Didier Ratsiraka, President of the Republic of Madagascar	Non-acceptance would cause embarrassment to donor and U.S. Government.
First Lady	Table linens: 8 white linen napkins (15″ x 15″) embroidered in one corner with a flower and birds; and a 58′ x 92″ matching tablecloth. Rec'd—September 25, 2002. Est. value—$350. Archives Foreign	Mrs. Lalao Ravalomanana, Office of the President of the Republic of Madagascar	Non-acceptance would cause embarrassment to donor and U.S. Government.

UN-Climate Change Round Table: Do I Smell Plagiarism?

2009-09-23T22:47:00.013+03:00

Zavatra hafahafa tsikaritra tamin'ny fandalovana teto amin'ny Firenena Mikambana eto New York, dia mba tiana ho zaraina amin'ny be sy ny maro e! Raha nihaino ny laha-teny nataon'i Andry Rajoelina nandritry ny adi-hevitra momba ny Fiovan'ny Toetrandro ny tena, dia somary gaga fa hoe "izaho ve no manonofy sa tori-teny efa henoko izany" ...

Raha tsy arakao, dia jereo eto ilay laha-teny: http://www.hat.gov.mg/actualite/index.php?shw=intervention na eto: http://madagate.com/a-la-une-de-madagascar/actualite-madagate/1125-video-andry-rajoelina-sadresse-a-lonu.html

[UPDATE: Toa efa nodiovina sy novain'ny tompon-andraikitra ireo rohy roa ireo. Raha mbola liana hijery ny rohy original (cached) ianao, dia clicker-o eto: http://74.125.93.132/search?q=cache:Kxs_E_j-WPoJ:www.madagascar-presidency.gov.mg/actualite/index.php%3Fshw%3Dintervention na koa eto http://74.125.93.132/search?q=cache:Firpr7c6R_AJ:www.madagate.com/a-la-une-de-madagascar/actualite-madagate/1125-video-andry-rajoelina-sadresse-a-lonu.html . Sao mantsy dia misy milaza indray eo fa Rabelazao no mamorona sy manao be lazao.]

Andry Rajoelina, President HAT, Madagascar, Intervention Lors Des Tables Ronde Sur Les Changements Climatiques, 22 Septembre 2009, New York

(Andalana 7-8-9.)
"A l’unisson avec les autres pays en développement, Madagascar voudrait réitérer ici que le principe de la responsabilité commune mais différenciée (Principe 7 de Rio) et celui de l’équité sont les pierres angulaires qui doivent guider la coopération internationale concernant les changements climatiques. Force est de reconnaître que la dégradation de l’environnement, la déperdition des ressources naturelles et le caractère - dorénavant inéluctable – du changement
climatique représentant un frein, voire un obstacle à la réalisation des Objectifs du Millénaire pour le Développement (OMD) et risquent de réduire à néant les tendances positives constatées dans certains pays en développement, étant entendu que la qualité de l’environnement demeure indissociablement un facteur essentiel pour assurer un développement économique et social
harmonieux long terme.

Il s’avère de ce fait urgent d’agir rapidement, efficacement et collectivement. En effet, la lutte contre le changement climatique et la dégradation de l’environnement doit se concevoir dans le cadre international fixé par l’agenda 21, le Plan de Mise en œuvre du Sommet Mondial pour le Développement Durable, la Convention des Nations Unies sur la Lutte contre la désertification, la Convention cadre des Nations Unies sur le Changement Climatique, la Convention sur la diversité biologique et les objectifs du Millénaire pour le Développement (ODM).

Il est surtout nécessaire de tenir compte du fait que les pays en développement sont particulièrement exposés aux menaces que fait peser le changement climatique sur le développement économique et social, dans la mesure où leurs économies sont souvent plus tributaires de ressources environnementales et qu’ils ne disposent pas d’autant de moyens que les pays développés, pour mener des politiques d’adaptation au changement climatique."

Dia gaga fa hay tokoa sombitsombiny avy tamin'ny laha-tenin'olon-kafa efa nandeha teto New York roa taona lasa izay ireo andalana telo ireo. Jereo ange eto e:
http://www.gouvernement.lu/salle_presse/discours/autres_membres/2007/09septembre/24asselborn_uno_climat/index.html

Jean Asselborn, Vice-Premier Ministre, Ministre des Affaires Etrangeres et de l'Immigration du Grand Duche de Luxembourg, "L'avenir entre nos mains - Les changements climatiques: un défi à relever pour nos dirigeants". Discours à l'occasion de la réunion de haut niveau de l'ONU consacrée au changement climatique, 24 Septembre 2007, New York

(Andalana 7-8-9).
"La dégradation de l’environnement, la déperdition des ressources naturelles et le caractère - dorénavant inéluctable - du changement climatique représentent un frein, sinon un obstacle à la réalisation des Objectifs du Millénaire pour le Développement et risquent de réduire à néant les tendances positives constatées dans beaucoup de pays en développement. La qualité de l’environnement est également un facteur essentiel pour assurer un développement économique et social harmonieux à long terme.

Il est de ce fait urgent d’agir rapidement et collectivement. En effet, la lutte contre le changement climatique et la dégradation de l’environnement doit se concevoir collectivement dans le cadre international fixé par l’Agenda 21, le Plan de Mise en Œuvre du Sommet Mondial pour le Développement Durable, la Convention des Nations Unies sur la Lutte contre la Désertification, la Convention-cadre des Nations Unies sur le Changement Climatique, la Convention sur la diversité biologique et par les Objectifs du Millénaire pour le Développement.

Il est surtout nécessaire de tenir compte du fait que les pays en développement sont particulièrement exposés aux menaces que fait peser le changement climatique sur le développement économique et social, dans la mesure où leurs économies sont souvent plus dépendantes de ressources environnementales et qu’ils ne disposent pas d’autant de moyens que les pays développés, pour mener des politiques d’adaptation au changement climatique."

Ary ny tena mba nahavariana dia nipetraka tsara teo akaikin'ny Delegasiaonan-dRajoelina ingahy Jean Asselborn (io mitsangana io izy eo amin'ny sary) tamin'ileiry nanao ilay lahateny. Mahazendana e! Araky ny nolazaindrizareo ao amin'ny Madagate: "Pour combien de temps Andry Rajoelina aura-t-il la parole et est-ce qu’il est conscient que le monde entier sera à l’écoute et qu’il n’aura pas droit à l’erreur ? "

Rado: Ilay mpiaro ny Teny Malagasy

2008-09-17T21:14:00.004+03:00

Amin'izao fahalasanan'i Rado izao, dia indro zaraina aminareo ny lahateny (nalaina tamin'ny Internet) nataony tetsy amin'ny Akademia Malagasy tetsy Tsimbazaza, ny 25 Jona 1994. Toa mbola manankery amin'izao vanim-potoana diavintsika izao ihany ny voalazany efa ho 14 lasa izay.

Ny Teny Malagasy : Fanentanana ny Fon'ny Vahoaka amin'ny Fampandrosoana

Tompokolahy sy Tompokovavy,

Tantara kely iray no entinay ho fampidirana izao famelabelarana izao. Hoy ity tovolahy iray avara-pianarana sady tia tanindrazana, raha namory ireo tanora tantsaha sakaizany izy, teny ambanivohitra :

"Ni-inviter anareo Tantsaha iray génération amiko aho, mba hiara mi-étudier ity projet de développement nanaovako étude plus ou moins approfondie ity. Mi-concerner ny région-tsika mantsy izy io, ka tokony hi-sensibiliser-na antsika masse paysanne amin'izao période de décollage économique izao. Ny cohésion sy ny participation de tout un chacun anefa no tena primordiale amin'izany, ka tsy ny élites sy ny intellects ihany no ho décideurs sy piliers amin'ny réalisation sy ny exécution-ny, fa ny population active sy isika izay avenir-n'ity tany ity. Raha tsy izany, tsy avotra izao situation déplorable sy catastrophique izao. Mila stratégie sy plan triennal bien au point anefa izany fa tsy azo atao au pif fotsiny.

Izany no ni-convoquer-na antsika exprès amin'ity réunion de sensibilisation ity. Isika rehetra sans exception izany no samy hilaza izay point de vue-ny avy, vis-à-vis de ce projet. Tout au moins, izay mba suggestion na solution intermédiaire sy adéquate any an-tsainareo any.
Misokatra àry izao ny débat sy ny discussion ka tout le monde peut prendre la parole. Merci !"

Nangina eran'ny trano. Azontsika an-tsaina avy hatrany fa tsy naharay afa-tsy teny vitsy tamin'ny kabarin'Andriamatoa ireto Tantsaha sakaizany. Ary tsy nahagaga koa raha tsy nanan-kolazaina fa nifampijerijery sy nifampiandriandry fotsiny.

Nisafoaka ilay tovolahy mpandahateny, ka niriatra nanao hoe : "izao ihany ilay mampi-décevoir ny technicien aminareo, fa tsy capable hi-saisir ny occasion profitable sy favorable tahaka itony," sady lasa izy nandeha.

Miomehy isika mandre ny tenin'Andriamatoa, anefa, moa tsy ny sarintsika ihany koa ve no nasehony tamin'io fotoana io ? Mety tsy hihomehy koa anefa isika, satria efa zatra fiteny vandambadana toy izany ny sofintsika. Ny fihomehezantsika na tsy fihomehezantsika azy dia zavatra iray, fa ny mampalahelo dia ireto fatiantoka roa nitranga tamin'io fotoana io.

Fatiantoka voalohany : tsy tafita ilay hevitra sy fikasana tsara natolotr'Andriamatoa, satria tsy nisy azon'ny tantsaha sakaizany izay tiany holazaina.

Fatiantoka faharoa : kivy ilay manampahaizana satria noraisiny ho fahalainan-kandroso ny fanginan'ireto tanora, tsy nanan-kolazaina tamin'izay hevitra narosony.

Fa ho hafa noho izany kosa ny zava-niseho raha tahaka izao no nitondrany ny teniny.
"Misaotra anareo, lehiretsy, namaly ny antso nataonay. Isika izao mantsy no fody niara-nitsindroka sy akanga niara-nanjohy, ka tonga amin'ilay hoe : tsindranolahy an-keniheny, ka ny tama-miray ihany no miaraka."
Manana tsirin-kevitra sy vinavina ho enti-mampandroso ity faritra misy antsika ity izahay, satria tsy azo jerem-potsiny ny tany nahabe ary tsy azo atao tazan-davitra ny fanasoavan-tanindrazana. Izao izy izao no fahavoazany, izao izy izao no fahantrany , ka dia hanao tahaka an'Ikaladala eo ambody tenona ve isika, ka sady tsy hanohy ny tapaka no tsy hanentina ny madilana ? Ny adidy koa tsy an'olon-dratsy, ka dia nentinay eto izany hatao loa-bary an-dasy, satria ny hevitry ny maro no mahataka-davitra. Ilàna firaisan-kina izy io ka iantsoana antsika rehetra, satria izay tsy mahay sobika, mahay fatam-bary. Ireny nozaraina tamintsika ireny ny drafitra sy vinavina hotanterahina, ka aoka tsy hifampisorona na hijery arina an-tava. Tsy hoe "tian-kano, tsy tian-kano" koa izy io, fa mahazo milaza ny heviny avy izay manan-kolazaina, fa tsy tongobolo tsy akory isika ka hotampenam-bava. Tsy mety koa, anefa, ny manilika ny adidy amin'olom-bitsy, nefa samy hioty ny vokatra ihany avy eo. Ireny ilay antsoin'ny razana hoe : "sady tsy hitery omby no tsy hihazon-janakomby fa mitady hisodika ny herotra fotsiny", na hanao tahaka ny "angady ka ny zarany mihoso-menaka sady mijoro, nefa ny lelany mihoso-potaka miady amin-tany."
Manana antsika rehetra izao ho reharehany ity tany nahalatsahan'ny tavonintsika ity, ka dia hangetaheta ambony lakana ve, sa ho noana eo am-pototry ny sompitra ?
Koa saino lalina, saino marivo, fa isika izao no velona fanovan'ny maty, ary zanaka mpandova ny anaran-dray, ka tsy avelantsika ity tany ity raha tsy manana izay voninahiny, ary asandratra koa ny vahoakany hahita ny anjara-masoandrony. Sa tsy izay no izy, leiretsy ?

"Izay", hoy ny firedon'ireto sakaizany.

Raha tahaka an'iny, hoy izahay teo, no nitondran'ilay zatovo ny teniny, dia azo inoana fa voaentana tokoa ny mpihaino, satria Teny Malagasy midona any am-pon'ny mpihaino no nenti-nanambara azy. Ny fo mantsy no mahery tosika noho ny saina amintsika malagasy ka manome toetra ilay olona taorin'izay teny nolazaina taminy. Itompoanay teny fantatra izany. Fa ataovy amin'ny teny vahiny ange ny fampiononana mana-manjo, nefa samy malagasy no mifanatrika eo ! Hahita fiononana ve ireo tra-pahoriana ? Atao vy amin'ny teny vahiny hoe ny kabarim-pifidianana, dia mba saino kely izay isam-bato mety ho azonao amin'izany. Fa tsy maintsy ny Teny Malagasy ihany no afaka manentana ny fon'ny vahoaka raha hitory fampandrosoana marina ianao. Midona sy manentana ny fo av y hatrany mantsy ny Teny Malagasy, ka manamboatra ny toe-po.

Diniho kely ireto, azafady, dia hazava aminao ny fahamarinan'izany : "Nafana fo ny fokonolona, ka tafatsangana haingana ny sekoly." Izany no fiteny, fa tsy hoe : "nafana saina" ny fokonolona..." "Niteraka risipo tao amin'ny vahoaka ny kabarin'ilay olomboafidy", fa tsy hoe : "niteraka risitsaina." "Namoifo ny vahoaka fa fitaka avokoa ny toky nomena ...", fa tsy misy amintsika malagasy izany hoe "namoisaina ny vahoaka." "Nahafapo azy ny zavatra reny tany am-pivoriana..." fa tsy hoe "nahafa-tsaina azy ny zavatra reny." "Vao reny ilay vaovao dia nentim-po izy ka lasa ..." fa tsy misy amintsika izany hoe "nentin-tsaina." "Dia mba samy nahazo fahafahampo ny mpihaino rehetra," fa tsy misy ny hoe "nahazo fahafahan-tsaina ny mpihaino." "Nanala ny fony izy raha vao nandre ilay hafatra nalefa taminy. Fa tsy fiteny ny hoe "nanala ny sainy" izy.

Mbola azontsika tohizana ireny sy ny tahaka ireny, fa be dia be. Mazava amintsika àry izao fa ny fo no tanamilina ao anatin'ny olona, ka manentana ary manome azy toetra entiny miatrika toe-javatra iray. Ny enti-manentana ny fo kosa anefa, dia ny Teny ihany.

Koa raha te hanentana ny fon'ny vahoaka amin'ny Fampandrosoana isika dia ny Teny Malagasy ihany no afaka manao izany. Dia teny malagasy madio, tsy safiotra na vandambadana. Teny malagasy feno ohatrohatra amana ohabolana sy hainteny, fa ireny no mamoha varavarana ny fo.

Izany tsy akory tsy midika hoe : foany sy avalony any izay teti-pandrosoana amam-pivoarana novolavolain'ny saina, na fafao avokoa izay rehetra noheverin'ny saina. Fa azo atao tsara kosa ny mampisoka sy mampando Teny Malagasy azy ireny, ka hahatonga ny vahoaka hahatakatra avy hatrany izay lazaina aminy. Na inona na inona mantsy hasoan'ny tetika sy paikan'ny saina, raha tsy voampaly amin'ny Teny Malagasy dia tonga amin'ilay hoe : "langilangy zozoro, mitefoka ihany fa tsy maharary, ary rano an-damosim-borombazaha : mitosaka ihany fa tsy mahakotsa". Ary raha tsy teny malagasy no anentanana ny fon'ny vahaoka, dia "sasara ny olon-ko hariva ny andro hoy ny ntaolo, fa sasa-poana manao saha maina fa tsy ho tompon'ny tany tsy akory".

Rahateo, mbola malagasy tsy mahay teny vahiny, na izay dikan'ny nvoambolana vahiny milaza haitao sy hairaha ny 85 isan-jaton'ny malagasy tian-koentanina eto Madagasikara. Izy ireo, anefa, no kitro ifaharan'ny fampandrosoana, koa raha tsy Teny sy Fiteny azony am-po no itaomana azy dia horaisina ho didy aman-dalàna fotsiny ny toro-lalana omena azy, na sanatria aza, raisiny ho asa an-terivozona mihitsy ny paika rehetra torina aminy, ka sady tsy inoany no ataony fe ataony noho ny tahotra izay mety ho vokany avy eo. Raha tsy hoe, angaha, ho vitan'ny manampahaizana sy ny mpitndra samirery ny fampandrosoana ity tany ity, fa avela ho mpitandamba fotsiny ireo 85 isan-jaton'ny malagasy ireo.

Manan-karen-teny azo itaomana sy anentanana ny vahoaka isika Malagasy. Efa mijoro rahateo ny Foibe momba ny Teny eto amintsika, ka azo anovozana sahady ankehitriny. Saingy asa, na misy mihevitra azy tsy ho ampy, na efa harafesin'ny fahalainan-kitady ny mpivaofy hevitra sasany, ka miaingitra kely manao hoe : "azafady fa holazaiko amin'ny teny vahiny mba hazava amintsika kokoa." Dia mbola mihevi-tena ho Malagasy hahazo ny fon'ny vahoaka ve ny olona tahaka izany ? Ekena fa mety ho lava kokoa ny fanazavana ilay teny vahiny amin'ny Teny Malagasy vao mety ho takatra ny tena dikany. Kanefa mampaninona moa ny mandany fotoana amin'izany raha tena ny hanasoavana ny mpiray tanindrazana tokoa no katsahina ? Afa-tsy hoe, angaha, matahotra sao tsy mba at aon'ny olona hoe : "tsy mba nahita fianarana raha tsy mampiditra teny vahiny ao amin'ny lahateniny". Dia mizahozaho ery any anatiny any, nefa tsy mankaiza akory ny zavatra lazainy. Ny vahoaka kosa dia manakilasy azy ireny hoe : "Dedadahy tonga rafozana : akoho iray no vonoina, ka famaky dimy no hetsiketsehina."

Tsaroako tsara, fony vao azo ny Fahaleovantena, ka nentanina tamin'ilay fambolem-bary "en ligne" ny Tantsaha sy mpamboly vary. Nahatsikaiky sy nampalahelo anefa, fa noheverin'ny any ambanivohitra ho anaran'olona ity "ligne" ity, ka maro no nilaza hoe : "Aiza ho aiza, tompoko, no misy ity Raline ity, mba hakanay toro-hevitra amin'izay nataony ?" Teo vao nikoropaka ny manampahaizana nitady teny malagasy, ka voatery nitety tanàna sy vohitra, nilaza fa "voly tora-tady" no dikan'io fa tsy izany "Raline" izany. Ho efa nahomby hatrany am-piantombohany anefa ny tetika, raha nogasiana hoe : "Manaova voly tora-tady !"

Misy koa aza sarambaben'olona mitaraina ankehitriny, ka manao hoe : "Nahoana no jeren'ny Fanjakana fotsiny izany "flottement" izany, fa tsy samborina sy gadraina ?" Heveriny ho olon-dratsy na mpigadra nandositra manotsy izany "flottement" mampisondro tra ny vidim-piainana izany. Ihomehezantsika ny fandrenesana ireny ! Kanefa dia izany no izy, rehefa tsy voazava amin'ny Teny Malagasy hatrany am-piandohany izay tena dikany.

Tsotra ihany no hevitra arosonay ho famaranana izao famelabelarana feno zavatra mahatsikaiky, nefa maha velon'eritreritra koa:
1. Aoka ho tsaroana mandrakariva fa ny Teny Malagasy, miantefa any amin'ny fo ihany, no afaka manentana ny vahoaka, na inona na inona tian-kitaomana azy.
2. Aoka hiezaka hahay sy hampiasa Teny Malagasy ny tompon'andraikitra rehetra te-hampandroso ity tanindrazana malalantsika ity, raha tiany hotafita sy hazava amin'ny vahoaka izay soridalana tiany hitarihana azy.
3. Aoka hotohanan'ny Fanjakana, tsy ara-bola ihany, fa raiketina indrindra amin'ny Didy aman-dalana ireo voambolana sy teny nokarohin'ny Tsangananasa sy Mpikaroka nanolo-tena hanabe voho ny Teny Malagasy, mba tsy ho "very maina ohatra ny menaka nahoso -bato" izay ezaka nitsembohan'izy ireny hoenti-mampandroso ny vahoaka sy ny tanindrazana.

Fa hoy ny Fikambanana Iraisam-pirenena momba ny Fanabeazana, ny Siansa ary ny Kolontsaina, ary miray feo amin'ilay "Dinan'i Afrika momba ny Kolontsaina" hoe : "Tsy misy Teny afa-mampandroso ny tany iray afa-tsy ny tenin-drazany ihany." Nanamafy izany koa ny Lalampanorenantsika ka manambara fa ny "Teny Malagasy no tenim-pirenena".

Fa raha tsy izany tokoa : "Manakodi-by isika, mahandro fanjaitra : voky ihany fa manevitevika" ary "kamboty manao vary amin-tsakay, ka ny an'ny tena indray no androtsahan-dranomaso."

Misaotra Tompokolahy, Mankasitraka Tompokovavy, naharitra nihaino anay.

bisou bisou minou minou

2008-07-14T09:03:00.003+03:00

Asa ianareo ry ireto, fa raha izaho manokana aloha dia tsy hitako loatra ny maharatsy ny fampiasana ny teny Malagasy ho teny fampianarana any amin'ny sekoly fanabeazana fototra. Hitako ho hevitra tena tsara mihitsy ary izany. Mbola hisy fotoana hiresahintsika an'io misimisy, fa efa miresaka fitazomana (eny fanindrahindrana) ny maha-Malagasy ihany isika, dia inty misy resaka kely ity tsy aritro, ka mba tiako ho zaraina aminao mpamaky io. Taranja iray tsy dia mba voaresaka matetika kanefa mety tsara ho dinihina ihany.

Asa raha efa hitanareo itsy sary etsy ambany itsy (nosokirina tao amin'ny Presidence). Sary nalain'i Voara tamin'ny faran'ny herinandro teo [Jolay 6] tany Mahajanga tamin'ny fametrahana an'i Mgr RAKOTONDRAJAO Roger Victor Solo ho Eveka Mpanampy any Jangil. Ny zavatra voalohany tonga tao antsaiko dia hoe tsara izany fa namitrampihavanana ny fitondran-dRavalomanana sy ny Katolika, satria henjakenjana ihany ny fifandraisana taorian'ny fampihatoana ny fandaharana Karajia-n'ny Radio Don Bosco, sy ny fandrohahana an'i Mopera Sylvain Urfer.

Ny zavatra faharoa tonga tao antsaiko dia hoe mba hafahafa koa izany fomba fifampiarahaban'i Son Eminence sy i Son Excellence izany an! Jereo tsara ange fa "intime" (azafady fa tsy hitako ny dikan'io amin'ny teny Malagasy) be ny "body language" an'izy mianaka e! Ny molotry ny Kardinaly Razafindratandra [azafady manonona anarana an] somary mandroso kely, ny Filoha koa etsy andaniny miandry fatratra an'ilay "bise"--moa va tsy toy irony amin'ny sarimihetsika tantaram-pitiavana vazaha irony? Inona moa no maharatsy an'izany, hoy ianao. Tsy misy maharatsy azy mihitsy fa izy ary mba mifankahazo e?

Fa ny mba tsetsatsetsa (fa tsy tsetsitsetsitra akory) kely tsy aritro dia ny momba an'ity resaka oroka, na mamikely, na bise, na bisou, na kiss ity, sy ny anjara toerany eo amin'ny fiarahamonina Malagasy. Lasa raiki-tapisaka eo amin'ny fomba fampiarahabantsika mantsy indraindray ilay mifanoroka (eny fa na samy bandy aza,... comment leitsy?!), kanefa rehefa tena dinihina ny tantara dia tsy mba fomban'ny tena Malagasy loatra izy io. Ary na ny fomba fifanorohana tena Malagasy aza dia hafa mihitsy fa tsy toy ny "bise"-ntsika ankehitsiny. Rehefa mifampiarahaba amin'ny olona zokinjokiny ianao, dia jereo fa hafa mihisty ny azy ny fomba fanorohany. Rehefa miarahaba ny Bebe-nay aho, ohatra, dia somary fihininy kely, dia apetrany eo amin'ny takolako ny orony, dia somary fofoniny ny takolako ... Izany hoe ny orona ny azy no miasa fa tsy ny molotra--avy amin'izay ilay hoe "manoroka". Hitako ho mampiseho fitiavana be ilay mampiasa orona. Ary tsy takolaka-contre-takolaka ihany koa an!

I James Sibree (ilay misionera Bekilaoty malaza iny) dia efa niresaka ny momba an'io tamin'ny 1884. Vakio ange e:

“…. Another point to be here noted is the act which takes the place which kissing occupies among Western people. The kiss seems almost unknown among the Malagasy, except as introduced by Arabs and Europeans, and its place is taken by nose-rubbing or rather of nose-pressing, a custom, as is well known, widely used by uncivilized peoples, and apparently a relic of a very primitive habit of recognising another person by scent or smell. The native word for this is manoroka, a verb derived probably from the root orona, nose (Javanese, irong; Celebes, wrong), (…). The shaking of hands is not a native custom, but is being largely adopted where foreign influence prevails.” James Sibree (1884) “Notes on Relics of the Sign and Gesture Language Among the Malagasy.” The Journal of the Anthropological Institute of Great Britain and Ireland, Vol. 13, (1884), pp. 174-183

Ka mba lasa ny saiko ry reto. Sao dia mba tokony heritreretina ny famerenana ny "oroka" tena Malagasy? Rehefa mifampiarahaba amin'ny havanao ianao rehefa avy eo, ka alaimpanahy te hanoroka, dia mba andramo hoe ilay teknika mampiasa-orona-fa-tsy-molotra? Dia mba tantarao anay eto hoe ahoana ny reaction-ny. Fitazomana ny maha-Malagasy daholo izany an!

Tsara marihina fa resaka "oroka fifampiarahabana" no resahiko eto fa tsy "oroky ny mpifankatia" an! Kanefa mba lasa ihany koa ny saina hoe ny Ntaolo Malagasy ve rehefa nifampisarizoro, sy nirevy ny mpifakatia (tany anaty lobolobo) dia mba nanao "French Kiss"? Na ny "tsaoda" hoy ny tenin-jatovo ankehitriny? Toa tsy dia fomban'ny gasy loatra koa io e? (izany hoe "french kiss" izany ko ...). Mampatsiaro ahy an'ilay kaozin'ilay sipa izay tamin'ilay bandy akama izay hoe "Tsy izay tokony atao no atao, fa ny lelako no ataonao bonbon ...".

Sipa mipetraka arY dia tonga atY!

2007-02-20T22:27:00.000+03:00

Nandalo teto Madagasikara hono i Cienna MADRID (mpanoratra/mpanao gazety kalaza ao amin'ny The Stranger, gazety any Seattle, WA) vao tsy ela akory izay, dia nifankahita tamin'i Ra-Jeannot, bandy Malagasy manao Maitrise en Geographie eny Ambohitsaina. Fantatrao ihany moa ny bandy gasy fa "mora tia" izay (sentimentique sy romantal e!) ... Dia tonga tokoa ary Ra-Jeannot dia raiki-pitia tamin'ilay Sipa Bekintana rehefa nifanerasera tao amin'ilay "English Club" izy roa.

Nony niverina tany Seattle ilay joba, dia mbola nifanoratra e-mail izy roa ... Dia tantarain'i Ramatoakely MADRID ao amin'ny Slog eto (ary averiko etsy ambany) ny ambangovangon'ireo e-mail ireo.

Izao ve izany ny bandy gasy rehefa mi-frapy sipa? Lazain'ilay Razoky fa voan'ny SIDA indray ny bandy hafa mi-talonne an'ilay bokaka. Asa aloha Razokinibe raha tena tia tokoa na mitsakaraka 'green card' fotsiny fa tsy misy andraso andraso fa tonga dia 'tahotaho-katsaka an-tani-parihy, aiza ho anay i kalabozy ..." ny anazy ... Io mba vakionao ny e-mail.

Friday 17 june 2005

Hello MISS CIENNA!

What are the news come from you? For me, I have many news to tell ,repeat or to say to you reticent to our my BEST FRIEND:I hear the youngsmans who demand your e-mail address,in your english club in the months:March- Avril- May years 2005, they are proud (or pride) persons. Your relationship to them is no problem ,but certainly, I tell and know the information’s life or the reality about them, I tell you : Be careful my best friend, they have a dangerous disease, AIDS, Acquired Immune Deficiency Syndrome.They are mistaken or despise me in front of you to destroy our best relationship. but don’t worry to have a relationship to
me. I’m good health bodily and mentality currently.

Besides, I’m not satisfied about your answer about my letter last week, I reinforce about it. YOU know my staff information; forever BACHELOR; My best wish I LOVE YOU SERIOUSLY MISS CIENNA! I PROPOSE YOU TO COME MY WIFE IF YOU AGREE ABOUT. WE ARRANGE OUR PROGRAM. Christian’s life if you agree it, because you’re good looking, intelligent, you are attracted my heart. We prepare our plan “in the best things in our life."
Finally; carrying on relationship;I wait your answer;I demand you listen WESTLIFE VOLUME TWO and CELINE D’ION VOLUME TWO;michael LEARN PAINT MY LOVE song in your cassette. Sunday: you listen GOSPEL CHORALS. I kiss you! Good luck in your week-end; busy
JEANNOT BACHELOR STUDENT GEOGRAPHIC ANTANANARIVO
-Madagascar

(http://www.thestranger.com/blog/2006/02/a_modern_day_ro_1)

Rehefa tsy namaly elaela hono i Ra-Sipa (tsy nihaino tsara an'ilay Westlife--Vol 2, sy Celine Dion angamba) dia niova tetika indray Ra-Jeannot. Rehefa tsy hanambady ahy ihany indry dia andao hanao business, ka hanondrana CRISTAL ,QUARTZ ROSE any Zamerika no ady eo, ary andefaso vola hanomanana ny fiaraha-miasa, hoy izy mantsy an-dRasipa.

Asa aloha Razokinibe raha tena mbola tia tokoa na mitady hanataka vozongo fotsiny e .... Na mety anjara-birikin'i Ra-Jeannot amin'ny MAP ihany koa io (jereo ny Teny Ifanomezana faha 6 sy Fanamby faha 6 izay tsy inona fa ny fampiroboroboana ny varotra ivelany). Amin'ny volana Jolay 2007 hono no hanomboka ilay bizinesy.

Thrusday 02 february 2006
Hello! MissCIENNA;YOUR Parents:MOTHER,FATHER!
Greeting,CHRISTMASDAY;NEW YEAR 2006! I visit and wish you good health,I am
forever good health bodily and mentality.What are the news come from you?
My news: First,I succeed in my exam ,to get LICENCE, prepare my first MASTER GEOGRAPHIC THEORICALLY;next I remember kindness indeed for MISS CIENNA because I defend or protect her in cause of many youngboys propose to steal her sexuality. Our relationship take place normally, I establish diplomatic about trade of precious stones,name in french: CRISTAL ,QUARTZ ROSE, another kinds of stones precious, YOU know in the next message ,if YOU answer. WE do or make a agreement about it:quality, cost,or trade. Before OUR meeting, I demand your place money and reception stone precious MADAGASCAR towards USA .The PLAN of sale or trade stones precious will begin in the months JULY 2007. I wait YOUR answer.
The AUTHOR:JEANNOT GEOGRAPHIC ST! UDENT ANTANANARIVO 101 MADAGASCAR (http://www.thestranger.com/blog/2006/02/a_modern_day_ro_1)

Andininy voalohany, faharoa, ary fahatelo

2007-01-06T00:40:00.000+03:00

Tratry ny taona e! Mirary ny soa sy fanambinana rehetra hatrany an!

Nihaino ny kabary nifamaliana tetsy Iavoloha dia lasa saina ny havanareo nihaino ny hiram-pirenena fanokafana ny lanonana. Hatramin'izay nahaizako ny Hiram-pirenena Malagasy (Ry Tanindrazanay Malala o!), dia ny andininy voalohany ihany no hiraina miampy ny fiverenana izay averina indroa. Ary ny "version instrumental" ofisialy moa dia manaraka an'io fenitra io (andininy voalohany miampy ny fiverenana miverina indroa). Tato ho ato anefa dia toa niova izany ka toa tsy maintsy hiraina indray ny andininy telo, ary ny fiverenany dia averina indray mandeha ihany isan'andininy. Mahatonga korontana eo aminay mpitendry orga sy ry zareo mpihira io matetika.

Asa aloha ianareo ry ireto fa hitako ho lava loatra ilay hira rehefa terena hiraina avokoa ny andininy telo. Marina fa andininy telo no nanaovan-dry Pasteur Rahajason sy Norbert Raharisoa azy tamin'ny 1958. Kanefa tsapako somary mitarazoka ilay izy rehefa atao daholo ka zary lefilefy ilay fientanam-po mandram-pahatonga any amin'ny andininy fahatelo. Dila ny hafanam-po rehefa taritina ela loatra ilay vazo ...

Manarak'izany dia vitsy dia vitsy ny olona mahay sy mahatadidy an-kandrina ireo andininy telo ireo, ka zary laza mody mingonongonona fotsiny sisa ny maro rehefa eo amin'ilay hoe "Ka Ilay Nahary 'zao tontolo izao, No fototra ijoroan'ny satanao." Ianao mamaky io, ohatra, sahy milaza ve ianao fa hainao tsianjery hatramin'ny voalohany ka hatramin'ny farany ny andininy telo?

Ka hoy aho hoe, aleo rangahy hijanona amin'ny mahazatra (andininy voalohany miampy ny fiverenana miverina indroa) fa aza asarotina ny zavatra a! Fanao ihany anie ilay mihira andininy iray ao anatin'ny maro e! Ny tsotsoka moa rehefa mihira ny La Marseillaise dia tsy ny andrininy enina no irainy fa ny voalohany fotsiny. Ny bekitana koa rehefa miangaly an'i The Star-Spangled Banner dia ny andininy iray ao anatin'ny efatra ihany no ataony. Toy izany koa ny "Pincez tous vos koras, frappez les balafons" an'ny havantsika sonegaly.

Tsy hoe te haka tahaka be fahatany, na koa hoe kamolahy, fa tena sarotra ilay mitadidy tononkira e! Sosokevitra ihany moa ny ahy iny kanefa raha hoy ianareo ve hoe ...

-------------

Tsetsatsetsa mba tsy aritro fotsiny ity manaraka ity fa amin'ny manaraka aho mitoraka bilao-G mafonjafonja kokoa raha mazoto. Nanintona ny saiko ity sombin'ny kabary nataon-dRavalomanana tetsy Iavoloha anio maraina ity. [eto ianao mi-kiliky raha te hamaky ny kabary manontolo]

"... Ary tsy maintsy hapetratsika ny lalàna sy izay fomba rehetra mba hilazana ireo sasany fa rehefa naterakao ilay ankizy dia tsy maintsy hiantohanao. Misy dia misy ary niresaka tamiko mivantana ireo olona ireo. "Aiza ny dadany". "Lasa any izy". "Firy ny zanakao?". "Valo, enina". Manomboka izao dia samy hihevitra isika, samy hisaina isika mianakavy. Lazaiko ampahibemaso eto fa tsy maintsy hofantarina amin'ny alalan'ny reniny na amin'ny alalan'ny ADN ny rain'io zaza io. Koa, zavatra tsy maintsy hataontsika voalohany indrindra izay, mba ahafahana mitsinjo sy manatsara ny fari-piainana sy ny ankizy. Indrindra indrindra ireo ankizy any amin'ireo faritra tena sahirana dia sahirana. Ary tsy misy afa-miala intsony fa tena hatao lalàna velona eto Madagasikara, hoy aho, aminareo. Koa dia milaza ampahibemaso eto aho ho ren-tany ren-danitra, fa raha nisy tsy nety tany aloha, na nisy ny fomba tsy nety, ahitsio, ovay, fa tsy hamelako mihitsy mandritra ny dimy taona raha tsy hitako io."

Aleoko tsy asiako commentaires mihitsy akoatry ny hoe saika nifanandrify amin'ilay resaka Anna Nicole Smith ilay resaka test ADN-ADN-nareo io ....

Resaka sendra heno tetsy amin'ny Metro Havre Caumartin ...

2006-12-19T01:12:00.000+03:00

Resaka sendra henoko tao anaty Metro androany maraina. Tanora Malagasy roalahy, mikata sy mihaingo be, andeha hiasa angamba, no sendra nifanena .... Izy mitsam tsy nahita ahy, fa izaho naheno ny resany tsara.

Tsy dia misy votoantony loatra ny resaka fa mba nahaliana ilay fomba firesaka tipika Malagasy ka indro zaraina ...

A- Drray! Ingahilehibe marina! Ahoana patron a!
B- Manaja anao, Sefo o!

A- Aiza indray ary ity “Sefo” ity e? Inona no vaovao any aminareo e?
B- Tsy dia misy fa izao badolahy izao foana e! Any aminareo matanjaka izao no misy vaovao.

A- Aiza koa izay “badolahy” eo! Efa elaela mihitsy ianareo no tsy hita a! Tany amin'ny RNS izao ialahy no hita farany ...
B- Teto ihany fa kely dia tsy hitan’ny olona e!

A- Aza dia mba maneso anay madinika kosa e! Raha ianareo ve no kely, dia mba inona izahay?
B- Ka izany ary no marina, ka atao ahoana? Ianareo indray tsy esoina izany ka.

A- Aiza moa ianareo izao?
B- Miodikodina eto ihany fa mba ho aiza moa e! Nareo angaha mbola ao amin’ny PriceWaterhouseCoopers ihany?

A- Ye, hatramin’izao aloha. Tsy hita fa voatery mitsakaraka e!
B- Aiza indray ity “mitsakaraka” ity e! Efa laibany be io ve dia …., sa?

A- Ianareo izao no tena laibany, fa izahay anie mbola tena vahoaka mitrongo e! Fa aiza tokoa moa ialahy izao e?
B- Eto ihany fa mihodina dia misangodina e! Variana mijery anareo matanjaka e! Nanao ahoana tokoa ilay projet-n'ialahy ho any Dago e? Raikitra, sa ...?

A- Eo indrindra isika izao ....
B- Mba tsarovy ihany ho’a ny kafiboay rehefa lasa minisitra ianareo …

A- Izay indray ialahy! Aleo aloha leitsy hikisaka fa eto aho no miala e! Amin'ny manaraka e!
B- Six ary e! Dia mankalaza e! Dia manaova fety sambatra raha tsy mifankahita e ... Aiza tokoa ny progany amin'ny Reveillon e?

A- Eo indrindra isika izao e .... Mety hijery Din Rotsaka any Rungis ihany angamba ... Ianareo ho aiza? Siora aloha dia mampamangy any amin'i Madama any e!

Reconduite a la frontiere?

2006-11-16T22:09:00.000+03:00

Asaina mody hono Ranavalona III e. Efa nisy Sarkozy kay tamin'izany.

On the undeveloped brain of the Amazing Malagasy Race

2006-11-07T20:24:00.000+03:00

Raha mipetraka any Zamerika any ianao dia mety nahita an'ilay horonantsary atao hoe "Amazing Race 10" tao amin'ny chaine CBS tamin'ny Alahady lasa teo. Ho anao izay tsy mahalala, dia karazana kilalao kidaladala izay izy io: mitetitety firenena maromaro ny mpifaninana ary ampanaovina sedra (na challenges) isankarazany dia hita eo izay tena milay. Tamin'ito Episode iray ito ary dia nalefa tany Antananarivo ny mpifaninana, ka nisy kilalao isankarazany nasaina nataony tao. Anisan'ireny ohatra:

nasaina nitady ny anjely mainty (black angel) teo Anosy dia fanina daholo, fa kay efa nolokon'ny gasy fotsifotsy ilay anjely.
nasaina nitatitra kidoro vitafoam be dia be eran'ny tanana, ka nisangaojy ireo vozongo.
nasaina nihinana Vavan-omby tery amin'ny Stand 11 tery Analagam, ka saika tsy nahatelina fa kiriko--eto ianao raha hijery an'ilay video.

Resaka kidaladala ohatr'izany e! Gaga fotsiny ho'a ny gasy nahita ny hadalan'ireo vazaha!

Fa tsy izany loatra no tiako ho tantaraina anareo fa nisy resaka tena nahasoso-kapa ahy tao [miala tsiny amin'ny fitenenana an!] ka tsy aritro. Resaka nataon'ilay mpisipa Rob sy Kimberly tamin-drizareo nandray taxi nitady an'ilay anjely mainty. I Rob moa dia tary somary dedadedaka sy midingindrambo izay, ary i Kimberly kosa dia sipa ohatry ny sarotindrotiny sy njainjay izay.

Dia nitaraina ary i Kimberly fa hoe tena be setroka be Antananarivo, ary "breathing in exhaust is bad for you, right?"

Dia hoy ny navalin'ilay Rob, tsy naka sarotra: "Babe, they [the Malagasy people] die a lot younger than we [the American people] do. Most of them don't get enough protein, so their brains don't develop as much. Your brain needs protein."

Asa ianareo fa tena mba naharary ihany aho naheno ny vavan'ilay bandy tsy misy hilana azy iny. "Tsy ampy proteins, hono, ny Malagasy dia tsy mivoatra tsara ny sainy sy ny ati-dohany." Ohay, legon'a! Totohondry tsy mivokona amin'izany anie efa maty hozatra e! Isika gasy koa moa somary susceptibles izay, ka tsy hita izay atao. Where is the outrage? F_ck you, Rob!!!! [miala tsiny manonona anarana an!]

Grave be ange izany e! Dia tsy aritro ka lasa aho nanao Google hoe "brain development" sy "protein" ka inona tokoa fa tena tsy nampiresaka kay ilay Rob-ndozatra iny: Ny mpikaroka avy any amin'ny UC-San Diego ohatra dia nahita fa "normal brain development requires 14-3-3 epsilon, a member of a protein family." Ry zareo avy any UC-Irvine kosa dia nilaza fa "proteins ... are as essential for the induction of long-term memory as they are for the development of the central nervous system." Ny ao amin'ny Université Catholique de Louvain kosa moa dia nahita fa "a Low-Protein Isocaloric Diet During Gestation Affects Brain Development and Alters Permanently Cerebral Cortex Blood Vessels" amin'ny zana-boalavo.

Dia nanitikitika ny ati-doha(keli)ko indray hoe tena tsy ampy proteines tokoa ve ny Malagasy. Dia lasa indray nitady "protein", "diet" sy "Madagascar" tamin'i Google. Dia inona tokoa hoy ianao? Ny FAO mihitsy no nilaza fa "In Madagascar where food habits are of Indo-Malaysian origin, rice is the staple food virtually everywhere. The protein-calorie ratio of the diet is less than 10 percent." Ny sahalan-isa ao Afrika atsinanana anefa dia 17 isanjato. (Nb: Data 1981 io an!)

Dia ahoana izany? Izaho manokana aloha mbola tsy tena resy lahatra hoe "undeveloped" ny ati-doha Malagasy e! Tsy dondrona ho'a ny gasy! Fa, just in case Rob is right, andao mba hihinana hena sy legumes bebe kokoa aloha ahafahana mifaninana amin'ny beloha amin'izao fotoanan'ny fanontoloana izao e! Ny sakafo ahazahoana proteines moa, raha ny fahazahoako azy, dia ny hena, ny trondro sy hazandrano, ny ronono sy ny abobo, ny atody, ary ny legumes. Takatry ny Malagasy ve anefa izany?

Raha mba misy dokotera, na mpianatra dokotera, mamaky an'itony rediredy vinany itony dia mba ombay hevitra fa grave e! Sao dia mba hahasoa ny taranaka e!

Lavitrezaka Iraisampirenena 2006

2006-08-18T23:57:00.000+03:00

Tonga dia mariho dieny izao ny datin'ny Alahady 22 Oktaobra 2006, fa misy hetsika goavana eto Vohitsara-- dia tsy inona fa ny 10è MARATHON INTERNATIONAL D’ANTANANARIVO. Asa na fifandrifin-javatra, na nanantona mpanandro ry lerony ao amin'ny Federasiaona fa io daty io koa no ALAHAMADIBE amin'ity taona ity (ka etsy Anosimanjaka ry zareo Zanad-Ranavalontsimitoviaminandriana no hankalaza an'izany).

Efa elaela ihany no tsy nanaovana an' io Hazakazaka Iraisampirenena io, ka dia faly sy ravo izahay mpandala ny taranja hazakazaka amin'izao hetsika ataon'ny Fedarasiaona izao. Misokatra ho an'ny daholobe, izay teraka tamin'ny 1986 na talohan'izany, ny fifaninanana. Raha ny vaovao henonay dia misy mpihazakazaka Europeana sy Afrikana vitsivitsy mikasa ny handray anjara mavitrika, ka aleo hifampitady fa samy nosoran-dreniny menaka [ny anay dia ry Haja sy ry Prosper ary ry Landinirina ihany no antenaina].

Azonao sokirina eto ny taratasy fisoratana anarana sy ny fitsipika isankarazany raha marisika ianao. Maimai-poana ny fandraisana anjara ho anay eto an-toerana, 10 Euros kosa ho anareo avy any dilambato. Misokatra hatramin'ny Asabotsy 14 Oktobra 2006 amin'ny 11h30 ny fisoratana anarana. Asa koa na fifandrifin-javatra, na tena mahay politika ry lerony ao amin'ny FMA fa io daty io koa no fehim-potoana farany andraisan'ny HCC etsy Ambohidahy ny antotan-taratasy firotsahana ho Fidiana ho Filoham-pirenena amin'ny Fifidianana atao amin'ny 3 Desambra 2006. [ka raha te hifaninana i PJR na amin'ny Lavitrezaka na ny Fifidianana, dia mila mody alohan'io Sabotsy ho avy izao io--raha avelan-dry lerony fa toa lasa film OSS 117 na Malko Linge ny fandehan'ilay tantara]

Mahafinaritra ny parcours-n'ity Marathon ity fa tena mitetitety ny tanana milay sasantsasany eto Vohitsara ["Manjakaray, Vasacos, Isotry, Ambanidia " hoy i Samoela izay --tsy tonga any Anosimanjaka]. Araho ange raha sitrakao ilay Derive sur Tananarive 2006 e!

Miainga : 7h30, Manoloana ny Palais de la Justice – Hôtel Hilton – Maison des Anciens Combattants – Ambohitsirohitra – Collège St Michel – Commissariat de Police – Hôpital Befelatanana – Gerb'Or [izany izy e! mandalo amin'i Gerb'Or o! fa style juste-au-corps aho e! manarabatana ...]– Palais des Sports Mahamasina – Eglise St Joseph – Gymnase Couvert – CEG Antanimbarinandriana – Cercle Franco-Malagasy - Palais de la Justice.

Palais de la Justice – Hôtel Hilton – CnaPS – Ambalavao Isotry - Marché d’Isotry – Hôtel White Palace – Hôtel Anjary – Hôtel de Police Tsaralalàna – Centre Culturel Albert Camus – Avenue de l’Indépendance vers Analakely – Tunnel Garbit – ACSA – Ambohitsirohitra – Maison des Anciens Combattants – Hôtel Hilton – Palais de la Justice.

Palais de Justice - Place Karl Marx – Avenue Gal Richard Ratsimandrava – Ankadimbahoaka – Ankaditoho – Tsimbazaza – Ambanidia - Route Circulaire jusqu’au Collège Rasalama – Passage sur le pont d’Ambatomitsangana avenue Lénine – Passage devant la Clinique des Sœurs Ankadifotsy – Carrefour Ambodivona rue Dr Raboto – Passage devant l’Eglise Catholique Manjakaray – Route d’Ambohimanga jusqu’à la station d’essence Total – Cité Analamahitsy – Passage devant l’hôtel Pullman [izany izy e! mandalo amin'i Pullman! toa ny mpihira izay manao clip aho e! ny mpandalo aza fanina ...] - puis à gauche devant le Stade d’Alarobia – Route des Hydrocarbures [angamba efa mamindra 4ème vitesse amin'ny Hydrocarbure ianao izay]– Place Antanimena – Imprimerie Catholique – Gare routière Vasacos – Antohomadinika – Cité des 67 ha vers le Commissariat de Police – Ministère Fonction Publique – Route Ny Havana jusqu’à l’intersection avec la route de la Digue – Route de la Digue jusqu’au carrefour d’Ankadimbahoaka – Avenue Général R. Ratsimandrava jusqu’à la plce Karl Marx – Tonga : Manoloana ny Palais de la Justice.

Ho anareo tsy mba nanaraka ny taranja Hazakazaka eto Madagasikara dia ireo aby ny Tompondakan'i Madagasikara nifanesy tamin'ny Marathon (na iraisampirenena na tsia) hatramin'ny 1991. Hoy ianao izao hoe mby aiza ho aiza ry Mahatana Jean De La Croix? Asa leitsy ...

Taona	Lehilahy	Fotoana	Vehivavy	Fotoana
1991	Alain Clerc Razahasoa	2:29:32	Jacqueline Razanadravao	3:04:10
1992	Alain Clerc Razahasoa	2:22:27	Jacqueline Razanadravao	2:51:40
1993	N. Ampy	2:39:06	Jacqueline Razanadravao	3:20:33
1994	Victor Razafindrakoto	2:25:42	Jacqueline Razanadravao	3:00:14
1995	Alain Clerc Razahasoa	2:24:39	???	???
1996	Victor Razafindrakoto	2:24:45	Clarisse Rasoarizay	2:57:22
1997	Nicolas Razafindrakoto	2:25:07	Clarisse Rasoarizay	2:47:20
1998	Marie-Alexis Andrianaivo	2:30:22	Elysée Razafimahatratra	3:02:23
1999	Joachim Ralala	02:38.6	Eléonore Ralantoarimalala	3:26:03
2000	Haja Ramananjatovo	2:25:27	Elysée Razafimahatratra	3:04:27
2001	Prosper Randriasoalaza	2:22:17	Clarisse Rasoarizay	2:47:41
2002	???	???	???	???
2003	???	???	???	???
2004	Haja Ramananjatovo	2:19:36	Landinirina Ratianarisoa	3:06:52

Source: http://www.gbrathletics.com/nc/mad.htm

Marc sy Jean Marc, 2006

2006-07-17T19:28:00.000+03:00

Raha liana amin'ny "resaka honohono" sy mpanaraka "siosion-dresaka" toa anay ianareo dia tsy maintsy efa naheno fa "nifampody" i Marc sy Jean Marc rehefa nisinda ilay disadisa kely nisalovalovana ny fiaraha-miasan'izy mirahalahy mianaka. Niverina tamin'ny asany taloha izany ilay tary metisy rainiboto sy gabonE, manambady gasy, tompondakan'ny romborombo fahiny, mpandeha moto menamena, mpiambina ny ain'Izy Filoha.

Efa ho avy rahateo koa moa ny fifidianana ka tsy maintsy atevenina ny fiambenana fa maromaro ihany hono mantsy ny maramara kiranina sy maimbomaimbo ra eto amin'ity Dagodago-nareo ity. Tsy hita fa mbola tsy milamina ny tany e!

Rehefa fifidianana hono, dia izay matanjaka ara-bola sy ara-lojistika ihany no mandresy matetika. Araky ny hevitro (inona anefa moa izay izaho), ny lafiny fiambenana dia marika iray (ankoatra ny style) azo hitarafana ny tanjaka sy herin'izy samy kandidA, na eo amin'ny ara-bola io na ara-lojistika. Ka raha io no refy ampiasaina anaovantsika ny vinavina hoe iza no mety hatanjaka ka handrombaka ny fifidianana amin'ny 3 Desambra, dia hitako fa verezin-dRavalo lavitra be daholo ny mpifaninana azy.

Jereo anie ny sarisary etsy ambany fa ny azy ny garidadekaorony trozona be hoarina amin'ny mpiambina ny mpifaninana aminy akaiky indrindra (eny fa na dia mbola tsy nanambara ampahi-behimaso aza i Herizo Razafimahaleo fa hilatsaka ho fidiana).

Garidadekaoron-dRavalomanana: Manindry sy mamono-lolo.
Stylen-dRavalomanana: Mamaky Baiboly DIEM rehefa vory vahoaka i Mahamasina.

Garidadekaoron-dRazafimahaleo: Mifitsaka sy manao croiser-les-bras.
Stylen-dRazafimahaleo: Mivazo amin'ny Gitara TAKAMINE rehefa vory vahoaka i Mahamasina.

Lesona sy Fehiny: Raha terem-panahy ianao io, na entanin-java-tsy fantatra, ka tapakevitra fa hirotsaka ho fidiana ho Filohan'ny Tany sy ny Fanjakana amin'ny 3 Desambra, dia mba ataovy bokonozatra sy bogosy ny garidadekaoronao, fa aza atao kombihiny kely, satria ry lerony ireny anie no tena hitarafan'ny olona ny tanjakao e! Sady, en plus-in' izay, manintona ny andriambavilanitra mpifidy koa hono ry lerony ireny rehefa bogosy sy ranjananjanana tsara. (tsy tadidinareo angaha ny tantaran'i Jean Marc Koumba tamin'i Marc Ravalomanana nitsidika ireo zanan-kavantsika tany Abilene University any Texas? "Il a du signer 24 autographes")

Jean NARIVONY: RAJAKOM-BAZAHA

2006-04-19T18:53:00.000+03:00

Herintaona ngarangidina izay dia naroso ho vakianao teto ny tononkalon'i Randza ZANAMIHOATRA, andrarezin'ny tontolon'ny kanto Malagasy, nitondra ny loha-teny hoe Malagasy Mankany. Anio kosa indray dia indro poeta Malagasy anakiray nanana ny maha-izy azy aroso ho tsakotsakointsika ...

Rajaonarivony no tena anarany fa Jean NARIVONY no tena nahalalanareo azy (nitondra ny solonanarana hoe J. Venus sy Junior V. koa izy rehefa niseho an-gazety). Mpanabe sy mpampianatra tao amin'ny Sekolin'ny Misiona Protestanta teto Anjiro izy tamin'ny fotoan-androny.

Efa tranainy ihany ity tononkalo ity--kanefa toa tsara tsihahivina ihany indraindray. Tononkalo somary masiaka kanefa ihany koa toa miendrika antso-vonjy avy amin'ny Malagasy minia sy mikiribiby mifikitra amin'ny maha-Malagasy azy ...

Tononkalo tena poince be an! LaChEz vOs CoM'S sVp ...

RAJAKOM-BAZAHA

Jean NARIVONY (1898-1980)

Jereo ity Rajako fa hoe lasa ambony

Ka tsy mba miharo amin' ny namany intsony

Niofo ka tonga Vazaha lehibe

Fa efa mandroso, na sivilize!

Nomem-pataloha sy satro-baonetra,

akanjo jaby na didy jaketra;

Ny salotra anatiny asiam-pehitenda

Sy kaolina henjana mila hahakenda.

Mahazo latabatra fisakafoana,

Mampidin-divay ho rano sotroina,

Mifoka sigara rehefa mba voky,

Mamela-gazety, manokatra boky,

Mivimbina tehina nony mamindra,

Manao solomaso ka fatratra indrindra.

Dia jenitra i Jako fa "tsara tarehy";

Ataony ho dera ny akora sy ny hehy!

Ny tompony izany dia mody mandoka

Kanefa ao anatiny dia manafoka!

Mba inona isika izay be fakan-tahaka,

Mangilatra ivelany toa voronkahaka?

Fiteny sy fomba nadika avokoa

Fa ny an' ny tena..."valalan'amboa!"

- Aleoko manandratra izay nentin-drazana

Na dia mavomavo sy vitsy mpitazana,

Toy izay kevokevoka maro mpizaha

Kanefa fosaina: Rajakom-bazaha.

(Amboaran-tononkalo, tak. 175)

----o----

Ravalomanana Am-Perinasa

2006-03-30T20:43:00.000+03:00

Asa ianareo raha nihaino fa dia mba nahafinaritra ahy ilay kabary nataon-dRavalomanana omaly teto Moramanga tamin'ny fankalazana ny fitsingerenan'ny tabataba 29 Martsa 1947. Nanentana ny fo sy ny saina ilay laha-teny tsara rindra natao.

Ny tena vontoanton-dresaka dia ny fanombohana tamin'ny fomba ofisialy ny Madagascar Action Plan (MAP) izay nadikany hoe Madagasikara Am-Perinasa, na hoe Madagascar A Pied d’œuvre. (Misy mahay manao dikanteny gravy mihitsy ao Ambohitsirohitra ao an!)

Fa inona tsara moa ito MAP-MAP dradradradrainareo ito e?

Hoy indrindra ny Filohampirenena: "Lalana tsy maintsy hizorana ahatongavana any amin’ny “Vision” na Vina “Madagasikara, Voajanahary” ny MAP. (...) Ny MAP dia Madagasikara izay manana “Planina” ao anatin’ny fotoana fohy mba hampandrosoana haingana sy hanarahana ireo soridalana tsy maintsy aleha. Ny MAP no hanovantsika itỳ firenena itỳ ao anatin’ny dimy taona monja." Na dia tsy tena mbola mazava amiko tsara aza aloha ilay MAP dia alao hery izy hahavita be e! Ho ambinin-java-manasatra ianao, Ravalo! Raikitra fa samia mivonona izay vonona, ary izay tsy handray anjara kosa aza manembatsembana.

Io hono i Ravalomanana rehefa Am-Perinasa eo ampamoloana e! "no'n ba`i tho" Vietinamianina (antsoina koa hoe Non La) io hanaovany io fa sao dia lazaonao fa misatroka sahafa eo indray i Prezida an! Na Stetson na "no'n ba`i tho" dia bogosy foana e!

(entre isika samy isika, ... mibotsibotsina ery anie izany patalohan-dRavalomanana izany e! "is that a cellphone in your pants, or are you just happy to see me?")

Lahatsoratra NYT: 29 Martsa 1947

2006-03-28T22:17:00.000+03:00

Amin'izao fitsingerenan'ny 29 Martsa--daty manantantara izao, dia indro aroso ho anao lahatsoratra anakiroa mampiseho ny fahita sy fitantaran'ny Amerikana iny zava-niseho tany amintsika iny.

Ny Lahatsoratra voalohany dia nosokirina avy tao amin'ny Arisivan'ny New York Times ny faharoan'ny volana Aprily 1947, pejy 3.

Ny lahatsoratra faharoa koa dia nosokirina avy tao amin'ny Arisivan'ny New York Times ny fahadimin'ny volana Aprily 1947, pejy 8. Vakio ny zavatra lazain'i Jules Castelanni (Solombavambahoakan'i Madagasikara): "If the French should leave, it would result in dreadful bloodshed among the local tribes and finally would end in the dominance of the island by some other foreign power. It should not be forgot that the recent discovery of uranium on the island would attract certain powers to take the opportunity of seizing Madagascar." (i.e., raha tsy eto ny Frantsay dia asa izay hitranga)

Sivy amby dimapolo (na dimapolo sivy amby) taona aty aoriana -- mbola eto ihany isika mianankavy -- mbola eo ihany koa ry lerony ... ary ny uranium ve mba ahoana?

rdj MOZIKA 2005

2006-03-23T18:10:00.000+03:00

Nahafinaritra ahy ny hetsika rdj MOZIKA 2005 notontosaina tao amin'ny PALAIS DE SPORT ny Zoma 17 MARTSA 2006 lasa teo. Ho an'izay tsy mahalala moa dia lanonana fizarana amboara ho an'izay mpanakanto heverin'ny mpihaino/mpijery fa mendrika sy raitra indrindra tamin'ny taona 2005 izy io. Notantaraina nivantana tamin'ny TVM sy ny Radio des Jeunes moa ilay izy ho an'izay tsy afaka nanatrika.

Nandefa SMS tamin'ny 033.56.01703 ny mpifidy hanoana izay mba reviny. Ka rehefa natao ny totalin'ny SMS voaray dia i Lola hono no Mpanakanton'ny Taona 2005, i Kix (Ambondrona) sy i Bodo no Manga Feo indrindra, Tovo J'hay sy i Mima no mpanakanto SEXY indrindra, i Njakatiana ("Njaka an! Mais il est ou?" dixit Tantely) no Groupe Variete, sy ny sisa sy ny sisa ...

Tsorina aloha fa tsy nahazo vato firy ny akamaroan'ireo mpanakato mba nofinidin-dRabelazao. Ireto ohatra no santionan'ny safidiko: Rija Ramanantoanina (Voix Masculine), Francia (Voix Feminine), Kix (Artiste le plus sexy--rehefa tsy miala satroka) ary Tahiry (Artiste la plus sexy, na i Francia raha nominee ikala. Who is Mima anyway?), Green (Groupe Rock). Fa tsy maninona izany fa izay tian'ny be sy ny maro ihany io e! Samy manana ny tiany.

Fa ny tena nanaitra ahy dia ilay taranja "Spectacle de L'Annee": Che Bel Canto Mahaleo hono no voafidy. Fantatrareo ihany aloha, ary tsorina fa mpiondana ary tena mpandala ny Tarika Mahaleo ny havanareo. Fa ity safidy iray ity kosa tsy laitrako e!

Nijery an' io Fampisehoana Che Bel Canto Mahaleo io aho, ananako ato antrano ilay DVD (Adin'ny Efatra, Hira Dimy amby Efapolo), fa tena tsapako hoe tena tsy zakan-dry Ranabavy isany Bodo, Hanintsoa, sy ry Lalie (cf. ilay hira hoe Tiana ve?) ilay miangaly ny vazon'ny Tarika e! Ohatry ny lasa manirikiry izany ny mijery an'ilay Andriambavilanitra mikezaka mafy manaraka ny revin'i Fafa sy Dama ary Nono. Tena revy samy manana tokoa, ka hoy aho hoe, aleo rangahy tsy afangaro fa ngadona tsy mitovy an! Randrana manendrika ny hafa no tadiavin-dry lerony ampisalorana ny divas/chanteuses de variétés Malagasy.

Hitako hoe Generation hafa mihitsy ry Hanintsoa sy ry Lalie, asa raha mba mpihaino na nankafy ny hiran-dry Bekoto sy ry Dadah ary ny zokilahy Raoul fa ohatry ny tsy nety ilay fampiaraham-peo e! Sa izaho mihitsy no efa tena 'piorista'? Enga anie ka tsy hisy hitonatonana hanao Che Bel Canto Lolo sy ny Tariny na Che Bel Canto Tselonina eo, fa angamba dia marary ery ny foko ....

Ny hira nataon'i Francia ihany no hitako ho nifanaraka tamin'ny Revy Mahaleo. Fa iny indray resaka hafa mihitsy--izy mantsy sady manja be no tsara feo ka tsy maintsy pardonner-vana na mandiso tononkira matetika aza ....

Ireto ny vokatra rdj Mozika 2005 manontolo raha liana ianao e:

Meilleure voix masculine : Kix (Ambondrona)
Meilleur groupe Rock : Ambondrona
Meilleur groupe R’n’b - Rap : Raboussa
Meilleure voix féminine : Bodo
Meilleur groupe mafana : Tsiliva
Meilleur groupe évangélique : Antsa an’i Kristy
Meilleur groupe variété : Njakatiana
Le groupe révélation de l’année : Tsiliva
Meilleur tube mafana : Be zesta de Tsiliva
Artiste le plus sexy (homme) : Tovo j’hay
Artiste la plus sexy (femme) : Mima
Meilleur spectacle de l’année : Che bel Canto (Mahaleo)
Meilleur tube soft : Voarara de ‘Zay
Meilleur tube variété : Tora-bato miverina de Voahangy

Nisy naka hono ny Stetson'i Om-Gui e!

2006-03-14T23:56:00.000+03:00

Ravalomanana, Iavoloha, 13 Martsa, 2006

Asa loatra ry zareo na ny akon'ilay sarimihetsika Brokeback Mountain na ahoana fa somary nanaitra ny masoko ny fanamiana nanaovan-dRavalomanana omaly tetsy amin'ny Vitrine de Madagascar tetsy amin'ny havoanan'Iavoloha (andao angaha adika tsotsotra hoe "Elevatedhead Mountain").

Noheveriko ho i Om-Gui na i Tantely avy tao amin'ny Tarika Ny Ainga ary no tonga hanao guest appearance ka hiantsa an'ilay vazo hoe "ny revintsika roa," kinanjo kay tena Izy Lehibe mihitsy.

Tarika Ny Ainga

Tsy voandalana avy tany Tegizasy na Las Vegas moa iny satroka Stetson original iny?

Aza ampirafesina ho'a za...

2006-03-01T18:12:00.000+03:00

Nanaitra ahy ho'a ito tantara tao amin'ny L'Express androany ito e! Tsy vitan'ny hoe ampirafesin'ilay razoky ny rafotsiny fa mbola fatorany koa rehefa lasa manao ny ataony any izy. Marina aloha fa hoe "tady vita fato-maty" ilay fanambadiana fa na izany aza, ilay mifamatopatotra kosa ohatry ny trop loatra e! Ary tsy voalohany hono izao fa efa nisy koa tamin'ny 2005. Indro aloha ilay tantara, dia avy eo isika miroso amin'ny analizy tsotsotra.

Imerimanjaka: Un homme emprisonné pour délit d’adultère.
(from http://www.lexpressmada.com/)

Un homme a été mis sous mandat de dépôt hier, pour adultère. Il était déjà dans le collimateur des autorités compétentes de son quartier, à Imerimanjaka Ambohijanaka, depuis le week-end dernier, suite à la plainte déposée par son épouse. “Le lundi 27 février, mon mari a été pris en flagrant délit d'adultère”, affirme sa femme ( qui a vécu 10 ans de mariage avec lui).

L'épouse, qui connaissait le comportement de son mari, raconte que son conjoint a déjà été traduit au tribunal pour la même cause en 2005. Mais au fil du temps, elle ne supportait plus son attitude. Le mari a l'habitude de l'attacher tout en la délaissant seule à la maison, depuis le 20 février, pour aller voir sa maîtresse, confie la femme. “Chaque fois que mon conjoint rentre à la maison, il n'hésite pas à abuser de moi puis à m'attacher de nouveau, à tel point que je ne supportais plus son comportement”.

Après supplication de la femme, le mari ne l’a pas ligotée. C'est alors qu'elle a profité de sa liberté pour prendre la fuite en rejoignant tout de suite sa mère à Ankaraobato. “Alors j'ai déposé ma plainte auprès des autorités d'Imerimanjaka, le week-end dernier. Elles sont descendues inopinément dans notre domicile, lundi, de très bonne heure, et ont attrappé mon mari en plein adultère. Car mon mari a l’habitude d’amener sa maîtresse à la maison quand je reste avec ma mère”, raconte la femme.

A Madagascar, l’adultère est un délit.

Nirina Zafimaharo

Dia tratra ambodi-omby (I hope not literally) hono izany ilay Razoky nampirafy ka dia noraofin'ny jiromena. Eny "ambaravaran'ny Baoro" izany izao Raditra no mipitrapitra ... Raha izaho aloha ilay Madama kely dia efa ela aho niala tao amin'izany tokantrano efa tsy mandeha izany e! Sa ve menatra tamin'ny fiaraha-monina?

Fa ny tena vaovao tamiko, ary nahagaga ahy kely, dia kay meloka eo anatrehan'ny lalana ny fampirafesana eto Madagasikara. (asa aloha raha meloka eo anatrehan'ny fiaraha-monina koa) Raha mikarokaroka tokoa mantsy ianao dia hahita ny Didy aman-dalAna (Code Pénal n'ny 17 Jona 1972 nahitsy ny 30 jona 1998) mitondra ny laharana faha 336 ka hatramin'ny 338. Ka raha izany lalAna (izay nadikako etsy ambany) izany dia onitra mahatratra any amin'ny Iray Hetsy Ariary (cinq cent mille FMG re e!) na figadrana mahatratra any amin'ny telo volana ka hatramin'ny herintaona no sazy sahaza an'izay tratra mampirafy.

Code Pénal du 17 juin 1972 mis à jour au 30 juin 1998
Article 336
L'adultère de la femme, ou l'adultère du mari, ne pourra être dénoncé que par le mari ou par la femme. Cette faculté cessera s'il ou si elle est en état d'adultère

Article 337
La femme convaincue d'adultère ou le mari convaincu d'adultère subira la peine d'une amende de 50 000 FMG à 500 000 FMG ou de l'emprisonnement de trois mois au moins et un an au plus. L'épouse plaignante ou le mari plaignant restera maître d'arrêter l'effet de cette condamnation en consentant à reprendre la vie commune.

Article 338
Le complice de l'épouse ou du mari adultère sera puni de la même peine que le conjoint adultère. La reprise de la vie commune visée à l'article précédent arrêtera également l'effet de la condamnation pour complice. Les seules preuves qui pourront être admises contre le prévenu de complicité seront, outre le flagrant délit, celles résultant de lettres ou autres pièces écrites par le prévenu.

Dia lasa ny saina adaladalako, hoe raha tena ampiarina tokoa ireo lalAna manakery ireo, tsy ho feno hipoka ve ny eny "ambaravaran'ny baoro" ery ambany atsinanana?

Mahafinaritra ahy ho'a ito vazon-dry Tahiry sy Ndondolah ito (do, fa, la mineur, sol, ihany no ady eo): Aza ataonao izao izaho/f'izaho mbôla tia anao/Aza ampijaliana/f'izaho moa nanino ô/Marary loatra anatin'akahy/Marary mampitomany ... /Inona ary no tsy ampy aminao/ho tanterahiko marigne/Fa aza ataonao izao izaho/mijaly mafy aho miaritra e ...

Ilay piano mena

2006-02-22T00:35:00.000+03:00

14 Febroary --Saint Valentin (fa tsy Saim-bala-tay an!). Fetin'ny Mpifankatia manerana ny tany. Tsy very anjara tamin'izany izahay teo Las Vegas, Nevada sy ireo vahiny manankaja sendra nandalo. Araky ny efa henonareo an-gazety tokoa mantsy dia nandalo teto amin'ito tanana milay ito ry Marc sy Lalao Ravalomanana rehefa avy nanatrika ny fanafenana an-dRamatoa Coretta Scott King vadin'ny andrarezin'ny tolompanafahana ny mainti-hoditra bekitana. I Las Vegas (vao tonga ny gasy fa mbola tsy lasa e!) moa dia malaza ho tananan'ny vola, loka, jangajanga, liba, sy ny ota rehetra hafa ... Sin City e!

"Not that there is anything wrong with that" hoy ny bekintana izay, fa mba lasa ihany ny saina hoe midika ho fankasitrahan-dRavalomanana ny lifestyle eto Las Vegas "tananan'ny janga" izao fivahinianana nataony izao !

Tsy lavitra ny toerana nisy azy mivady sy ny mpanara-dia azy moa ny trano Casino filokAna sy filibAna goavana antsoina hoe Lapan'i Kaizara, na Caesar's Palace. Ary tamin'io andron'ny mpifankatia io indrindra dia nanomboka fampisehoana malaza antsoina "The Red Piano" tao ilay Bekilaoty lahy antsoina hoe Elton John. Ary araky ny renay dia nandeha nijery an'io "show" io izy mivady lehibe. Tsy zoviana aminao intsony angamba i Sir Elton, ilay bandy nanambady an'ilay bandy antsoina hoe David Furnish tamin'ny volana Desambra lasa teo e!

"Not that there is anything wrong with that" hoy ny bekintana izay, fa mba lasa ihany ny saina hoe midika ho fankasitrahany ny lifestyle-n'i Sir Elton ve ny fanotronan-dRavalomanana (Filoha Lefitry ny FJKM) ny "show"-ny izao?

Izahay aloha tsy nijery, fa izay nahita dia nilaza fa tsara ilay izy e! Ohatr'izao no momba an'ilay fampisehoana The Red Piano:

"Gregarious, show-stopping, outlandish and unforgettable. Words that could be Elton John as much as they are Vegas. Together with photographer David LaChapelle, Elton John has created The Red Piano — a career overview performance you won’t soon forget.

The Red Piano takes the audience inside Elton John’s world. LaChapelle creates a dreamscape dripping with rich imagery of Hollywood and Las Vegas icons — each moment created to give the viewer a new, three dimensional interpretation of Elton John and Bernie Taupin’s most memorable recordings.

Please note that The Red Piano is designed with a Vegas theme and mature audiences in mind. The video imagery that accompanies the music may at times be considered risqué, and includes montage style scenes that include brief frontal nudity. The Video content is designed within the context of the songs and overall theme of the show."

Hay tena show giravy be ilay izy! Tsy maintsy asiana zavatra risqué ny fiainana e! Manalanala azy e! Indrisikely fa fohy ny fotoana nandalovana fa raha tsy izany dia mbola afaka nandeha nijery an'i Brokeback Mountain! Dia ny mena no tenatra ... Dia mba rahoviana no alefa amin'ny MBS ireny rehetra ireny?

"Not that there is anything wrong with that" hoy ny bekintana izay...

nous voulons rester malgaches ...

2006-01-06T23:02:00.000+03:00

Tratry ny taona aloha e! Dia ho ambininjava-manasatra, ho mamy akaikin'ny vola, hangidy lavitry ny faty, ary ho sambasamba tratry ny taona maro mbola hiherina. Mirary ho anao ny salanitra sy ny tongalafatra indrindra rehetra manerana izao rehetra izao.

Rehefa vita ny fifampiarahabana mahazatra dia andao isika hiroso amin'ny toraka bilao-G-ntsika anio.

Mba nohainoanao ve ny Kabarin-dRavalomanana tamin'ny teny vazaha androany tetsy Iavoloha-Atsimondrano? (sa ianao variana nijery an'i Lahiniriko tsy nomena fitenenana?) Ankoatra an'ilay resaka "Plan d'Action pour Madagascar" sy ny "Vision: Madagascar-naturellement!" efa mahazatra antsika dia nisy andalan-teny telo nanintona ny saiko tamin'iny Kabary iny ka notsongaiko ho-dinihintsika etoana.

Hoy izy aloha tamintsika hoe:

"Nous, Malgaches, nous avons d'importantes valeurs culturelles et des atouts exceptionnels. Dans le passé, trop souvent ils ont été négligés, car nous sommes toujours accaparés par les problèmes de la vie quotidienne." [tehaka mirefodrefotra]

Ekena Baba o! Io no maha-antsika antsika e! Tsy misy miala amin'io eo e!

Avy eo anefa dia hoy izy:

"Si nous voulons une forte croissance économique, nous devons changer. Si nous ne changeons pas notre état d'esprit et notre comportement, nous resterons pauvres. Ce pays ne changera pas, si nous, nous ne changeons pas." [tehaka mirefodrefotra]

Ekena Baba o! Hiova isika e! Hialantsika ny fombantsika nahazatra fa tsy nahomby e!

Hitako mba tsy original koa ilay Kabarin'Izilehibe izany an! Resaka efa fanaondry Rabelazao et Cie rehefa mandany lera (miaraka amin'ny beks sy caca-pigeons) ange izany e! Mila miova hoa ny toe-tsaina (na état d'esprit)! Na ry SipaKV aza hono niresaka an'io tamin'ny Lanonan'ny Taombaovaony. Efa noresahintsika teto ihany koa ny momba an'io fa tsy misy vaovao loatra ka ahoana ary no mbola hiverenana.

Andalana (fa tsy hadalana) vitsivitsy monja aty aoriana indray anefa dia milaza izy hoe:

"Dans tout ce processus, nous voulons rester malgaches, garder notre culture, notre joie de vivre. Il est possible de développer notre pays tout en gardant notre identité culturelle. Tout dépend de notre volonté. La meilleure stratégie est de garder l'héritage de nos ancêtres, entre autres le " Fihavanana ", nos valeurs culturelles et notre histoire qui fait notre fierté." [tehaka mirefodrefotra]

Ekena Baba o! Io no maha-antsika antsika e! Tsy misy miala amin'io eo e!

Ka asa na izaho irery na maro isika no sadaikatra fa dia hitako fa tsy mazava loatra ilay hafatra tiana ampitaina ... Mba tian'ny Malagasy mihitsy hoa io resaka manjavozavo, tsy dia mazava io ... Nentim-paharazana va?

restons malgaches, gardons notre culture, notre joie de vivre ...

Mr F: Solombavambahoakan'i Madagasikara

2005-12-19T21:33:00.000+03:00

Taorian'ilay fifanjevoana sy angaredona nitranga tetsy amin'ny Kianjan'ny 13 Mey tamin'ny Asabotsy lasa teo dia hita fa samy manana ny fitantarany azy ny mpanao gazety ...

L’Express de Madagascar: Les Opposants Lynchés - Les 3fn Reviendront Au 13 Mai
La Gazette de la Grande Ile : Violences place du 13 mai:Des torts partagés
Taratra : Nodarohan’ny olona ireo mpitarika ny mpanohitra
Le Quotidien : La population a manifesté son “ras-le-bol” des... trouble-fêtes
Midi Madagasikara : Les 3FN « chassés » de la place du 13 mai
Les Nouvelles : C’est la démocratie qui a perdu, samedi Place du 13 Mai
Madagascar Tribune : 3FN : «marche pacifique» sur la place du 13 Mai, La honte !

Io moa samy milaza izay heveriny hoe "objectif" ka akory atao. Nisy ny jiolahimboto kely nilaza hoe "Iarivo mifety ve no kotabaisin'ialahy, koa aiza ialahy no tsy hahita angano." Nisy koa no nilaza hoe "Tsy aleo ve tahirizina hiantrehana ny fifidianana 2007 ny fotoana sy ny hery sy ny vola toy izay laniana hitarihana vahoaka hivory sy hilahatra isam-bolana ..."

Samy manana ny fankalazany azy tokoa izy ity e! Fa tsy hanao analizy be momba an'iny zava-nitranga tetsy Analagam iny isika anio fa mba misy zavatra nanitikitika ny saiko fotsiny ity ka tiako zaraina.

Anisan'ny voan'ny savorovoro tao ilay Solombavambahoaka RPSD Vaovao avy any Belo-sur-Tsiribihina (Toliara) malaza ho mafana ra, dia tsy iza fa Atoa FAHARO Ratsimbalson [tarik'i Jean Eugène VONINAHITSY sy REMI dit DJAO-JEAN]. Malaza ho be mokondoha i ranamana io ary indraindray aza voalaza fa maherihery fiteny sy fihetsika ...

Rehefa jerena tsara, tsy hitanareo fa mitovy be amin'ilay mpilalao sarimihetsika Amerikana Mr. T (born Laurence Tureaud, wiki) ve izy, na ny toetrany na ny endriny? Jereo anie ny sary (nangalarina tao amin'ny www.lexpressmada.com) e! Raha tsy fantatrao dia ny depiote Faharo no voalohany mivimbina elo mangamanga (hifandroritan'ny olona), ary Mr. T ilay be firavaka eo amin'ilay sary faharoa. Tsy hitanao mitovy ve?

Mety tsara ampanaovina seul-a-seul kely izy mirahalahy mianaka ireo fa samy barofo ...

vs.

Hanihany ihany io, fa samia manao fety sambatra sy mahafinaritra e!

itondray paradisa ...

2005-12-06T19:09:00.000+03:00

Tonga soa amantsara any Singapour hono izany ny Filoha Ravalomanana rehefa avy nianjaika tany Bamako niresaka an’io kaozy Fransafrika Fransafrika io. Haharitra efarana (efatra andro e!) ny fitsidihany any ary hiaona amin’ny PM Lee Hsien Loong, ny filohampanjakana S.R. Nathan, ny Minisitra Zokiny Goh Chok Tong ary ny Minisitry ny Fampianarana Tharman Shanmugaratnam. Resaka fampandrosoana, zahantany, ary fampianarana no vaindoandraharahany amin’ito fandalovana iray ito ka hitsidika toerana vitsivitsy izy toy ny PSA Corporation, ny Singapore Tourism Board, ny Economic Development Board, ny Civil Service College ary ny LKY School of Public Policy.

Amin'izao fitetezam-pirenena tsy miato ataon'Izilehibe izao dia mba manantena koa raha manantena ny vahoaka Malagasy tsivakivolo fa hitondra voandalana soa sy bobaka izy amin’izany. Malaza ho paradisa ambonin'ny tany mantsy izao Singapour izao ['food paradise', 'shopping paradise', 'business paradise' ...]. Ka mba itondray paradisa e! Indro ary hono ny vazon’i Lolo sy ny Tariny, namboamboarina kely mba iangaliana sao dia mba miantefa any ampototsofin’izay tandrify azy ihany …

[Do, dia La Mineur, dia Fa dia Sol fotsiny no mivadibadika eo raha hanaraka anay amin'ny gilita ianao]

"Raha mankany elah, mandalo any elah

Hahita an'Azia elah, Hivovo any elah

Itondray anie aho, ivimbino anie aho

Piti-drorany any, Singapour-ny any,

Sombim-piainana any, fofompour-ny fofompofony any a!

Lazao azy fa raha ritra ange ny rano

Diaviko tongotra ny làlana mankany

Kaozy tsy vazivazy, tonga aho hamangivangy

Hitondra Paradisa"Adapted from LSNT by RBLZ.

Tsy hahazo ny anjara Paradisany mihitsy angamba ito Rabelazao ito raha mbola manao sain-jaza sy maloto saina toy izao e? Sombitsombiny ihany e!

Isa ny amontana, roa ny aviavy, telo ny oliva?

2005-12-03T20:24:00.000+03:00

'Isa ny amontana, Roa ny aviavy,
Telo fangady, Efa-drofia,
Dimy emboka, Eni-mangamanga,
Fito paraky, Valo tanantanana,
Sivy paraky, Folo fanolehana.' Kilalao tanisa tanisa tamin'ny fotoanandrony hono.

Asa raha tsikaritrareo fa tena mba ankafihizin-dRavalomanana mihitsy ny hazo Oliva tato ho ato, indrindra hatramin'izay nitsidihany an'i Grisy tamin'ny Lalao Olaimpika farany teo izay. Vao niverina avy tany Athenes tokoa mantsy Ingahilehibe dia tonga nitsidika anay teto Ambatondrazaka, ary namboly zanak'oliva tetsy amin'ny tokontanin'ny FJKM Ambatondrazaka-Fitiavana (faha-130 taonan'ny Fiangonana), ary teo ihany koa no nanambarany fa hanafatra zanak'oliva aman-tapitrisany izy ary haparitaka eran'ny lafivalon'ny nosy izany. Tsy hitako aloha izay maharatsy an'io.

Dia vao tsy ela koa izay, tamin'ny fivorian'ny Minisitry ny Tany Miteny Frantsay tao Antananarivo dia nasainy namboly zanak'oliva tany Iavoloha ireo minisitra tonga tao. Ho mariky ny fiarahalahiana e! Tsy hitako aloha izay maharatsy an'io. [eny fa na dia tsy fanao loatra aza ny mamboly oliva amin'ny andro lohataona --- fararano ihany hono ireny vao tena miroborobo satria lonaka tsara ny tany amin'izay].

Dia lasa koa ny siosiondresaka fa amin'ny fotoanan'ny fambolenkazo amin'ny fararano 2006, dia ho ampirisihina ny olona hiala amin'ny fambolena kesika sy kininina ary hamboly zanak'oliva. Fa sady mariky ny firahalahiana hono ny oliva, no ravaky ny tanana, no manome voa sy diloilo azo trandrahana tsara. Tsy hitako aloha izay maharatsy an'io. [efa hitako sahady ilay label manga sy maintso amin'ny teny Anglisy: Tikoliva-Mendy, Extra Virgin Olive Oil produced by Tiko Madagascar. Ny Madagascar vanilla olive oil aloha dia efa misy fa sao ianao be fitetika eo e!].

Dia tamin'ny herinandro lasa teo indray, toy ny isaky ny fanao manodidina ny 6 Novambra, dia mihetsiketsika fatratra indray ny eto Vohitsara amin'io resaka Fanarenana ny Rovan' Antananarivo io. Ravalomanana mihitsy ny mirotsaka an-tsehatra hanentana ny olona amin'izany hetsika. Ka tonga teny Anatirova ary ny anao lahy, nian-dapa hamporisika ny olona handray anjara amin'ilay hetsika, ka teny indray dia namboly .... zanak'oliva!!!

Dia nanomboka ary ny ngonongonona mahazatra antsika Malagasy. Mimenomenona ny piorista. Raha ny famerenana ny hasina sy ny endriky ny Rovan'Antananarivo no tanjona, nahoana no oliva (olea europea L.) no nambolena teny Anatirova fa tsy amontana na aviavy (ficus baroni na ficus megapoda) ? Fa ireny hono mantsy no hazon'ny Andriamanjaka sady ireny ihany no tena 'authentiques'. Mitombina ve ny fanontaniana?

Amiko aloha izay eo ihany fa misy fanontaniana mifandraika amin'izay tena mba manitikitika ny saiko: Raha voaangona ary ny vola [efa ho roa lavitrisa hono izy ao], Rova toy ny inona no ho atao eo amin'ny toeran'ilay Rova forehitra? Atao Rova tsy misy valaka amin'ilay taloha va sa atao Rova tsaratsara kokoa noho ilay teo? Tsy manana valiny aho fa ohatry ilaiko apetraka fotsiny ilay fanontaniana. Resaka "dilemme entre tradition et modernité" io [azo anaovana colloques isankarazany raha nisy fotoana] ary tsy azo idivirana. Ny an-dRavalomanana hetsika no tiany fa tsy resaka ka ny fantatro dia efa lasan'i Colas iny 'marché' amin'ny fanarenana ny Rova, hisy manampahaizana frantsay anakiroa ho tonga hanofana ny mpikambana ao amin'ny 'comité chargé du pilotage du projet' (asa inona no dikan'izany), ary handray anjara amin'ny ezaka koa ny Fanjakana Sinoa. Lasa izao raha tsy mibolisatra ... .

Mba resaka ny ahy ka atao fa raha mbola tsy nandray anjara amin'ito hetsika ito ianao kanefa terempanahy dia ireto ny mombamomba ny kaontin'ny fikambanana "Fanarenana ny Rova" azonao androtsahana ny anjara-birikinao amin'izany ezaka lehibe izany e:

- BFV/SG Antaninarenina :
Code Banque : 00008, Code Agence : 00005
N° de Compte : 05 004 00 29 00 58

- BNI/CL Ankorondrano :
Numéro de Compte : 07 263 487 6 020 000

- BMOI Antaninarenina :
Numéro de compte : 01 072 228 001 24

- CMB Andraharo (BICM Andraharo) :
Numéro de compte : 23 101 684 001

- BTM/BOA Antaninarenina :
Code Banque : 00009, Code Guichet : 05000
N° de Compte : 15 69 27 60 005

- BMOI - Antaninarenina [Raha handefa devizy avy any Dilambato] :
Code Banque : 00004, Code Siège : 00001
N° de Compte : 072 228 011 91, Code Swift : BMOIMGMG

p.s. Ra-Pa o! Nahoana kosa leitsy ny pokona no tsy avelan-drangahy hivorivory intsony eto Vohitsara? Nareo koa anie efa teo no niala e! Aleo halalaka dia milamina io ho'a! Efa nivaly ny fifidianana ny Ben'ny tanana milay [world mayor 2005] ka na tsy Top 10 aza ise dia nahazo honorable mention e! Arahabaina izany!

Lemon toilets ... Out of bottle fart of 50cl

2005-11-30T00:24:00.000+03:00

Resaka Produits Tiko ity ka asakasakao raha hamaky ianao na tsia.

Raha asaina misafidy amin'ny Coca Cola sy Classiko Cola aho dia aleoko lavitra Coca. Raha asainao misafidy amin'ny Pepsi Cola sy Classiko Cola aho dia aleoko Pepsi. (Mbola tsy nisotro an'ilay Classiko Light aloha aho ka tsy manankevitra ny amin'iny--fa toa tsara hono ilay izy miaraka amin'ny Classica).

Fa asa ianao raha efa nanandrana ilay Olympiko Lemon Water, fa tena mba ankafihiziko izy io fa tena manala hetaheta tokoa. Tsy Classiko Lemon an! Tsy manao dokambarotra aho fa tena resaka serieux izany e.

Dia ravoravo ery ny anao lahy raha nahita fa misy mivarotra Olympiko sy Classiko etsy amin'ny www.alibaba.com (ao ianao no mandeha raha te hivarotra na hividy entana isankarazany). Izany Mada Promotion izany no mivarotra azy ao. Fa somary nanaitra sy nahatsikaiky kely ahy ny fomba fanaovany dokambarotra. Jereo ange eto e (my highlights in red):

----- manomboka eto ----
MADA PROMOTION
Lemon Water
Model No.: LEM wa23

View Larger Picture

Detailed Product Description
Specifications: Olympiko lemon toilets
Conditioning: Out of bottle fart of 50cl, biodegradable
Composition: Water, carbon dioxide, flavour lemon
Advantages: Refreshing. To consume without moderation gas mineral water, scented with lemon.
--- faranako eto ---

Tena serieux io fa tsy mamorona aho an! Toa tsy laitrako loatra ilay hisotro bottle fart of 50cl of lemon toilets. Nefa tena mba tiako. Ary noheveriko fa Eau de Source Naturelle de Tsararano anie ny Olympiko e!

Rehefa nojereko tsara dia toa dikanteny maikamaika avy ato no nahatonga an'ilay teny anglisy hafahafa toa lasa sadasada.

fa iza no lazainao hoe ratsy loha?

2005-10-24T19:22:00.000+03:00

Asa ianareo raha mba mamaky ny Gazety Malaza indraindray fa misy lahatsoratra mahavariana lalandava ao. Milay be io Gazety io an! Raha nijery ny laharana tamin'ny Talata 18 Oktobra teo ianao dia nahita izao lohateny izao:

Cocue, elle a vendu la meche pour se venger de sa rivale: 11 arrestations
Hahena 15% ny isan'ny ... Ratsy Saina, hafa kely tokoa ...
Une strategie en gestation pour lutter contre la mauvaise mentalite
Manararao-paty: Lasa nandevina izy mivady, lasan'ny mpiasa ny entana tao antrano

sy ny sisa sy ny sisa. Dia mba lasalasa ihany ny saiko hoe tsy milamina mihitsy ny tany izany an! Tsy ilay "cocue" ni-vendre la meche loatra, na ilay solafa nangalatra, fa ilay lohateny faharoa sy fahatelo: "ahena 15 % ny isan'ny ratsy saina". Ny "ratsy saina" moa dia fantatra koa amin'ny fiantso hafa toy ny hoe: ratsy loha, maramara crane, loham-boto, firinga-fihevitra, lohan-andevo, ambany fisaina, njainjay, sadasada, sy ny sisa. Ny malagasy moa tia miresaka politika sy ekonomika (indrindra rehefa misotrosotro izay), ary rehefa tonga ny fotoana handravonana ny adi-hevitra sy ny resa-toaka dia tsy maintsy misy foana ny milaza hoe "Raha tsy ny toe-tsaina mihitsy ho'a no miova, tsy hisy zavatra ho vanona eto Madagasikara" na ny miboredika hoe "Ny mentalite Malagasy mihitsy no mila amboarina e." Ka manahy aho fa misy mitady hampifangaro ny teti-pivorana avo-lenta amin'ny resaka fandaniana labozia sy ny resa-toaka?

Efa misy statistika mihitsy angamba izany any ho any: natao ny recensement/census ka fantatra daholo hoe iza no tsara saina ary iza no ratsy saina. Ka izay angamba no ahafahana milaza fa ahena 15% ny isan'ny ratsy saina. Ary fa maninona moa no 15% fotsiny? Dia ahoana izany ny mombanay 85% ratsy saina sisa tavela? Izahay koa ange mba te ho tsara loha fa tsy afa-manoatra noho ny conjoncture actuelle e!

Ny hevitro? Tsy misy olona ratsy saina izany fa ny tontolo manodidina no mahatonga ny olona hanondrana sy ho be vinany ... Omeo tontolo ahafahany mivelatra ny tout-un-chacun dia hilamina ny tany sy ny fanjakana. Na handany vola amankarena amin'ny education civique eo aza ianao, rehefa mbola misy ny tsy rariny, sy ny tsy mangarahara, dia tsy maintsy samy hanao izay saim-patany ihany ny olona. (toraka bilao-G hafa mihitsy aloha io e!)

LaCHeZ VoS CoM'S raha tsy d'accord ianao, dia ho hita eo izay azo atao hifandresen-dahatra ...

--------- 0 ---------

Resaka hafa mihitsy. ... and Ramiaramanana strikes again ... Milay ho'a io bandy io. Voafantina (shortlisted) amin'ny fifidianana izay handrombaka ny loka "World Leadership Awards" i Vohitsara eo amin'ny taranja "Urban Renewal". Amin'ny 6 Desambra no hivoaka ao amin'ny Royal Courts of Justice eto London ny valin'io fifidianana io, ka mirary soa sy vintana ho an'Antananarivo e! Toy izao no hita ato:

The City of Antananarivo
A SUCCESSFUL URBAN RENEWAL
Restoring infrastructure to a growing city
Antananarivo is a city that was designed and built for a population of less than half a million. Nowadays it has a population of some 1.8 million. This, along with the mismanagement and erratic economic decisions of previous governments, left City President Marc Ravalomanana, with a wide range of problems including poor transportation networks, as well as under-funded health care and education facilities. To add to that, annual flooding leads to additional problems in many areas, and actually caused a cholera outbreak in 2000.
In the past two years Antananarivo’s urban infrastructure has been transformed. The main road (RNI) has been rehabilitated and local infrastructures renovated alongside it. Other roads have been built in marshy areas linking key districts and alleviating traffic congestion in the inner city. A network of canals and artificial lakes has now drained the plain and prevents flooding. Other improvements include a new urban train project linking business areas with residential suburbs.
Pedestrian infrastructure has also been improved, making walking around the city pleasant and easy, while public lighting has been extended with a consequent reduction in crime. Sanitary blocks, healthcare centres and collective water points have also been established. Public parks and gardens have been restored and a waste management policy is under review. Healthcare centres are now accessible in most parts of the city.

Razafindrahety an-tsesitany

2005-10-08T18:57:00.000+03:00

Sarin-dRazafindrahety (wiki) tsy dia fahita matetika loatra ireto. Tamin'izy nalefan'ny tsotsoka an-tsesi-tany tany Alidzier sy ny fitsidiany an'i Lafrantsa. Navoakan'ny Le Petit Journal ary nosokirin-dRabelazao tao amin'ny footage.org .

Eto [http://leonc.free.fr/histoire/biblio/ranavalo.htm] indray ianao raha hamaky ny fitantaran'ny Gazety Avenir d'Arcachon ny diany tao Arcachon tamin'ny 1901. Who the heck is M. Garnier, and do we know what happened to him? Ary ny roman d'amitié an'i Marie Louise kely (sy M. Henri H. de Montpellier) ve mba fantatra hoe inona no niafarany? [----- :-)] >>

"Après le prince d'Annam, Ham-Nghi, de qui nous avons relaté le récent mariage avec Mlle Laloé, fille d'un magistrat de la Cour d'appel d'Alger, voici la reine Ranavalo qui va, dans quelques jours, convoler, dit-on, en justes noces. On annonce en effet qu'elle va épouser un Français, M. Garnier, avocat à la Cour d'appel d'Alger, déjà nommée. Notre sympathique " prisonnière " qui, l'année dernière, vint nous visiter au Matin, va conquérir, de ce chef, la qualité de Française." (Avenir d'Arcachon N° 2713 du 04/12/1904)

Tonga ihany i Bemolanga

2005-09-30T22:46:00.000+03:00

Asa ianao io raha mba nahavaky ny The Calgary Herald eto Alberta androany Septambra 30, 2005 fa nisy lahatsoratra momba an'i Madagasikara tao:

Madagascar to start crude production
From Herald News Services

Madagascar is expected to start producing crude oil for the first time in the next three to four years, the government said Thursday.

Several blocks on land and offshore to the west and south of the huge Indian Ocean island are expected to yield 60,000 barrels a day at the start of production, said Elise Razaka, director general of the Office of National Mines and Strategic Industries.

Razaka said the expected production would leave Madagascar with a substantial export surplus.

"There is a very good chance that within three to four years, we will have crude oil production coming out of Madagascar," Razaka said.

"But much depends on the price of petrol. If it keeps going up, the petrol companies may start sooner."

Madagascar is known to have oil and gas reserves, but they are inadequately mapped and drilling there is only at an exploratory stage.

Raha atao dika-teny maikamaika io dia nambaran'i Elisé Alitera Razaka, Tale Jeneralin'ny OMNIS, izany fa afaka 3 na 4 taona eo dia ho mpamokatra ary mpanondrana solitany i Madagasikara, ka hahatratra eo amin'ny barika enina alina isanandro eo hono no ho vokarina eo ampanombohana. Dia eritrereto hoe ohatrinona izao ny azo amidianana ny barikan-tsolitany ...

Ka hibitaka isika fa "Tonga ihany i Bemolanga"--rariny loatra izany. Efa ela no nikasa ... Efa ela no "niandrasana an-dRazaka" ...

Kanefa mila mitandrina ihany fa ny tany be solitany na harena ankibon'ny tany dia ohatry ny iavian'ny olana isankarazany matetika. Manantena aho fa efa mba misy mieritreritra sy mandinika ihany ny mety ho fiantraikan'io "mana" na "fahasoavana" io eo amin'ny fiainam-pirenena (ary ny firaisam-pirenena. Akoatra ny ady an-trano izay mety ho avy (sanatriavin'ny vava miteny) sy ny fitsabahan'ny firenena matanjaka izay tsy maintsy ho avy, dia misy koa ny fiantraikany isankarazany eo amin'ireo sehatra hafa amin'ny toekarena izay mbola mila etudier-na.

Mety ho zavatra tsara io petrole-petrole-nao io raha milamina ny tantana fa mety ho zava-doza mandoro koa raha tsy haintsika tsara ny mitantana azy. Fa mino aho fa tsy maintsy reventsika manja foana io e! Tsy ho lany vatsy intsony e!

Rahoviana no hitranga?

Asa angamba atsy ho atsy

No ho tonga i Bemolanga

Isika tsy ho lany vatsy ...

Bemolanga, Mahaleo, 1985

Fotoanan'ny rivo-doza

2005-09-24T00:18:00.000+03:00

Toa misesisesy mihitsy ho'a tato ho ato ny rivo-doza "hurricanes" mandalo ny faritra "Gulf Coast" any amin'ny faritra atsimon'i Etazonia. Vao tsy ela koa izao no ravan'i Katrina ny tanana milain'i O-ri-lean'a Vaovao (New Orleans re e!)--nisy mpianatra gasy mianadahy traboina hono tany. Dia izao indray tonga ry Rita manampy trotraka any Tegizasy--asa nanao ahoana izay ny zanakavantsika mianatra any Abilene, Texas. Don't mess with nature, hoy ny Texans izay.

Ny amin'i Madagasikara moa dia efa ho tonga koa ny fotoanan'ny rivodoza [Nov 1-Apr 30] afaka herinandro vitsivitsy maromaro. Mateti-piavy sady maherivaika fiavy mantsy aty amintsika izy ireny. Tadidio fotsiny ry Kamisy, ry Hudah, ry Elita, ry Eline, ry Gretelle, ry Geralda, ry Gloria ary indrindra ry Gafilo, sy ny maro hafa tsy voatanisako na tsy tadidiko ... Izay iray mivoaka babany avokoa indrindra ireo miatomboka amin'ny G. Ka mino sy manantena aho fa efa miomana fatratra amin'izany ry sakaiza etsy amin'ny Conseil National de Secours, CNS etsy Antanimora. Mila mailo sy mivonona lalandava fa anisan'ny "Madagasikara Voajanahary" na "Madagascar Naturellement" koa anie ny cyclones e!

Raha liana ary ianao (ianao kosa ve dia tsy ho liana e!) dia ireto hono izany ny anarana izay homena ny rivo-doza mandalo ito faritra Atsimo Andrefan'ny Ranomasimbe Indiana misy antsika ity (nosikirina tao amin'ny http://www.wmo.ch/web/www/TCP/FactShtTCNames1July05.pdf
) amin'ito taon-drivodoza 2005-2006 ito:

Alvin
Boloetse
Carina [tandremo ito fa mitovitovy amin'i Katrina]
Diwa
Elia [tandremo ito fa mitovitovy amin'i Elita]
Farda
Guduza [go-doza hoe? tandremo fa ny rivo-doza miatomboka amin'ny litera "g" no tena mamely aty Madagasikara]
Helio [Helio? Doesn't that mean "wind" in greek?]
Isabella [tsy vao nandalo tany Etazonia ve i Isabella?]
Jaone
Kundai
Lindsay
Marinda
Nadety [vazon'i Lola io ka mety mandrava an! Ananako amin'ny VCD-ny clip-n'iny!]
Otile
Pindile
Quincy
Rugare
Sebina
Timba
Usta [Ouste? Lasa izao ...]
Velo [vazon'i Dama Mahaleo io, hainao?]
Wilby
Xanda
Yuri
Zoelle

Eto ianao manaraka ny fahatongavan'ny rivo-doza raha/rehefa misy:

Tsofy rano tsy hidiran'angano e!

Ilay fehi-tenda mena

2005-09-16T21:18:00.000+03:00

Is he wearing the same tie, two years in a row?

Herintaona ohatr'izao, ny faha-21 ny volana Septambra 2004, dia nandalo teto NewYork, NY ny filoha Ravalomanana, nanao kabary. Ito ny "official photo" tamin'izany:

PRESIDENT OF MADAGASCAR ADDRESSES FIFTY-NINTH SESSION OF GENERAL ASSEMBLY

Marc Ravalomanana, President of the Republic of Madagascar, addressing the General Assembly.Location: United Nations New York Date: 21 September 2004

Herintaona taty aoriana, ny faha-14 ny volana Septambra 2005, tonga teto indray izy, nanao kabary. Ito ny "official photo" tamin'izany:

President of Madagascar Addresses 2005 World Summit
Marc Ravalomanana, President of the Republic of Madagascar, addresses the High-level Plenary Meeting of the Sixtieth Session of the UN General Assembly (2005 World Summit) Location: United Nations New York Date: 14 September 2005

Dia tsy hita fa Zoma ny andro ka mitsongolika ny havanareo, nandinika ny sarin'izato filohampirenena, dia nahatsikaritra fa FEHI-TENDA (KRAVATY) MITOVY no nanaovan-dRavalomanana tamin'ireo Kabary roa ireo! I know what I'm getting him on his 56th birthday on December 12!

Mba tsetsatsetsa tsy aritra ihany iny fa tsy misy problem'a izany e! Mbola bogossy ileiry e!

419 Spam: Jacques Sylla

2005-09-16T18:01:00.000+03:00

Ianareo ve mba maharay ireny e-mail faosika mampanatena vola be ireny --dia hoe miandry anao fotsiny ny vola fa alefaso aty ny kaontin'ny bankinao? Toa "Nigerian Scam" na "419 Spam" no fiantson-drilerony ireny e-mailaka fandrebirebena ny saimbahoaka ireny. Indraindray ny inbox-ndRabelazao dia feno tondraka azy ireny. Matetika moa tonga dia delete-ko (Ctrl-D) fa indraindray kosa mba vakiko fa misy mahatsikaiky. Ito ary misy iray mba nanintona ahy, avy any amin'izany PROFESSOR JACQUES SYLLA (wiki: Jacques Sylla) izany ilay izy: Eto ange kliker-na e!

Indro zaraina eto ny sombitsombiny avy tao amin'ny http://www.nigerianspam.com/PROFESSOR-JACQUES-SYLLA.htm :

"I have saved the sum of $69Million currently in the Suspense account ofDevelopment Bank of Madagascar which has been mapped out for my PresidentialElection come November, 2006 and due to the new laws that was enacted by theOut-Going President stating that the EFCC will screen all banks SuspenseAccount to trace and freeze all funds that belong to all serving GovernmentOfficials of our Great Country (Madagascar).

To this effect, I am now soliciting for your great and kind assistance to helpme and receive these funds in your account before the Government willconfiscate my hard earned money meant for my Presidential Campaign."

Mahita atao e! Faosika io fa sao dia Rabelazao eo no lazainareo fa manely tsaho an!

Dokotera avy any andafy

2005-09-15T19:13:00.000+03:00

Maro mpitsidika hoa ito tanana iray ito e! Taorian'ny nandalovan'i [i-harinjaka] sy i Dally teto, dia mba anjaran'ny Filohampirenena Marc Ravalomanana [wikipedia: Ravalomanana], indray izao no mandalo eto New York City, New York--tanana malaza! Handray anjara mavitrika amin'ny fihaonan'ny Filohampirenena maro ao amin'ny ONU moa no antondiany, ka nanao kabary ny anao lahy tamin'izany momba ny ezaka hanatratrarana ny Tanjon'ny Taonarivo na Objectifs du Millénaire.

Eto hianao mikiliky raha liana hamaky izay voalazany tao.
Eto kosa ianao raha liana hijery izany kabary izany amin'ny realplayer.

Tsy dia lava ny kabary (telo minitra ngarangidina) hitako somary mainamaina aza, fa tsy toy ny laha-teny fanaon'ilay iraika talohany. Tsy dia hitako nisongadina loatra ilay "vision" Madagasikara Voajanahary ... Fa raha atao bango tokana ny voalaza dia tsy misy zava-baovao loatra fa hoe betsaka ny ezaka vita, fa tsy ampy. Tokony ampiana fa tsy ampy ny fanampiana ... Ohatry ny kabary efa reko taloha ihany io ka aleo tsy anaovana analizy be.

Fa asa ho'a raha tsikaritrareo, fa misy an'ilay rangahy Rainiboto iny foana manaraka an'i Ravalomanana izao rehefa ampivahinianana tahaka an'izao izy. Tsia, tsy i Jean Marc Koumba akory no resahiko, efa tsy ao intsony iny, fa olona hafa mihitsy an! -- arosoy eo amin' 1:32.4 ny video io ambony io, raha hijery ny endriny ianao. Raha ny fahazahoako azy sy ny zavatra reko, dia io rainiboto [antsoina hoe Dokotera Joachim Max Enßlin, Conseiller Economique et Politique à la Présidence de la République] io ihany hono no tena to-teny amin'ny filoha raha resaka toekarena any Madagasikara. Ny hafa mpanatanteraka ihany.

Ka mipetraka ary ny fanontaniana hoe mby iza/aiza ny Malagasy mba to-teny? (ny fanontaniako iray hafa koa moa dia hoe teny inona, rainiboto, anglisy, malagasy, sa frantsay, no hifampiresahan'izay mirahalahy mianaka, rehefa mifandinika?) Mety ho heverinareo fa alahelonkanina ny an-dRabelazao, fa tsy hita fa tsy hay ampanginina ilay ambo-po kely mahita an'ilay vazaha mahazo ny avara-patana eo amin'ny fitantanana ny tany sy ny fanjakana e!

Raha havanambanana amin'ny teny Rainiboto ianao io dia mba klikeo eto [http://www.dr-ensslin.de/] ny sita oaiba an'ilay rangahy, ary mba zarao aminay ho'e ny zavatra voalaza ao, sao mba mety misy mahasoa ny analizintsika? Ny havanareo mantsy rehefa hihainohaino mively aponga miaraka amind-ry Ricky sy ny tariny ihany vao mba mandalo ao amin'ny Goethe Institut tao amin'ny CGM.

Je vous remercie ...

un tramway nommé soavimasoandro?

2005-09-06T22:56:00.000+03:00

Mahavalalanina ho'a ny tohamboivoy (traffic jam) eto Antananarivo e!

Samy mba nitady vaha-olana amin'izany daholo angamba ny ben'ny tanana nifanesy teto. Roa na telo taona lasa angamba izay, asa raha tsaroanao io, dia nanampikasana hamorona zotran-dalamby hamakivaky ny tananan'Ivohitsara ny Ben'ny Tanana Patrick Ramiaramanana sy ny mpiara-miasa aminy. Tiako aloha ilay hevitra e! Asa na tramways, na trolleys, na streetcars, na floarA no azo iantsoana an'izany fa raha manketsy amin'ny Garan'i Soarano ianao dia afaka mitsikilo an'ireo fiaran-dalamby menamena anaky efatra avy any amin'ny Konfederasiao Heloveta mitogaigy ao. Ny olana kely (indrokelin'ny mpandrafitra) dia fiara elekitrika ireo tonga ireo ka mila kitikitihina kely mba ho lasa 'dieso-életriques'--vitan'ny teknisianintsika tsara io diésélisation io.

Rehefa mikarokaroka koa moa dia hita fa efa misy ny planina (zotra isankarazany sahabo eo amin'ny 30 km eo ho eo, avy any amin'ny bypass, ka hatrany Soavimasoandro) sy ny paikady hanatotosana ny asa. Io ambany io ny planina (mba hisy an'izany Red Line sy Orange Line, koa izany eto Iarivo, toy ny any amindry SipaKV!). Tsy maintsy mihetsiketsika lalandava e! Betsaka aloha ny voka-tsoa heveriko fa azo alaina amin'io projet io, fa asa ianareo e:

Hihena ny embouteillage,
Hihena ny setroka sy ny pollution eto, ka mety hihavitsy ny asthme,
Hihena ny tinadin'ny solika, ka mety hihena ny vidiny,
Hihena ny havizanan'ny mpitondra, ka mety hihavitsy ny olona kizitina eny andalana,
Tsy mila mivangongo eto antapo-tananan'Antananarivo eto intsony isika mianankavy, fa mba hivelabelatra,
Mba ho "de bonne humeur" i Rafotsy rehefa mody avy miasa, ka mety hi-servir an'ilay "nahandro tena malagasy" ho an'ny havanareo,
Afaka manafika sipa eny amin'ny Hydrocarbures ny bandy akamako mivovo any Ambohimanambola, mandeha train (tsy misy transfer) fa tsy mila mindrana ny daban'ny cousin foana!

Koa raha mampisento anao ity drafitrasa mankadiry ity, ka te hitondra ny anjara birikinao ianao amin'izany dia efa misokatra ny FAR 2005 [http://www.iarivo-town.mg/far.htm#](fanaontsika isantaona ihany io fa taiza foana ianao hatramin'izay?). Amin'izay manko ianao afaka milaza sy midedaka fa nandray anjara mivantana amin'ny fitadiavana vaha-olana amin'ny tohamboivoy efa ho lavareny eto amin'ito renivohitra malalantsika ity. Antananarivo ho'a milay e!

Raha terem-panahy ary anao dia afaka mandefa ny fanomezanao amin'izao adiresy izao:
Commune Urbaine d'Antananarivo, 4 Rue Fernand Kasanga, Tsimbazaza, BP 1279, 101 Antananarivo, Madagascar
Ny taratasimbola moa dia atao amin'ny anaran'ny Mairie d'Antananarivo na FAR. Ny Virements bancaires kosa dia azo atao amin'ireto kaonty ireto:
Mairie d'Antananarivo : BTM/BOA Antaninarenina Cpt N°5000/1851 600 0000
FAR: BMOI Antaninarenina Cpt N°00001 070598 001 60 MGF
Mairie d'Antananarivo : BFV/SG Antaninarenina Cpt N°0000 5/05 004-00019.5

SADC sa daka ambava-fo?

2005-08-31T22:28:00.000+03:00

Raha mpanara-baovao toa an'i Rabelazao ianao dia naheno fa tafiditra amin'izao SADC izao i Madagasikara tamin'ny volana Aogositra lasa teo. Ny filohampirenena Ravalomanana mihitsy moa no nankany Gaborone (Renivohitr'i Botswana izany raha tsy hainao) hanatrika ny fivorian'izy samy Goavana [eto ianao raha hamaky ny Kabary tsara rindra nataony tamin'izany--in English]. Dia avy eo moa izy mianankavy kely (Papa, Maman sy Tojo ary i Mike Tsara) dia naka aina kely tany Kasane hijery an'ilay Chobe National Park-- tanana milay io an! Dia avy eo indray moa izy dia nitsidika ny Livingstone Resort tany Zambia-- trasy milay hafa koa io.

Ka samy velom-panontaniana ary ny valalabemandry hoe inona no mety ho fiatraikan'izany fidirana ho mpikambana feno amin'ny SADC izany amin'ny fiainany andavanandro: safosafo, sa totohondry [tsuki] sa daka [mawashi geri]?

Dia raikitra ary ny ady hevitra ekonomika avo lenta atsy amin'ny sehatra SOBIKA.COM -- sita milay koa io an. Araho kely ange ny fandehan'ny debats sy ny discussions economiques e! Sangodipanina be mahery vaika an! Olon'ny fo ho'a ny Malagasy ... Olon'ny fo sa mora tonga fofona e? Zatra mihondan-tanana angaha ka raha mba mihonda-mololo dia mikohaka?

Fa iza no lazain'ialahy fa "manao botom-bazaha"?

[eto misy adihevitra be momba ny Toetran'ny Malagasy]

Discussion n°7669798

SADC
!!!!!!!!!!, le 18 Aou à 10:27
Miditra @ SADC izany ny Gasy ka toa ny europa kely TSY MISY DROIT DE DOUANES AFAKA MIDITRA SY MIVAOKA NY OLONA TSY MISY INTSONY NY VISAS AFAKA MIFINDRA MONINA SY MIVIDY TANY MALALAKA AO DAGO IRETO FIRENENA IRETO AFRIQUE DU SUD MOZAMBIQUE BOTSOWANA CONGO MALAWI MAURICE TANZANIE SNS...TENA MAHAY ILAY RA8 TSY NISY REFERENDUM NA DEBAT NASIONALY FA TONGA DIA NIDIKIZO ANGAHA NY TIM SY RA8 NO TOMPON'NY MASCAR FA TSY MBA NISY VE FANONTANIANA NAPETRAKA T@ VAHOAKA RAHA EKENY NA TSIA SATRIA ZAVADEHIBE LOATRA IO MANGINA DAHOLO NY AMBANY LANITRA SY NY MANAMPAHAIZANA SY NY POLITISIANA FA TENA MAHAY ILAY RA8 ATAOVY MPANJAKA NAMA LERY A I SEYCHELLES ALOHA NIALA T@ IO SADC MBOLA TA HANANANA NY MAHA IZY AZY ANGAHA TSY NISY REFERENDUM ALEO HIARAHA MAHITA EO TA HANAO AMINY EO.....
Répondre

Hataovy mpanjaka tokoa
efa tokony efa ela no natao, le 18 Aou à 12:40
- Ravalomanana 1er : maneno tsara ilay feo sa ahoana hoy ianareo.- Efa vonona ao koa ny Ravalomanana II .Tokony hatao izay tokoa fa mbola tsy nandroso toy izao mihitsy ny firenana ka !Feno voninkazo ny tanana, feno thon eny an-tsena, vita ny lalana, voky tsara daholo ny vahoaka miasa. Ireo izay tsy miasa sy izay tsy nahazo seza ary ireo tsy maty voalavo an-kibo ihany no be menomenona.Vive le Roi. Longue vie à la Reine Lalao.
Répondre

Re: Hataovy mpanjaka tokoa
JILA, le 18 Aou à 13:38
VIVE LA VANILLE DE MADAGASCAR MONOPOLISER PAR LALAO IMPERIALISTE CAPITALISTE MANAMBAKA TANTSAHA , aiza misy vanille vidinao 50000 fmg ny kilao ?Izany ve fitsonjivana ny madinika?Ary raha voninkazo no mahavoky dia lero hoan'rangahy irery fa ny vahoaka mahantra aza insulten-rangahy mihintsy tsy fidiny hoan'izy ireo ny tsy manana ary aza lavina fa hoe MAHANTRA I NOSY MADAGASCAR ny mampihomehy aminareo gasy dia ity :- Tia tena loatra- Misozy ny sasany- Manambaka ny tsy manana- Ny samy gasy mifanalika- Tsy manaiky ny réalité- Io tonga amin'ny fitenenana hoe 1 malagasy baise 1 Malagasy aiza moa tsy ho lelen'ny KARANA SY NY SINOALazaiko tsara eto fa raha ny tenako manokana dia tsy contre ny fandrosoan'i madafa kosa rehefa tsy mety dia mitady solution hafa , tsy midika akory izany hoe contre na pour an'i gouvernement Malagasy Hitanareo normal ve , -Ny fiainana lafo-Ny karama tsy mihetsika-Ny asa tsisy Aiza ny rafitra ny fambolena e! ny tany any midadasika e! maninona raha misy hiany ny vola arakiny filazan'ny filoha RAVALOMANANAhoe ny vola misy fa ny hanaovan'azy no tsy hay? hanampiana an'ireo tantsaha mpamokatra?VARY HOANINA avy HIJALIANA FRANCHEMENT C'EST INADMISSIBLEARY ITY RESAKA ROI ITY MOA INONA?SA FATRITRAN'OLONA REHETRA ITY DIA HO ROI DAHOLO? LA NOBLESSE RY ZANDRY C'EST UNE QUALITE
Répondre

Re(2): Hataovy mpanjaka tokoa
Bozy, le 18 Aou à 14:22
Zany dia réflexions nà olona tsy lasa alavitra loatraIanao zao anefa dia mihevitra mafy mitsy fa vérité générale no lazainaoIndrissssyyyyyyy..........
Répondre

Re: SADC
inona ny olana, le 18 Aou à 13:21
afaka mividy tany any afrika atsimo koa anie ianao e. Sady any mety tsara ny fiainana, mahita izay hilainao ianao.Fa hanaovana réferedum foana ve izay décision rehetra izao. Inona no hananana olomboafidy raha tsy izany.Critique foana ve no atao na tsara na ratsy ny zavamisy.Teo ianareo 25 ans tsy nanao critique fa nanaiky fitondrana vendrana sy nambotry firenena izao mba misy miestika dia critique foana. C'est le monde à l'envers!!!
Répondre

Re(2): SADC
JILA, le 18 Aou à 13:40
FIRY AMIN'ireo gasy ny afaka mividy tany any afrika atsimo ?IANAO ANGAMBA
Répondre

Re(3): SADC
rabe, le 18 Aou à 14:24
Olombaofidy iza? olona tsy afaka mankaiza ireo depiote mpangalatra toa an dralahiniriko ve no mba olombaofidy resake daholo, ireo ve no hampidikizo ny taranaka faramandimby @ ity SADC ity maninona raha nasiana débat sy référendum toa ny tany misy democratie rehetra mahagaga fa toa tsy miraika ny olona nefa ny avenir ny taranaka faramandimby no haroso eo
Répondre

Re: SADC
Bozy, le 18 Aou à 14:19
Ny olona refa tsy nahita fénarana dia mangina fa tsy miteniteny foana ry donto àMamakia boky momba ny SADC aloha, manaoa recherches maro be avy eo, ampiadio ny hevitrao sy ny an'ny hafa vao mananga torana eto @ forum eto
Répondre

Re(2): SADC
!!!!!!!!, le 18 Aou à 21:42
Alefaso ary ny hevitrao momba an'i SADC ry Bozy fa ianao nahita fianarana tahaka andra8 inona no tombotsoa hidirana @ io ary vonona ve isika gasy @ tsy fisian'ny visas sy ny droit de douane @ ireo firenena ireo. Inona no avantage lazao eto fa ianao miseho mahay?
Répondre

Re(3): SADC
Bozy, le 19 Aou à 12:52
Efa namaky boky sy nitady docs ve énao aloha?Sao ho lany eto fotsiny ny aiko hanazava @nao ny momba ny SADC
Répondre

Re(2): SADC
ndema, le 19 Aou à 13:36
Ianao nahita fianarana inona no mbola ataonao manao botom-bazaha aty , aza matikambo rehefa tsy misy atokona
Répondre

Meermin sy ny mpikomy malagasy

2005-08-25T14:24:00.000+03:00

Nahita ve ianao an'i Amistad sy ny tantaran'ity andevo afrikana nitory ny fanjakana Amerikana hoe avereno ho any Afrika? Raha toa ka nahaliana anao io tantara io, dia faly aho anio manolotra anao tantara anankiray.

Tantara tsy mitovy amin'i Amistad fa tantara tena nitranga koa. Tantara mahavariana. Tantara mahonena izy ity. Ary Malagasy nandevozina no niaina azy. Tamin'ny 1766 no nitranga ny tantara ary teo ambonin'ny sambo holandey antsoina hoe Meermin.

Sambo mpitondra andevo ny Meermin ary vao avy naka andevo 143 avy tany Madagasikara nokasaina aondrana any Afrika Atsimo. Andevo nisy lahy, nisy vavy. Nisy koa ary ankizy kely. Narary hono ary ireto andevo nidina tao anaty lakaly.

Navelan'ny kapiteny Gerrit Christoffel Muller niakatra teo ambony ary izy ireo. Tsy mazava loatra maninona satria tena mifanipaka amin'ny didy sy lalana narahin'ny tantsambo tamin'izany fotoana izany. Asa i Muller na natahotra ny andevo malagasy ho faty ka ho very fananana. Asa kosa raha mba nangoraka izy. Nony tonga teo ambony dia nasainy nanampy ny tantsambo holandey. Nanampy amin'ny inona anefa? Nanampy nanadio sy nikarakara ireo lefona malagasy izay nangonin'ireto Holandey ho fahatsiarovana an'i Madagasikara !

Nanararaotra izany ary ireto andevo malagasy ary nampiasainy ireto lefony. Raikitra ny fikomiana sy ny famonoana tantsambo holandey. Hotakotaka sy ra nandriaka. Hany nataon'ny Holandey telopolo tavela dia niafina niery tao anatin'ny Constapelskamer, tranon'ny kapiteny. Nisy arak tao nosotroina, bacon sy ovy nohanina. Indrisy anefa fa na dia azon'ny Malagasy ary ity sambo, tsy hainy ny nitondra azy. Tsy hainy koa hoe aiza ho aiza avy teo no nisy azy. Ny niriany moa dia ny hody. Hiverina any Madagasikara. Voatery nifandinika tamin'ireto tantsambo.

Lehilahy malagasy antsoina hoe Massavana hono no isany niresaka sy nitarika ny fampiraharahana tamin'ireto Holandey. Nandidy ary i Massavana: "Avereno any Madagasikara izahay !". Nanaiky ny Holandey. Nisy iray tamin'izy ireo nahay niteny malagasy kely. Naverina tamin-dry zareo ny nitondrana ny sambo. Roso ny dia. Nalefan'ireto Holandey avaratra andrefana ity sambo.

Ela ny ela ka tody tany ny Meermin. Nahita tany ireto Malagasy. Nandefa lakana kely hijery sy hanamafy fa tena Madagasikara tokoa ity tany hita. Nisy lehilahy mainty niandry ondry teo. Madagasikara hoy ry zareo efa nibitaka. Iny fa nitsoaka be nihazakazaka ilay mpiandry ondry. Niomana ny hidina an-tany ny Malagasy. Avy teo anefa dia ady be indray. Tsy tany Madagasikara no tonga ny sambo, fa kosa teo Cape Agulhas, Afrika Atsimo. Efa niomana ireto Holandey mpanjanaka mponina teo nahita ity sambo tsy misy saina, tsy fanta-piaviana. Hany ka commandos sy basy no nitsena ny gasy.

Fitopolo sisa izy ireo no noraisina. Dia nalefa ampandevozana daholo tany Cape Town.

I Massavana sy i Koesaaij (izao no fanoratry ny tantara ny anarany) isan'ny mpitarika ny fikomiana moa dia nalefa tany Robben Island, fonja malaza afrikana tatsimo. Ilay Malagasy lehiben'ny fikomiana kosa dia maty ary adinon'ny tantara hatramin'ny anarany.

Raha mandalo amin'io toerana io ianao, Cape Town, tanana kanto dia kanto tokoa, dia mahatsiarova an-dry zareo. Any Cape Agulhas hono mbola tsindrohin'ny mpikaroka ambina basy sy sambo ankehitriny.

Raha liana ny hamaky bebe kokoa momba ity ianao dia tsindrio eto na eto na koa eto.

Valin'ny Bakalaorea 2005

2005-08-23T22:43:00.000+03:00

Dia io iaraha-mahita io ny valin'ny Baccalauréat 2005 izay natao ny 18 Jolay farany teo [http://www.univ-antananarivo.mg/bacc2005/annonce.php]. Izany NEANT izany irery no nahazo mention Très bien tamin'ny Serie C, fa tamin'ny Serie Technologique (tertiaire) no betsaka ry lerony no nahazo Très bien.

Izay afaka fanadinana moa dia arahabaina fa tojo soa. Manaova arrosage milay fa PEZY BAKA ary dia tongava amin'ny avo indrindra e! Ny tsy afaka kosa moa dia iriana mba tsy ho ketraka fa ny manetsa be mbola ho avy e! Aza mandevin-tsotrobe raha indray mandeha no manta vary. Raha ny vaovao re-nay dia 13 no zandriny indrindra nanala Bac (série C) ary 62 taona kosa ny zokiny indrindra (série D). Na papozy na soara dia samy bakalaorea aby!

Fa nisy fanamarihina sy hafatrafatra nanitikitika ny saiko, fa sady nahatsikaiky no nampalahelo ahy, tao anatin'ilay convocation azon'ny mpanala fanadinana tamin'ity taom-pianarana 2005 ity. Indro zaraiko aminao izany ka mba vakio ange:

"N.B. :

Seul le stylo bleu est valable pour l’examen ;
La machine à calculer non programmable, où il n’y a pas de pré-programmation est admise pendant l’examen ;
Le port du téléphone portable est prohibé ;
Le retard du candidat n’est pas accepté si les sujets sont déjà distribués ;
Le candidat est tenu de signer en rendant sa copie ;
Le candidat doit faire attention et ne pas se tromper de centre d’examen : pour cela, il est recommandé de bien lire la convocation
Il doit également faire attention en remplissant sa copie : ne pas oublier de mettre ses noms et prénoms, sa série ainsi que son numéro ;
Le candidat ne doit pas manquer une matière quelconque car la note zéro (0) est éliminatoire ;
Le candidat est tenu de se munir d’une bougie (précaution en cas de délestage) ;

Toutes les dispositions ont été prises pour que le Baccalauréat 2005 se déroule très bien."

Hanala baka kosa ve leitsy ny olona ra-Haja dia asain-drangahy mitondra LABOZIA! Tsy milamina e!

Nul ne peut se prévaloir de sa propre turpitude

2005-08-22T21:43:00.000+03:00

Nostalgie kely indray ...

"1- Tout d’abord : ô Tempora ! ô mores !
2- Homo Homini Lupus
3- On a toujours besoin d’un plus petit que soi
4- Nemo auditur Propriam Turpitudinem allegans
5- Et enfin, Timeo Danaos et Dona Ferentes." D.I.R., 11 janvier 2002.

Tadidinareo ve io sombitsombin-kabary malaza io? Efa elaela angamba ka vitsy no mahatsiaro. Iza ary no niteny an'io o? Tsy iza fa ilay Raiamandreny nandahatra ny lahateny manaraka:

"Il est dommage, pecato, que la stima, it’s a pity, KAK JAL, que les pays riches, au lieu de donner des milliards au Gouvernement de Madagascar pour que l’organisation des élections soit plus efficace et plus rapide, pour diminuer les anomalies, attribuent ces milliards à des organisations d’observation des élections. Il est vrai - et c’est peut-être notre faute, mea culpa, mea culpa, mea culpa - que nous n’avons demandé d’aides à personne au cours de toutes les élections qu’on a organisées depuis 1997 car nous pensons toujours à l’adage « Timeo DANAOS et dona Ferentes », je crains les Grecs surtout quand ils me font un cadeau…ou à la chanson à la mode actuelle : « Fais pas ci … Fais pas ça … » de JORDY…" D.I.R., 11 janvier 2002.

Tena kabary serieux io fa sao dia izaho indray no lazainareo fa mampiesona an! Tsindry aloka ve ireny sa toraka bilao e? Mahay miresaka kosa aloha Rangahy iray iny an! Izany no tena "be lazao," voany lavitra be mihitsy Ramose Rabelazao raha eo amin'ny fitorahana Bilao (sans G). Ahoana ny fijerinao azy hoarina amin'ilay iray mivatambatam-pitenenana ankehitriny io? Samy manana ny hanitra ho azy kosa angamba, satria anie ny bainga voavadika ihany hono no tena vavolombelon'ny mpiasa e!

Toa manampikasana ny hiverina eto amin'ny tanana hono ingahirainy ... Izay hifanarahanareo eo ihany fa tadidio hatrany fa Nul ne peut se prévaloir de sa propre turpitude ary on ne peut pas toucher à une fleur sans déranger une étoile D.I.R., 05 Mars 1998.

Rock Santimaka sa Rock Fiderana ?

2005-08-19T20:20:00.000+03:00

Sao ary dia heverinareo fa raha mankafia an'i Mahaleo, Lolo sy ny Tariny, ary Tselonina ny bandy dia tena mirona tanteraka amin'ny Folk Gasy. Mba mankafy ny Mozika Rock koa anie ny tary e! Tratrako amin'ny Gitara tsara ry Nahita Vaovao (Kiaka) sy ry Apokalipsy (Kazar/Apost) ...

Tamin'ny andronay dia i Nini Kiaka, Roger Iraimbilanja, Thierry Green no rockers nalaza tamin'ny tanana (tao koa moa ry Annick an'i Dillie). Dia teny koa moa ry Doc Holliday, Apost, MAingoka, Bala Afomanga, Kazar, Kadradraka 2000 ... tadidinareo ve?

Izao indray dia izany Kix Ambondrona izany hono no malaza ("Kiiiiiiiiiiiiiiiiiiiiiiiiiiiiiix", hoy ny antsoantson'ny cousine-kelinay). Mage 4 sy Fisina koa milay. I Thierry moa efa nosoloin'i Jacquot. Ary i Nini efa lasa fohy (sy fotsy) volo.

Hardos gasy e ! Cuir Metal, Mpanozongozondoha ... Eto hianao raha hijerijery momba ny tontolon'ny Rock Malagasy: http://hardrockmg.free.fr/ Kanefa anie ka raha jerenareo ny tononkira dia toa malefaka tokoa izany fon'ny rockers malagasy izany e. Jereo fotsiny:

"Niova ianao tsy toy ny fahiny
Lasa be fikafika ankehitriny
Sahinao isan'andro izao
Manao tarehy vinitra andosirako anao"
Tselatra

Toa matim-pitiavana daholo ry lerony. Ny Malagasy, tokoa, mantsy hono dia olon'ny fo, ka tsy afa-bela amin'izany koa ny Rockers gasy. Na ry Kix, na ry Nini, na ry Jaquot, dia vazo slow no tena manavanana azy. Sentimantique Romental hoy ny fitenenana.

Ry Eric Tselatra (bandy tety aminay tety amin'ny 67 Ha ihany ireny fa efa lasa any Lafrantsa izy izao) ary moa efa lasa nitory ny tenin'Andriamanitra amin'ny tononkira. Rock Evangelique angaha no fiantso izany? Tena nandrirotra ny fombafomban-dry Black Sabbath sy Judas Priest ary ry AC/DC mihitsy. Sao dia mba kivy ry Ozzie Osbourne?

Fandrosoana eeeee .... manadala be ... fandrosoana eeee.... rock and roll eee .... Aza adino ilay Concert Tselatra etsy Antsanimanitra amin'ny efatra folakandro an! Sao dia tokony mitondra Boky Fihirana FFPM sa Cahier de Chants?

Tamin'ny andronay ... generation milay

2005-08-12T21:44:00.000+03:00

Asa ry ireto na efa miha-antitra i Rabelazao na ahoana fa rehefa miresaka ileiry izao dia miteny foana hoe "tamin'ny andronay" na hoe "ny generation-nay." Indraindray dia tsy araky ny tanora resahina ny references-ny. Amin'ny teny gasy ny olona "miray generation" dia atao hoe "mpiara-mihira" na "mpiray hira". Sarotra faritana ihany anefa hoe iza no miray generation. Ny mora hamaritana azy angamba dia ny reperes kely isankarazany niainana ...

Ny Mozikan'ny Generation-nay: Mahaleo, Lolo, Rossy, Ramafadrahona, Tselonina, Jeneraly, Njila, Sareraka, Nono, Tritra, Papa James, Dedesse, Zeze Mahanoro, Rainindimby ...
Ny Fanabeazana ny Generation-nay: Fanagasiana, TaJefia (io no Histo-geo-nay), Isambilo, Bina sy Kemba, ... sy ny SN. Ny kilalao dia ny AminA, AminA, sy ny Ayams. Dia ny vatombatony mandeha "sur-boum" eny amin'ny Villa Diademe.
Ny Ekipan'ny Generation-nay: Saint Michel (mazava loatra), Corps Enseignants, MMM, Sotema, Akon'Ambatomena, Dynamo de FIMA, ...
Ny Radio fihainon'ny generation-nay: Izaho Valiha Ianao Lokanga, Toko Tapaka, Tantara Indray Miseho (Sabotsy hariva), Tantara Mitohy (amin'ny Iray sy Fahefany miaraka amin'i Vahandanitra, Dawily, Klotilda), Tantara Baolina (mivantana miaraka amin'i Marius Rasoanaivo).
Ny Fahitalavitry ny Generation-nay: Bouba, Tom Sawyer C'est L'Amerique, Le Vieux, Pop Made in Germany, sy Films Sovietika ... mbola nandeha koa ny Sinema tamin'izany (Rex, Ritz, Roxy, Ako, Soa, Palace, ...)
Ny Rafitry ny Fiainampirenerna: Revolosiaona Sosialista, Boky Mena, penurie, carnet famatsiana, Procoops, ...

Raha mahatsiaro amin'ny sasantsasany amin'ireo ianao mpiserana io, dia "omeo ny dimy" fa mpiray generation isika izany. Ny "fiaraha-mihiranay" moa ilay nantsoin'ny sasany hoe "generation sacrifiee" na hoe "sacrificed generation"-- asa raha ekeko aloha izany famaritana izany. Ny ahy ny fiantsoko azy dia hoe "Generation Milay" na ny Generation Mahaleo. Mbola tsy tena eo amin'ny fitondrana tanteraka aloha ny mpiara-mihira aminay izao fa efa manomboka hitahita eny ry lerony (minisitra vitsivitsy, mpanolotsaina, solombavambahoaka, mpitantana isankarazany, mpitoraka bilao-G [merci i-harinjaka]...). Afaka folo taona any dia mino kosa aho fa horaisinay tsikelikely ny andraikitra lehibe eo amin'ny tany sy ny fanjakana, ka ho hita eo raha tena "generation sacrifiee" tokoa izahay na kosa "generation milay". Efa lasa va sa mbola ho avy ny andronay?

Fa resaka hafa mihitsy indray. Raha tadidinareo dia "tamin'ny andronay" tany amin'ny 1985-1987 (classe de firy-eme moa ianao ito tamin'izany?) tany ho any no nisy epidemie an'ny Bemangovitra maozatra be teto Madagasikara--tany amin'ny anarivony maromaro (40,000) tany mihitsy hono ny aina nafoy. Ny Bemangovitra moa dia karazana Paludisme, Malaria, na Tazo mahatohatra ny herin'ny chloroquine izy io, ary ny moka mitondra azy koa hono dia mahatohatra ny ody moka fampiasa. Misy milaza fa ny fampiatoana ny fampiasana DDT miampy ny fahantrana nateraky ny Revolisiaona Sosialista no nahatonga an'io.

Asa raha renareo na tsia fa tato ho ato dia mitady hiverina indray ny "Bemangovitra". Eny amin'iny faritr'i Vatovavy Fitovinany (eny Nosy Varika e) iny no nitrangan'izany ka 15 no maty tamin'iny volana lasa iny. Ka arak'izany ary, dia mila mailo mihitsy isika fa mahery vaika io aretina iray io. Na tamin'ny faha-mpanjaka (talohan'ny andronay kosa aloha izany) aza dia efa nampiasain'ny mpitondra i Jeneral Tazo hiadiana amin'ny mpanani-bohitra. Izao indray anefa dia toa izy Jeneraly Tazo indray no mitady hanani-bohitra. Ka mila mailo isika an!

Azafady fa somary lavalava ny anio fa efa ela no tsy nitoraka bilaoG ka somary nangidihidy ny tanana e!

Izifitoambinifololahy ... mpanabe ny zaza malagasy

2005-07-26T18:53:00.000+03:00

Anisan'ny adidy mankadiry sady sarotra indrindra eo amin'ny fitondrana ny tany sy ny fanjakana ny miandraikitra ny minisitera misahana ny fampianarana. Mankadiry satria ny ho avin'ny zaza malagay, ny ho avin'ny firenena, no eo ampelatananao, ka asakasakao raha hanao kinanga ianao. Sarotra satria ny vahoaka malagasy dia malaza ho "maditra sy mafy loha"--tia mitokona sy mirotaka ary mi-greve rehefa tsy azoazony izay tadiaviny. Tsy ny mpianatra ihany no be mokon-doha fa ny mpampianatra koa indrindra indrindra (mi-SECES misesisesy mihitsy ny greves). Mila olona korazy sy sahy sedra vao miditra amin'io raharaha goavana io an!

Samy mba nanao izay ho afany ihany angamba izy lahy nifandimby niandraikitra ny minisiteran'ny fampianarana. Tao ny nanao betsaka noho ny hafa. Tao ny nikezaka fa tsy nahaovoka firy. Tao ny tsy haninontsihaninona ... Ny tantara no angamba hitsara fa mba ho jery todika fohy amin'izao grandes vacances vita bac izao dia indro atolotra anareo esty ambany ny anaran'izy "fito ambinifolo lahy" niadidy fampianarana antsika zana-bahoaka. Ny mba nanaitra ahy dia toa tsy mba nisy vehivavy tamin'ny minisitra nisesisesy teo. Sao dia izay ary no mampi-katso ny fandehanjavatra satria tsy ny viavy no mety ho havanana kokoa amin'ny fitaizana sy ny fanabeazana ny ankizy malagasy? Sa ahoana ry SipaKV?

Ireto ry lerony e! (Kiliker-o eto raha liana hahafantatra kokoa momba ny minisitera ianao)

1960 -- Laurent BOTOKEKY, Secrétaire d'Etat auprès de la Présidence chargé de l'Education Nationale. L'enseignement est entièrement dispensé en français pour la discipline Malagasy. Mention particulière : initiateur du Trano Boribory.

1972 -- Norbert RANOHAVIMANANA Mention particulière : n'a été ministre que pour une durée d'une semaine du fait du mouvement populaire de 1972.

1972 -- Justin MANAMBELONA, Ministre de l'Education Nationale et des Affaires Culturelles (MENAC).

Février 1975 -- Christian Rémi RICHARD, Ministre des Affaires Culturelles (MAC)

Juin 1975 -- RAKOTONIAINA Justin, Ministre de l'Education Nationale (MEN) Mention particulière : auteur du livre "Education socialiste et révolution". Décentralisation et démocratisation de l'enseignement.

1976 -- RABOTOSON François de Paul, Ministre de l'Education Nationale (MEN)

1977 -- ANDRIANOELISOA Théophile, Ministre de l'Enseignement Secondaire et de l'Education de Base (MINESEB) Mention particulière : membre fondateur du Sendika Revolisionera Malagasy (SEREMA). Initiateur de la malgachisation de l'enseignement

1983 -- ZENY Charles, Ministre de l'Enseignement Secondaire et de l'Education de Base (MINESEB).

1989 -- VELOMPANAHY Aristide, Ministre de l'Enseignement Secondaire et de l'Education de Base (MINESEB). Mention particulière : début du projet Crédit de Renforcement du Système Educatif (CRESED)

Août 1991 -- Jacquit SIMON, Ministre de l'Enseignement Secondaire et de l'Education de Base (MINESEB).

Décembre 1991 -- Jacques Sun Hery VESTALYS, Ministre de l'Enseignement Secondaire et de l'Education de Base (MINESEB). Mention particulière : a voulu mettre en place un système éducatif basé sur la revalorisation de la fonction enseignante

Janvier 1992 -- FANONY Fulgence, Ministre de l'Instruction Publique (MIP). Mention particulière : retour du français comme langue d'enseignement.

Juillet 1995 -- MAROLAHY William, Ministre de l'Instruction Publique (MIP)

Octobre 1995 -- FANONY Fulgence, Ministère de l'Education Nationale (MEN) Mention particulière : début du Projet de Renforcement du Système Educatif Malgache (PRESEM)

1996 -- RAKOTONIRAINY Germain, Ministre de l'Education Nationale Mention particulière : a eu pour programme de revaloriser la fonction enseignante et de réhabiliter la dignité de l'éducateur.

1997 -- Jacquit SIMON, Ministre de l'Enseignement Secondaire et de l'Education de Base (MINESEB). Mention particulière : initiateur du Programme National d'Amélioration de l'Enseignement (PNAE2)

2002 -- RAZAFINDRANDRIANTSIMANIRY Dieudonné Michel, Ministre de l'Enseignement Secondaire et de l'Education de Base.

2004 – RAZAFINJATOVO Hajanirina, Ministre de l'Education Nationale et de la Recherche Scientifique.

Solombavambahoaka mikomy?

2005-07-22T16:20:00.000+03:00

Tonga eto ampelatananay izao ilay rijan-teny nataon'ny "Comité pour le rétablissement de l’image de l’Assemblée Nationale" ho fampiatoana ny Filohan’ny Antenimiera sy ny birao maharitry ny Antenimieram-pirenena izay niafara tamin'ny fametram-pialana avy tamin'ingahy Jean Lahiniriko. Ataoko copier-coller ery ambany ery ilay izy ho dinihinao mpitsidika io. Raha ny fahazahoako azo dia resaka "privileges" (sa droits?) sy "tombotsoa" tsy azo no tena olana-- resaka lasantsy, fikojana ny fiaran'ny depiote, téléphone, fanaka de bureau, voyages, ...

Tsy arako loatra ny fandehanjavatra eny Tsimbazaza, resaka izy samy solombavambahoaka angamba io. Toa mety resaka izy samy TIM hono, tsy haiko.

Fa ny reko sy hitako, ary ny fanamarihana mba tiako atao, dia rehefa hivory na hiasa ho an'ny vahoaka (hisolo-vava ny vahoaka) dia eo amin'ny 30 na 40 (amin'izy 146 mianadahy mianaka misalotra ny anarana hoe "Deputes de Madagascar") no tonga fa ny hafa mingitrika sy mivangabao, fa rehefa hiady ho an'ny tombotsoany kosa dia iraim sy valo dia voaangona ny sonia 98. Ary ny mingitrika sessions parlementaires koa ve tsy tokony ho "fautes graves"?

Io ilay lahatsoratra fa tsss ...

"Texte de la motion de demande de destitution des membres du bureau de l'Assemblée nationale

La principale vocation des Députés est de voter les lois, de contrôler les actions du Gouvernement et d'être les représentants du peuple.

Deux ans et demi se sont écoulés depuis leurs élections, une frustration généralisée est constatée au sein de l'Assemblée Nationale, frustration qui porte préjudice à l'accomplissement de leurs missions pour les diverses raisons suivantes:

- non respect de la résolution du Comité ad hoc en date du 15 novembre 2004, définissant le niveau des moyens mis à la disposition des députés (carburant, entretien de véhicule, téléphone, fournitures de bureau…) et décidant le gel des investissements en matière de construction des bâtiments.
- non paiement du rappel des salaires du 2ème Assistant Parlementaire du mois d'octobre 2003 à janvier 2004.
- répartition non équitable des voyages extérieurs des députés, alors que les membres du Bureau Permanent effectuent des missions fréquentes à l'étranger, missions soi-disant en vue de nouer des relations fraternelles avec des pays extérieurs,…
- sécurité des députés non assurée dans l'accomplissement de leurs missions. On ne peut pas passer sous silence les actes de banditisme dont ont été victime nos collègues:
Madame Ndahimanana Ara Johanita, député élu à Toamasina;
Monsieur Randriamboavonjy Jean de Dieu, député élu à Fianarantsoa;
Monsieur Randriamitombo Marcelin David, député élu à Mandritsara
- absence de prise en charge et non remboursement des frais médicaux engagés par les députés (consultation, médicaments, hospitalisation,…)
- entretien et réparation du Centre d'accueil bâclés (préjudice grave à l'image de marque des députés)
- traitement privilégiés et favoritisme déplacements intérieurs (octroi tickets de carburant supplémentaires, billets d'avion) et extérieurs à certains privilégiés (billets d'avion, hébergements, restauration et indemnités diverses,…)
- réticence marquée dans la réception des députés sur leurs demandes.
- manque de transparence dans la gestion des affaires de l'Assemblée Nationale en général.

De tout ce qui précède, les faits ci-dessus dénoncés constituent des fautes graves. En conséquence, nous sommes convaincus que les membres actuels du Bureau Permanent méritent d'être destitués et ce en application de l'article 13 des règlements intérieurs de l'Assemblée Nationale.

Sonia valo amby sivy folo"

Mihinana Sambos Vita Bac

2005-07-20T18:41:00.000+03:00

Rencontre Antananarivo Mibilaogy. Antso avo avy amin’ny Doyen an’ny mpitoraka bilao-g Malagasy ka dia ampitaina am-panajana…

"Tongava re ! Tongava re ! Ao amin'ny Shalimar ao Tsaralalàna (aza afangaro amin'ny ao Antsahavola) ny fotoana izao Zoma 22 jolay amin'ny 5 ora sy sasany hariva... Na hanao fotoan-gasy ianao, na ho marim-potoana, na efa mibilaogy ianao, na mamaky fotsiny, dia aza misalasala !"

Ito ary ny coordonees :

Le Shalimar
5, Rue Mahafaka Tsaralalana
Tél.: 22 260 70.

Ary dia ampitapitao any rehetra any hono izao antso izao e !

Akoatra an’izay dia hitotorebika isika amin’ity herinandro "vita bac" ity …. Fararanon-danonana tokoa izao ririnina mamirifiry izao. TaonaZinan'ny kanto sy ny mozika ka dia araraoty fa mangatsiaka ny andro e! Anao ny safidy (hatramin'i Levelo, ka hatramin'i Sean Paul) fa dia mety mifankahita eny ho eny ihany e! Ito ary ny Agenda:

Mahaleo, Le Film, Sinema Rex, Alakamisy 21 Jolay 2005.
Gasy Mpitoraka Bilao-g, Shalimar, Zoma 22 Jolay 2005 (17h30).
Levelo, CGM, Zoma 22 Jolay 2005 (19h30).
"Smile Party", Hilton Madagascar, Zoma 22 Jolay 2005
"Mangotraka Vita Bac" miaraka amin’i Jerry Marcoss, Jarifa et Hery Puissance, Sabotsy-Namehana, Sabotsy 23 sy Alahady 24 Jolay 2005
“Rap Vita Bac” Afondasy 2, Antsahamanitra, Sabotsy 23 Jolay 2005
Mahaleo, Antsonjombe, Alahady 24 juillet 2005.
Sean Paul, Parking Smart Tanjombato, Alahady 24 juillet 2005 (16h00)

Azonao atao koa moa ny mijanona ao antrano mijery ny fandalovan'i Chirac sy ny tariny ao amin'ny fahitalavitra sy ny sinema mitranga ery amin'ny Antenimieran'i Tsimbazaza.

“Aza mijan mandih, na mbola kely na lehibe
Aza mijan mandih
Hatrany an-trano na eny am ny arabe
Aza mijan mandih na mbola na lehibe (2) aza mijan mandih”

Da Hopp

Sokola Mainty 73%: 100% Vita Malagasy, Nankaiza ny 60%

2005-07-19T23:22:00.000+03:00

Asa raha efa nandramanareo fa ohatry ny mitovitovy amin'ny tsiron'ny Chocolat Noir Robert ho'a ilay sokola Mora Mora (vintage 2005, 73% dark single origin bar) amboarina sy aondran'ny Malagasy Ltd. e ! Mandimandina izany. Ahatsiarovako an'ilay rehefa hanala fanadinana tamin'ny mbola boay kely dia omen-dRabaofy sokola mba hanazavazava ny ati-doha.

Hitako tsara ihany kosa ilay concept (eto vakiana momba an'ilay business model). Tsy vitan'ny hoe "fair trade" fa "equi-trade" ihany koa! Izany hoe ny tantsaha mpamokatra any amin'ny tany mahantra izay nitoto nahamasaka ilay fika be no mitango ny vola azo amin'ny fivarotana ny vokatra any andafy. Raha ny filazan'ny tomponandraikitra aloha dia tafaverina amin'ny malagasy ny efa-polo isan-jaton (40%) 'ny vidin'ny sokola eo amin'ny tsena (eto ny fanazavany). Tsy mbola azo ampiakarina ve izany salanisa izany? Fa lasan'izany ny enim-polo isan-jatony (60%) ambiny?

Satria anie Sokola vita gasy tanteraka ilay izy e. Sokola tonga dia gasy zato isan-jato (100%), na ny fambolena sy fiotazana ny cacao (Criollo, Trinitario sy Forestero beans) etsy Sambirano , na ny fanangonana azy (Ramanandraibe), na ny koperativa fanodinana an'izany ho sokola, eny fa na dia ny famonosana azy aza. Ka dia nahoana ary no ny vazaha mpijirika sy mpitsinjara indray no mioty ny valin-kasasaran'ny gasy?

Dia hoy ilay mpampianatra anay business (tamin'izahay tao amin'ny INSCAE DSSAE --nostalgie e!) hoe resaka marketing, retailing sy distribution fotsiny io e! Izay mahatonga ny vokatra eny amin'ny tsena hono ihany no mahazo ny vola. Mba azavao kely amiko raha havanana amin'ito raharaha manga ito ianao.

"Tsy andaniako vola aman-karena
Tsy ilàna manjamaso na lokomena
Fa tonga dia gasy,gasy tsy tontan'ny ela
Fa tonga dia gasy, (sokola) gasy zato isan-jato ianao"
Olombelo Ricky

AZALEA ORB

2005-07-14T21:33:00.001+03:00

Mba fantatrao moa ny antsoina hoe ANAGRAMS?

Kilalaon-teny vinany izay hamadibadihana ny litera ao amin'ny teny iray na maromaro, ka manome teny hafa (indraindray misy dikany, indraindray tsy misy). Ohatra hoe vola avadika hoe LAVO.

Azo atao ankadrina izy io, fa ho anay kamokamo saina dia misy toerana isankarazany eto amin'ny internet azonao hanaovana an'izany. Ampidirinao ny andrianteny vitsy, dia poa toy izay dia mivoaka ny ANAGRAMS.

Raha teny Frantsay (parlez-vous francais?) no manavanana anao dia eto aleha: http://www.barbery.net/anagram/index.htm

Raha teny Angilisy (do you speak english?) kosa dia eto:
http://www.oneacross.com/anagrams/

Mba nisy fotoana ho laniana kely androany dia mba nitatitady ANAGRAMS isankarazany ny havanareo, ka ny anarana Malagasy malazalaza isankarazany teo amin'ny tany sy ny fanjakana no nandramany navadibadika. Ataontsika kilalao kely ary ilay izy. Ka ANAGRAM'ny anaran'iza ary ireto raha fantatrao:

1/ INHABITANT REPRISAL
2/ DRAMATIC RADAR VARNISH
3/ A SKIRTED AIR-RAID
4/ ZEBRA AT FLY
5/ A MORAL MAN CARAVAN

Etsy ambaniny ny valiny raha afa-po sahady (mba andramo kosa aloha fa aza tonga dia mistikilo e!).

Dia mba manaova koa ianao, mikaroa, dia zarazarao eto izay hitanao any e. Izay indray aloha fa veloma majinijinika an!

hoy Rabelazao (na koa hoe AZALEA ORB)

-----
valiny:

INHABITANT REPRISAL (na koa ANTI-AIRPLANE BIRTHS): Philibert Tsiranana
DRAMATIC RADAR VARNISH: Richard Ratsimandrava
A SKIRTED AIR-RAID: Didier Ratsiraka
ZEBRA AT FLY: Albert Zafy
A MORAL MAN CARAVAN: Marc Ravalomanana

Patou: Ben'ny tanana milay

2005-07-08T18:34:00.000+03:00

Asa ianareo fa izaho manokana aloha dia mahita fa tena miezaka mafy ary tena azo lazaina fa "iantreha-mahavita, iamboho-mahaefa" mihitsy io Ben'ny Tananan'i Vohitsara io ankehitriny. (misaotra leitsy aloha amin'ilay lalana vaovao etsy Andohamandry fa tena ankafihizin-dRabaofy sy Rabaininay mihitsy ilay izy a!) Na eo amin'ny lafiny fampivoarana izany na eo amin'ny fanatsarana ankapobeny. Maro ireo Maire nandalo teto Iarivo fa hafa noho ny hafa ho'a ity tary iraika ity e! Ny anarany feno moa dia Patrick Xavier Herinirina RAMIARAMANANA.

Na ny vahiny aza dia miaiky izany ka tamin'ny volana May lasa teo dia azon'Antananarivo ny loka voalohany tamin'ny fifaninanana Métropolis 2005 noho ny ezaka vita teo amin'ny fanatsarana ny faritr'Anosibe. Izao indray dia anisany "voatsonga ho fidiana" (io no hilazako ny teny bekilaoty hoe "nominated") ho "World Mayor 2005" ny anao lahy. Ka manainga anao mpitsidika io raha toa ka entanim-panahy ianao mba handray anjara amin'ny latsabato ao amin'ny: http://worldmayor.com/voting05/voting2005.html raha heverinao fa milay io Ben'ny Tananan'Iarivo io e! Mba omeo tananakely ny antsika ho'a, fa ny an'ny hafa indray ve no ho tohanana? Izahay aloha dia efa nandatsaka fa asakasakareo ihany io e!

Fa ity emboutaillage sy delestage lavareny ity Ra-Pa no mba mila vaha-olana maikamaika e! Ianao rahateo moa no deban'ny Jirama. Sao mantsy ianao sodokan'ny dokadokan'i Rabelazao eo ka manitsaka an ... Dia efa matoky anao aho amin'io an!

Mpiray tolona sa mpiray antoka?

2005-06-15T00:13:00.000+03:00

Niteraka resabe tamin'ny gazety anio ny fanatrehan'i Ramose James Bond, solotenan'ny Banque Mondiale any Madagasikara ny fivoriana teny Faravohitra izay niantsoan'ny Filoha Ravalomanana ny solotenan'ny antoko politika manohana azy (mouvance presidentielle e!). Nandray anjara tamin'izany i Manandafy Rakotonirina (Mfm), Norbert Ratsirahonana (Avi), Moxe Ramandimbilahatra (Teza), Marson Evariste (Rpsd) ary i Mahazaka Clermont. Ireo hono no "mpiray antoka" ...

Asa tokoa aloha ny resaka tao ary asa koa ny antondian'i James Bond tao, fa ny tsikaritro dia izao: ohatry ny mitovitovy ho'a ny Logos-an'i Banky Iraisampirenena (Mpamatsy vola an'i Madagasikara) sy ny antoko MFM (Mpitolona ho an'ny Fandrosoan'i Madagasikara) e! Jereo ange ireo ambany ireo e! Fifanjifinjavatra kosa angamba o?

Reasons for Reducing the Pirates at Madagascar

2005-06-11T23:04:00.000+03:00

Efa ela mihitsy ho'a i Dago-dago-nareo io no "nalaza naditra" an! Ito vakiana raha havanambanana amin'ny teny bekilaoty ise mamaky io.

Reasons for Reducing the Pirates at
Madagascar and Proposals humbly offered to the Honourable House of Commons for
effecting the same.
That certain Pirates having some years since found the Island of Madagascar to be the most proper, if not the only place in the World for their abode, and carrying on their destructive trade with security, betook themselves thither, and being since increased to a formidable body, are
become manifest onstruction to trade, and scandal to our nation and religion, being most of them English, at least four fifths. ....

Ohatr'izao indray hono ny jiolahin-tsambo migalabona miaraka amin'ny viavy Malagasy. sss, hisy hiteny indray izao hoe "'le sipa gasy ho'a ..." Revy sa ditra, hoy ianao ...?

Raha mazoto hikaroka momba ny tantaran'ny Piraty tao Madagasikara moa ianao, dia aza misalasala mikiliky eto: "Piratical History of Madagascar." Mba "tia karokaroka" moa fa aza miandry an-dRabelazao hitoraka bilao-G eo fotsiny e!

It's in the bag ...

2005-06-09T17:59:00.000+03:00

Taiza aloha ianao io no ela be no tsy hita e? Ka tany Andoharanofotsy ianareo sa tany Iavoloha? Tsy maninona aminay fa samy Atsimondrano ihany izany aminay e! Ny Dadabe an-dRabainina rahateo moa boakan'iny Ivakinisisaony iny ka mety mitovitovy ihany ny resaka ifanaovana ... Mandalo vetivety fotsiny aho dia manararaotra manao tsidimpahitra fa amin'ny manaraka mitoraka bilao-G ngozangoza kokoa e!

L'Internationale

Debout les damnés de la terre
Debout les forçats de la faim
La raison tonne en son cratère
C'est l'éruption de la fin
Du passe faisons table rase
Foules, esclaves, debout, debout
Le monde va changer de base
Nous ne sommes rien, soyons tout

C'est la lutte finale
Groupons-nous, et demain
L'Internationale
Sera le genre humain

Tadidinareo ve io hira io? Tamin'ny teny Malagasy no nampianarana anay an'io fahiny efa ela be, ary nafana fo ery isika ankizy tamin'izany niantsa hoe:

"Tsy misy olona voaozona,
Hanompo hatrany ny hafa
Tsy misy olona voahosotra
Ho tompoina sy hanjaka,
Fa izay manana ny marina,
Tsy hanaiky ho lembenana

.... Ny Internationaly
No tanjona hampiray ..."

Efa tsy dia tadidiko loatra intsony aloha ilay izy e! Ohatry ny efa ela be ery izany, indrindra fa rehefa mijery ny fivoaran'ny "l’évolution de la situation sur le terrain."

Izao indray mantsy dia ry Alex, Gloria, Melman ary ry Marty no hirahirain'ny ankizintsika:

"I like to move it move it,
You like to move it move it..."

Samy manao izay ho afany io, samy milaza izay heveriny, fa aza ny bandy indray no lazainare hoe tsy "liam-pivoarana" an!

Iza no tena iza e?

2005-05-05T23:03:00.000+03:00

Rehefa mijery hoe "Iza no Iza manerana ny tany?" dia ato no mitsikilo ...

Ireto ambany ireto izany no Malagasy tafiditra ao rehefa tadiavina amin'ny hoe "malagasy". Mba ao va ny anaranao? Ary toa tsy mba ao anatin'ny "Iza no Iza" i Ramose Rabelazao? Tsy ao anaty lisitra e! Iza no heverinao fa tokony ho ao kanefa tsy ao?

Search results for 'malagasy'
Displaying 23 of 23 Results

1. ANDRIANARIVO Tantely René Gabrio Malagasy politician
2. LÉVÊQUE Michel French diplomatist
3. MALLET Robert Albert Marie Georges French university rector and author
4. PLANTEY Alain Gilles French government official
5. RABEMANANJARA Jacques Malagasy writer and politician
6. RABETAFIKA Joseph Albert Blaise Malagasy diplomatist
7. RAKOTOARIJAONA, Lt-Col Désiré Malagasy politician and army officer
8. RAKOTOMAVO Pascal Malagasy politician and businessman; Governor of Antananarivo
9. RAKOTONIAINA Justin Malagasy politician, teacher and diplomatist
10. RAKOTOVAHINY Emmanuel Malagasy politician
11. RAMAHATRA, Maj.-Gen. Victor Malagasy international business consultant, fmr politician and army officer (retd)
12. RAMANANTSOA, Maj.-Gen. Gabriel Malagasy politician and army officer
13. RAMANDIMBIARISON Zaza Manitranja Malagasy politician
14. RANJEVA Raymond Malagasy lawyer and international official; Vice-President, International Court of Justice
15. RANJEVA, Gen. Marcel Malagasy politician; Minister of Foreign Affairs
16. RASOLONDRAIBE, Gen. Jean Jacques Malagasy army officer and politician
17. RATSIRAHONANA Norbert Malagasy politician; Leader, Ny asa vita no ifampitsara (AVI) Party
18. RATSIRAKA, Adm. Didier Malagasy politician and naval officer
19. RAVALOMANANA Marc Malagasy politician and business executive; President
20. RAVONY Francisque Malagasy politician and barrister; Minister of Defence
21. RAZAFINDRATANDRA, HE Cardinal Armand Gaétan Malagasy ecclesiastic ; Archbishop of Antananarivo
22. RICHARD Alison Fettes British university administrator and professor of anthropology and environmental studies; Vice-Chancellor, University of Cambridge
23. SYLLA Jacques Hugues Malagasy politician and lawyer; Prime Minister

Ombivaviberonono Holstein 915

2005-05-03T20:27:00.000+03:00

Asa ianao raha tia ronono fa mety ho fararanon-dronono ny eto Madagasikara atsy ho atsy raha izao no mitohy.

Voalohany aloha dia lany ho filohampanjakana ny tompon’ny TIKO tamin’ny 2002. Avy eo, dia noforonina tamin’ny volana novambra 2004 teo ny Malagasy Dairy Board handrindra sy hampiroborobo ny sehatry ny famokarana ronono eto Madagasikara. Ary vao tamin’iny herinandro iny indray dia tonga ny Ombivavy be ronono Holstein miisa 915 avy any Nozelandy. Tena be ronono tokoa satria raha roa (2) litatra isanandro no ronono azo avy amin’ny omby malagasy mahazatra, dia efatra amby dimapolo (54) litatra no azo avy amin’ny Holstein.

Ny tena antsointsika matetika hoe “omby gasy” dia ny "zebus" na Bos indicus, hoy ny be zesta miseho mahay teny Latina. Ireny ilay mozatra be mpitarika sarety sy mpiasa tany. [Raha ny filazan’ny mpahay tantara dia tany amin’ny taonjato faha-dimy tany no naiditra voalohany teto ireny karazan’omby ireny] . Ny ahafantarana anazy itony dia ny trafony.

Ny "ombivavy gasy" (fa tsy ny sipa gasy an!) anefa, araky ny efa nambara tery ambonimbony ery dia tsy dia misy ronono loatra (somary fisaka hoy ny jiolahimboto), ka efa hatramin'ny ela dia maro be ny ezaka natao hampitomboana ny voka-dronono eto antoerana. Anisan'izany ezaka izany ny fanafarana karazan'omby hafa avy any ivelany izay antsoina amin’ny anarana siantifika hoe Bos Taurus. Araky ny tantara, dia ingahy Jean Laborde no nanomboka nampiditra an' ireny omby ireny teto tamin’ny 1840. Avy tany Eropa tany izy ireo, ary races gasconne (gasy conne an ? toi meme!) sy bordelaise. Nony nifampisipasipa tamin’ny zebus izy ireo tamin'ny 1880 tany ho any dia nanome ny karazana omby vaovao antsoina hoe "omby rana"--omby safiotra tsy misy trafony.

Nony avy eo (hatramin'ny 1900 ka hatramin'izao) dia bobaka be ny karazan'omby nampidirina teto. Ka mba hampitombo ny fahalalantsika dia ireto ary ny omby vahiny nafarana teto Madagasikara sy ny daty nidirany, araky ny filazan’ny mpitantara.

circa 400, Omby Zebu
1840, Omby Gasconne sy Bordelaise (avy any Lafrantsa)
1880, Omby Rana [Omby Gasconne sy Bordelaise nafangaro Zebu Malagasy]
1910, Omby Normande (avy any Lafrantsa)
1920, Omby Limousine (avy any Lafrantsa)
1940, Omby Jersiaise (avy any Afrika Atsimo) sy Omby Sahiwal (avy any Kenya)
1945, Omby Frisonne sy Charolaise (avy any Lafrantsa)
1947, Omby Renitelo [Omby Afrikander (avy any Afrika Atsimo) sy Omby Limousine nafangaro Zébu Malagasy]
1965, La Pie Rouge (avy any Norvezy)
circa 1970, Omby Brahman (avy any Etazonia)
1995, Omby Montbeliarde (avy any Frantsa)
1999, Omby Holstein (avy any Etazonia)
2005, Omby Holstein (avy any Nozelandy).

Ka raha izao no mitohy dia tsy ho ela dia hitobaka izany ny ronono velona, ary ho voky abobo sy yaourt ary ho be calcium ny zaza malagasy.

ps. Tsy hidirako ny resaka hoe "ahoana ny ARETIN'OMBIVAVY ADALA ('vache folle' re e!)?" na hoe "Ho lasan'i TIKO daholo ve ny tombotsoa?" Tsy taranjako izany fa raha manankolazaina ianareo dia "lachez vos comm's" hoy ny tanora mpitoraka bilao-G izay.

[asa raha tadidinao fa tamin'ireny gidragidra 2002 ireny dia notifirindry lerony ny ombivavin'ny Tiko Farm! Mahita atao!]

Lalana 305, 1881

2005-04-28T20:55:00.000+03:00

Tamin'ny Talata 1 Alakarabo 1881 [29 Martsa 1881, ho anareo izay efa tsy mahatadidy intsony ny tonon-andro faharazana] dia nanao Kabary manetriketrika teo anoloan'ny Ambanilanitra vory lanona tetsy Andohalo (eo alohan'ny Bahut amin'izao fotoana izao) Ranavalomanjaka [Ramoma fa tsy Ramavo na Razafindrahety an!], "Mpanjaka ny Madagasikara." Ka tamin'izany no namoahana ny Lalana miisa 305, izay nifampitondrana teo amin'ny tany sy ny Fanjakana.

Navoakany tamin'izany ary ny Boky kely antsoina hoe "Lalan'ny Fanjakana"--notontaina tamin'ny presin'ny Mpanjaka ny Madagasikara, tao Anati-Rova. Mahaliana ny lalana voarakotra ao indrindra ho anao izay liana amin'ny tantaran'i Madagasikara. Napetraky ny namana Japoney HIDEO FUKAZAWA ao amin'ny webpage-ny ka azonao tsidihina ato ary ny ao anatin'ilay boky manantantara io.

Indro aroso anao eto ny sombitsombiny tamin'ny Lalana manankery tamin'ny Tany sy ny Fanjakana tamin'izany Fotoana izany.

"NY HELOKA 12 LOHA MAHAFATY SY MAHALANY FANANANA NA LAHY NA VAVY

Lalana 1

Ny manao ody ratsy hamonoana Andriana.
Ny mandrendrim-bahoaka hikomy.
Ny miray tetika amy ny mikomy hikomy.
My mamporisi-bahoaka hikomy.
Ny mamoky ny hendry sy mamono fo ny adala hikomy.
Ny hanangana andrian-kafa himomy.
Ny hanaratsy Fanjakana hikomy.
Ny mihevitra hamono olona hikomy.
Ny manani-dRova hikomy.
Ny manao lefom-pohy hikomy.
Ny azon-tambim-bola aman-karena hikomy.
Ny mamona olona mahafaty olona.

Izao no heloka 12 loha mahafaty, ka na iza na iza mandita izao, na dia ny iray amin’izao aza, dia vonoina ho faty, ary ny fananany retar, na natolony an’iza na natolony an’iza, dia laniana."

--- o ---

"NY FIANDRIANAN'NY MPANJAKA

Lalana 7

Raha misy olona tsy manaja ny fiandrianan'ny Mpanjaka, dia mandoa a. 20 vidin-doha sy vola a.30 tovotr'Andriana; ka raha tsy mahaloa dia atao gadralava 5 taona"

--- o ---

"NY LALANA AMY NY TOAKA

Lalana 304

Raha misy mamo toaka ao anatin'izao faritra izao [ndlr. faritra voalaza ao amin'ny Lalana 302] dia saziana omby 7 sy a. 7; ka raha tsy mahaloa sazy dia atao an-tranomaizina ankevitry ny sikajy isan-andro mandrampahatapitry ny ankevitry ny saziny."

--- o ---

Mazamazana ihany angamba ny fiainan-dry Dorien sy ry Voninahitsy, ny SECES, ny SPDUN, ny RFN ary ny CRN, raha mbola manankery izany lalana izany amin'izao fotoana izao an!

Asa raha mba nitokona nangataka ny fanesorana an'i Andriamananizao tsy ho Minisitry ny Sekoly koa ny fivondronan'ny mpianatra na mpampianatra tamin'izany.

Fa tsy izay, ry Ambanilanitra?

Randza ZANAMIHOATRA: MALAGASY MANKANY ...

2005-04-26T22:11:00.000+03:00

Mivenjivenjy kely eny anabakabaky ny kanto sy ny soa eny dia mahita itony tononkalo tsy tontan'ny ela itony. Efa tranainy ihany, kanefa mbola kanto koa raha kanto e! Mba misy ho saintsainina kely aloha ....

MALAGASY MANKANY ...

Randza ZANAMIHOATRA
(24 MEY 1925 - 11 JOLAY 1997)

Eny, ho’aho, Ramalagasy ! Malagasy be fivoarana !
Tsara haingo, tsara vatsy, tsara sampy, tsara anarana !
Izato fihetsiketsikao e, izato fomba amam-piteny !
Ianao no tena malagasy fa tsy ireny Ntaolo ireny !

Satrinay hitsinjo ihany izato ianao mirehareha :
Borizanom-pandrosoana miedinedina fandeha
Soa, manko, nitanila ilay Rafotsibe nidraiko
Ka nanajanaja hoe : "mandehana, sombinaiko" !

Soa fa niato kely koa Rangahy antitra efa goga,
Ilay nisatroka ahibano sy nitafy lamba soga
Izay nivimbina entan-kely---toa tsy zakany sahady
Ka nihoaranao malaky tsy nanaovana aza fady !

Taitra ihany Ingahibe nahita anao nivatravatra
Ka nitraka moramora, nefa dia namihin-tratra ...
Eny, hoy izy velon-tsento : mafy izany ka tsy toha ...
Saingy ho aiza moa ny tena, izao no gasy tafafoha ! ...

Tafatombina Rangahy, zary lasa kaodikaody :
Iny koa niserana azy, tovovavy be lamaody,
Irony ilay mitetin-doko sy mibory volo irony
Sady tsy mitafy lamba, tsy miteny gasy intsony !

Dia indreny koa nandalo, niara-dia nifampitantana :
Ankizilahy sy ankizivavy, amin’ny tena fisandratrana,
Miova tsy mpivady mihitsy amin’izato fombafombany ...
Kanjo dia tsy izany loatra, raha natao ny tombatombany.

Nantenain’Ingahibe fa mba hanaja ireto zaza
Nefa loza no nataony fa nifampikitika aza,
Dia nifampikimokimo ..., ‘ndeha hiserana, handika ...
Ingahibe no niarahaba ireto zana-kavantsika !

Eny, ho’aho, Ramalagasy ! Malagasy be fivoarana !
Tsara haingo, tsara vatsy, tsara sampy, tsara anarana !
Tsy hanozona ny Ntaolo n’inona n’inona natao
Saingy masina ny sata izay voahitsakitsakao

----o----

Tsisy daba? Mitaingena Taxi-be e!

2005-04-22T18:55:00.000+03:00

Rehefa mba mandalo eto Iarivo ianareo any andafy any ka tsy misy daba, na tsy te haka pikla, na koa mitsitsy ranokisoa, dia mba andramo ihany fa mahafinaritra be anie ny mitaingina Taxi-Be e! Jonobotry na Papango hoy ry lerony efa soarasoara. Eny ambony papango eny anie no tena ahenoana resaka sy tantara mahaliana e! Sady mifampitakisikisina tsara (indrindra raha sendra viavy milay eo akaiky eo) Hafa noho ny taingimbe an'ny Icarus tamin'ny andron'ny FIBATA, FIMA, ary ANTAFITA aloha an!

Sady io no vaha-olan'ny trafic-jam lavareny eto e! Farafa-alikamatiny aloha mandra-piandry an'ilay "Tramway nommE Bekiraro" nafaran-dRamiaramanana avy any amin'ny Forchbahn.

Ka hahamora ny dianao ary dia ireto ny zotra isankarazany vitsivitsy mety azonao alaina eto amin'ny boriborintany faharoa (tsy fantatra intsony aloha ny boriborintany na firaisana, fa ilay etsy Ambanidia ny siege-ny e!).

Ny zotra nomerao 15 dia miainga eny Mandroseza ka mankeny 67 ha
Ny zotra nomerao 112 dia miainga eny Mahazoarivo ka mankeny Antanimena
Ny zotra HOMI-KOMI-M dia miainga eny Alasora/Ambohimanambola ka mankeny Antanimena
Ny zotra nomerao 113 dia miainga eny Mahazoarivo ka mankeny Analakely
Ny zotra nomerao 104 koa dia miainga eny Mahazoarivo ka mankeny Analakely
Ny zotra nomerao 116 dia miainga eny Mandroseza ka mankeny Ambohijatovo
Ny zotra nomerao 192 dia miainga eny Mandroseza ka mankeny Ambohitrarahaba
Ny zotra nomerao 116 dia miainga eny Mandroseza ka mankeny Anosy
Ny zotra nomerao 17 dia miainga eny Ambohipo ka mankeny Mahamasina
Ny zotra nomerao 129 dia miainga eny Ambohipo ka mankeny Soarano
Ny zotra nomerao 164 dia miainga eny Ambohipo ka mankeny Soarano
Ny zotra nomerao 156 dia miainga eny Ambohipo ka mankeny 67 ha
Ny zotra nomerao 182 dia miainga eny Ambohipo ka mankeny Ambohijatovo
Ny zotra nomerao 106 dia miainga ery amin-dRah-ckiki taloha eny Soavimasoandro ka mankeny Anosibe

Ny zotra eto amin'ny firaisana faharoa ihany ireo (Fa eto moa no misy anay) fa raha ho any Ambatobe ianao hijery ny LyFr dia 183 avy etsy Anosy alaina, na 161 ery Ambodifilao. (kanefa ve ianao hankey amin'ny Lyfr dia tsy hahita vam e?)

Raha hamangy sipa eny Andranomena moa dia 194 miainga ery amin'ny Mausolee no raisina.

Raha mba mandeha Taxi-be moa ny ankamaroan'ny olona eto, dia angamba mety hiena ihany anie ny tohamboivoy (embotaiazy e!) sy ny setroka polution eto Vohitsara!

Mitaingena finaritra ary e!

... tsisy irika mihitsy ahitana an-dRabenoit ....

2005-04-20T08:50:00.000+03:00

"Annuntio vobis gaudium magnum. Habemus Papam..., Joseph RATZINGER, qui sibi nomen imposuit Ioannem BENOIT XVI"

Dia voafidy soa amantsara izany ilay ho lehiben'ny Fiangonana Katolika Romana-- Benoit 16 no anarana hisalorany. Benedict XVI hoy ny firenena sasany. Vetivety ihany dia tojo ny marimaritra iraisana satria iray andro sy tapany monja izy 115 mirahalahy mianaka no nisandobo-pivoriana tao dia nipololotra toy ny tsy ho tana ilay setroka fotsy ....

Raha natao ny kajy dia "troisieme tour de vita" iny indray mitoraka iny. Tsy nisy nangataka confrontation des PVs sy ny sisa fa samy nanaiky ny valimpifidianana izy samy matanjaka.

Tandra I (???)

Rainiboto izany no nisolo polonE. Tsorina aminareo aloha fa ny mpanompolahinareo ito dia mba anisan'ny nanantena fa ho "Tandra 1er" no hivoaka ho mpandresy e! Tsy iza moa izany fa ilay dimbaka avy eny Ambohimalaza e! [Tamin'ny 1978 koa izahay dia niandrandra an'i Tratra 1er, ilay dimbaka avy eny Ambanitsilena] Kanefa moa i Benoit XVI no lanin'izy 115 be sy ny maro tamin'ito indray mandeha ito, ka dia arahaba soa arahaba tsara. Mahaleova Raiamandreny, mahalasana Tompokolahy fa goavana ny adidy ho sahanina.

p.s. raha mijery eto [http://www.fiu.edu/~mirandas/gallery-r.htm] ianareo dia iza no anarana ao aorian'i Ratzinger [ilay dimbaka avy any Marktl, Rainiboto]?

Faran'ny volana milamindamina eto Madagasikara

2005-03-29T20:10:00.001+03:00

Nahato kely mandritry ny andro maromaro aloha ny asa famokarana sy fampandrosoana teto Madagasikara amin’izao faraparan’ny volana Martsa 2005 izao noho ny antony ara-pandaharam-potoana samihafa isankarazany:

Zoma 25: Noravana aloha ny mpiasa fa mbola hamonjy fiangonana Zoma Masina ny ankamaroany. Niomana ho amin’ilay zava-dehibe niseho tao Gethsemani e!

Asabotsy 26: Nilamindamina kely sy naka souffle aloha fa Asabotsy ny andro. Nitsangatsangana teny Imeritsiatosika.

Alahady 27: Andro Paska angaha moa azo hiasana fa dia Ambatofotsy Gara no tanjonay androany e! Dia avy teo nihinana cuisses de nymphes teny Ambatolampy (Au Rendez-Vous Des Pecheurs).

Alatsinainy 28: Lundi de paques! Antsirabe, Grand Fond d’Ambila Lemaitso, Manambato, Grand Fond de Mantasoa, Ampefy … Maka rivotra madio niaraka tamin'ny ankizy.

Talata 29 : Sivy ambi-roapolo Martsa natao ho fahatsiarovana ny Maherifo Malagasy nitolona tamin’ny Fito ambi-efapolo. Mandria ampiadanana e! Nody aloha avy tany Ambila Lemaitso fa nisy fampitandremana momba ny Tsunami tamin'ny radio sy ny fahitalavitra. Mety hisamonta sy hanonga hono ny ranomasina. Nitsidika kely an'Andasibe sy nikaly riz cantonais tao amin'ny Emeraude Hotel tao Moramanga teny andalana fodiana. Hariva vao tody teto Vohitsara.

Alarobia 30 : Hiverina hanohy ny grevy aloha izahay … hitaky ny zo-nay.

Any amin’ny Alakamisy 31 any mihitsy vao hiverina hiasa raha mahazo valiny mahafa-po ny fangatahanay! Raha tsy izany dia mitohy ny grevy, ka asa rahoviana vao hiverina hiasa. Raha ny fijeriko azy dia mety ho any amin'ny volana Aprily any mihitsy vao hiverina hiasa.

Fa resaka hafa mbola hiverenako ny amin'iny. Izay fa 'bonne continuation' daholo aloha e!

Joséphine RANIRINA: NY OMBIN-TSARETY SY NY OLONA

2005-03-26T04:47:00.000+03:00

Amin'izao ankatoky ny fitsingerenan'ny 29 Martsa 1947 izao dia mbola misy ihany ny tsindrihazolena! Mbola voahitsakitsaka ihany ny zon'ny sarambabem-bahoaka! Mbola misy ihany ny tsy rariny!

Indro misy tononkalo izay nianarantsika tany an-tsekoly (nosokirina avy tato), nadinina anay tamin'nyBEPC/CFEPCES, izay tsara averina vakiana ihany indraindray. Hisy ho sainintsainina.

Mitohy ny tolona e!

NY OMBIN-TSARETY SY NY OLONA
(Joséphine RANIRINA)

OMBIN-TSARETY:
Aoka aloha re Tompoko, mba haka aina kely,

Ny entana manindry tsy hita velively,

Tsy araky ny aina fa tsy hoe hakamoana,

Ny vozona marary, ny kibo tena noana

OLONA:
Efa omby tsy manjary ilay baka ratsy ity,

Izay entan-kely io no mba entina ka mi...

Tadiavin’ialahy ho very foana angaha

Ny vilona omaly nalaina tany an-tsaha...?

OMBIN-TSARETY:
Tadidiko iny Tompoko na dia tsy betsaka aza,

Ny voky kosa anefa tsy haiko ny milaza,

Satria izahay roalahy no niaraka namely

Ka izay anjaran-drery tsy ampy velively,

Ny alina aza mantsy ka saika tsy maraina,

Nihempahempa ery fa reraka ny aina.

Androany izao dia vao mangiran-dratsy

No niala an-tanàna, kanefa izay mba vatsy:

Mololo kely foana, mafika sady maina

Ny andro ‘nefa ity mangotraka migaina

OLONA:
Ny hakamoan’ialahy ka « reraka aho reraka »

Lemanja ‘nefa iry mihoitra sy manezaka

Mibaribary izao fa ialahy no tena kary,

Mianatra mamaly sy manabe kabary.

OMBIN-TSARETY:
Raha ny hamaly anao dia sanatria izany

Satria ny aiko mantsy dia mbola tiako ihany,

Lemanja io anie ka torovana tokoa

Saingy tsy sahy mamoaka ny ao am-pony;

Matahotra izy mantsy fa sao miampy indray

Ny fanapahan-drambo sy kapoka mavay.

OLONA:
Mameleza mafy raha tsy mamaly ary

Fa sao ialahy mahazo ny tena maharary;

Isan’andro izao na voky ialahy na noana

Dia tsy manan-tsaina afa-tsy mitokom-poana

OMBIN-TSARETY:
Tsy fidiny mihitsy ny hoe mba hitokona

Fa ny aina manontolo no efa tena ankona;

Manezaka kanefa izao no fara-hery,

Ny rariny sisa andrasana hijery

OLONA:
Raha ny rariny leity no tian’ialahy lazaina

Dia tokana ihany : miasà tsy malaina,

Tsy mamono antoka ny olona tompoina

Sy tsy mamalivaly rehefa mba baikona

Miezaka malady sy mba mivikiviky :

Izay no tena rariny fa... « adiroaty tiky ».

OMBIN-TSARETY:
Izany rehetra izany dia arakay daholo

Feonao fotsiny aza dia mampitsangam-bolo

Ny fatiantokao dia tsy misy akory re

Ny tombom-barotra aza no manana amby be

Satria raha mahazo ariary roa izahay

Dia zara raha voatsipy mololon-dasiray.

OLONA:
Mihevitra an’ialahy ho inona ialahy ?

No mba miana-kendry sy efa miha-sahy

Tsarovy tsara anie fa volako no niala

Nividianako an’ialahy fony mbola ankoala;

Tsy moramora koa ny namolaka an’ialahy

Impiry akory ialahy no nitady hanoto ahy ?

OMBIN-TSARETY:
Tsy laviko tokoa raha ny zavatra fahiny,

Kanefa tamin’izany nataoko fa tsy tsiny

Satria mantsy mafy ilay tena fahafahana,

Ka nikarokaroka izay làlan-kitsoahana,

Nefa tsy nahita ka fara-hery nety

Hivesatra ny zioga, hitarika sarety.

OLONA:
Tena hitako izao fa mendrika an’ialahy

Ny hamidy indray amin’olona mpamahy,

Ts’izy intsony mantsy ka tokony ho hena

Tetehina rasaina, amidy eny an-tsena.

OMBIN-TSARETY:
Efa resy mantsy ka dia miomana hijaly

Mangotsoka any foana tsy afaka mamaly;

Nony mitaraina fa misy mba tsy toha,

Lazaina ho maditra sy efa mafy loha

Ny rariny anefa dia ela aoka izany

Ka ny aina kely ity ho ritra ambony ihany.

Joséphine RANIRINA

Teny Malagasy nindramin'ny vahiny

2005-03-24T22:05:00.000+03:00

Eto ianao liana amin'ny politika raha te hizaha ny antoko politika mitonontena ho eny ankavanan'ny ampovoany. [http://www.broadleft.org/mg.htm]

Fa resaka hafa mihitsy no tiana resahina anio. Amin'izao fotoana malaza ho fanandratana ny teny Malagasy izao dia mamela ahy ianareo raha hitoraka bilao-g kely momba ny tanjak'io tenindrazantsika io aho.

Efa ela aloha no tsikaritra fa betsaka amin'ny ny teny malagasy fampiasa andavanandro no nindramintsika tamin'ny teny vahiny--latabatra, sekoly, seza, penina, paoma, paiso .... Fa ny tsy dia fantatry ny be sy ny maro, dia betsaka ihany koa ny teny malagasy no nindramin'ny vahiny. Nanano fanadihadiana tsotsotra momba an'io ary ny havanareo ka nahaliana tokoa ny zavatra hitany.

Jereo ange ireto ohatra vitsivitsy ireto e!

Rehefa misy zavatra mahafinaritra antsika ka tsiantsika ho azo, dia ho isika hoe "alaiko ito" na hoe "alaiko io." Dia nindramin’ny vazaha angilisy io fiteny io ka hoy izy hoe “I like it” na "I like you."

Raha misy zavatra goavana dia hoy isika hoe "komany be." Dia hoy ny tsotsoka hoe "comme un boeuf."

Rehefa misakafo isika dia mifampirary soa hoe "mazotoa", ka rehefa mazoto homana tokoa dia laniana daholo ny eo ambony lovia. Dia re sy hitan'ny tsotsoka io dia hoy izy hoe "mange tout" na hoe lanio daholo.

Ny fitenintsika hoe “kodiarana” dia nindramin’ny vazaha angilisy ka hoy izy hoe “GoodYear.”

Raha misy fitaovana simba, ka tsy misy azo ampiasana azy intsony, dia kivikivy isika ka miteny hoe “io izy leisy e!” Dia nindramin’ny vazaha angilisy io fiteny io ka hoy izy hoe “useless.”

Raha misy ronono simba (nivadika) dia hoy isika hoe efa “tsy izy e!” Dia nindramin’ny vazaha angilisy io fiteny io ka hoy izy hoe “cheese.”

Mirediredy indray i Rabelazao izany! Lany morsa e!

Mitranga mihemotra toa lelon-ZAZA ...

2005-03-19T18:28:00.000+03:00

Taiza no ela ka no tsy hita ho'a!? Inona no malaza ry tovarishch isany an!

Na dia "Amin'ny Anaran'ny Tolona" aza no fiantsoanay an'itony sehatra fanaovana valamaty sy fitoratorahana bilao-G itony, dia aleo tsorina ety ampiandohana fa tsy mba nandray anjara tamin'ny tolom-bahoaka tamin'ny 1972 ny havanareo, tsy nitokona tamin'ny fitokonana tamin'ny 1992 ary tsy mba hitanareo nanapoaka ny sarom-bilany teny amin'ny Kianjan'ny 13 Mey tamin'ny 2002. Tsy nifidy an-dRatsiraka aho tamin'ny 1976, tsy nifidy an'i Zafy aho tamin'ny 1993, ary tsy nifidy an-dRavalomanana aho tamin'ny 2002. Na izany ary dia manaraka akaiky ny fizotry ny raharaham-pirenena eto ny havanareo.

Anisan'ny zava-nitranga tao anatin'ny herinandro roa farany ireny ary ny fanesorana ny Sefo de Reziao hita fa tsy hanino-tsy haninona. Asa aloha izay masontsivana (kritera, hoy angamba ianareo) nampiasana tamin'izany fanampahankevitra hentitra izany. Fa ohatry ny mba nahavelombolo ahy ny fahasahian-dRavalomanana. Tsy ankitsitsy izany fa efa alohalika (raha tsy efa handifotra) ny ranombary ... Mba hampirisika izay sefo de reziao sisa tavela mba hiasa mafy fa tsy hanao kinanga kosa angamba iny trangandjavatra iny. Izay tsy hamokatra dia esorina hanaovan'ny hafa e! Amin'ny Anaran'ny Tolona ho'a!

Anisan'ny zava-nitranga koa ny fanesorana an'ny Praiminisitra Lefitra Zaza Ramandimbiarison. Raha ny filazan'ny gazety sy ny fijerin' ny olona mahafantatra aloha dia toa toa "mba nahavita ihany" io rangahy io. Resaka lalana moa no tena hitan'ny olona. Ka maro ny gaga hoe fa nahoana ileiry no nipitika. Tsy voalaza aloha izay antony mazava ka samy mba manao vinavina ny taritary mpiara-manao belazao. Ao ny milaza fa manana fikasana hilatsaka ho fidiana ho filoha ileiry amin'ny 2007 ka manirikiry an'i 8. Ao ny milaza fa nandrebireby an'i Sylla ileiry fa nisalovalovana ny anjara-masoandrony. Ao ny milaza fa tsy nifankahazo tamin'ny Davida Rajaon lehibe an'ny FID izy ka nampikatso ny fandehanjavatra izany. Ao ny milaza hoe 'Pour détourner l’attention' io. Sy ny sisa. Sy ny sisa ...

Ito ny ahy no mba conspiracy theory-ko. Teo alohaloha teo dia maro ny mpandinika no nilaza fa anisan'ny fepetra na 'conditionalites' an'ny filohan'ny Banky Iraisampirenena tamin'i Ravalo no nampidirana an'io teknisianina avo lenta (izay niasa tao amin'ny BM) io tao amin'ny Governemanta. Izao dia heno fa ho soloina an'i Paul Wolfowitz (wiki) i James D. Wolfensohn filohan'io fikambanana mpamatsy vola iraisampirenena io. Ka hiova andriana izany ny Banky Mondialina dia mihamaivana ilay fepetra, ka mety azo tsohaina amin'izay i Zaza Ramandimbiarison--tsy ho eo intsony hono mantsy ilay mpiaro azy.

Ahoana indray isika amin'izay conspiracy theory-ko izay? Mba resadresaky ny mpanao valamaty ny ahy e! Mino ahy fa efa misy stratejia maty paika ao ambadika ao! Amin'ny Anaran'ny Tolona ho'a!

Sary: TANTELY MANAIKITRA

2005-03-12T04:25:00.000+03:00

Betsabetsaka ihany ny voivoy [io angamba no azo andikana ny hoe 'traffic'] teto amin'ito toeram-pitorahana Bilao-g sy fanaovana resaka valamaty ity tao anatin'ny roa na telo herinandro angamba izay.

Ny akamaroanareo tonga eto dia avy amin'ny tondro-takilan'i Google na MSN mitady resaka momba an'ilay film misy an'i Tantely "milalao fitia." Film Naitra e! Tena nitombo betsaka mihitsy ry ireto ny olona mikaroka izao sarimihetsika malaza izao.

Asa mihitsy fa toa areti-mifindra angamba ilay 'voyeurisme electronique' ka betsaka ny mizaha. Kanefa rehefa resahina tsirairay isika mianankavy dia maika ery miteny hoe "izaho aloha tsy mba hijery an'izany 'filma mamohafady' (sic) izany e"! Fa rehefa irery eo alohan'ny ordi izany dia mangidihidy ihany kosa angamba ny tanana--am-bava tsy tia, fa am-po taralila e!

Raha ao anatin'izany sarangan'olona izany ianao IO mijirika IO, ka naterin'i Google tety atokonambaravaran'ny Amin'ny Anaran'ny Tolona, dia ialako tsiny ialako fondro fa mety tsy afaka hanome fahafampo anao tanteraka amin'ny hetahetanao loatra aho. Kanefa mba hanala kely ny hetaheta, mba hahamandimandina ny tenda, mba anaotra kely ilay hidihidy dia indro misy sarina TANTELY MANAO ...

¿Dónde está el ultraje?

2005-03-09T11:22:00.000+03:00

Raha nitetitety ny forum sy ny sehatra firesahana isan-karazany aho dia nahatsikaritra fa hafahafa mihitsy ny laharam-pahamehan'ny Malagasy eo amin'ny taranja fimenomenomana sy ny fifanenjehana.

[1] Navoakan'ny sipan'ny Beran'i Bira taloha ny video misy azy mitsam mandamoro. Reactions? Lynchage mediatique (na electronique moa izany) tsy hita velively fa tena be dia ve ny resaka ("aiza ho'a izany film izany?", "tantarao" ...) sy ny fanenjehana ("mba miss ihany ve dia min_no", "efa daba loaka iny", "te ho vedety iny"), ary ny latsalatsa ("tsara ho azy izay", "sendra ny bandy nahay azy izy", "DG ihany no iarahan'iny" ...).

Tsapako fa betsaka no faly hanenjika azy ary maro no faly amin'ny fahavoazany.

[2] Nisy nanao kinanga tamin'ny fivarotana tapakila tamin'ny lalao kitra USJF Ravinala sy Kaiser Chiefs tamin'ny Alahady teo. Betsaka noho ny seza misy ny isan'ny tapakila novarotana. Raikitra ny fifanjevoana-- MATY NY TOVOLAHY ANAKIROA [Edson, 14 taona sy Tovoniaina, 13 taona]! Betsaka ny naratra. Reactions amin'ny forums? ZERO. Reactions eto Madagasikara? Kely dia kely, ny mpitarika ny ekipa Kaiser Chiefs indray no mba nandeha nanatitra voninkazo teny Mahamasina ho fahatsiarovana ireo namoy ny ainy fa ny Malagasy tsy dia henoheno.

Aiza ny tompon-andraikitra tamin'iny gidragidra iny no tsy mba natao lynchage electronique toy ny nanaovana an'ilay sipa voafitakin'ny sipany?

Dia gaga aho e! Where the hell is the outrage? Kanefa anie raha ny hery sy ny fotoana ampiasaintsika hifanenjehana sy laniantsika hifamelezana, dia toa be dia be dia be tokoa e ...

Dia tena tsy maintsy misy mandondrana foana ve fa tsy mba manara-penitra mihitsy? Sady amin'izay ny USJF Ravinala mbola resy 1 sy 0 ihany! Afaka tapabolana indray ny lalao famerenana any amin'ny Olympia Stadium ao Rustenburg.

ps. "mpitarika ny Kaiser Chiefs" -- sady mpitarika no kaiser no chiefs ... a real leader!

Raokandro sy sampy ary tambavy

2005-03-07T15:45:00.000+03:00

Raha nanaraka akaiky ny vaovao eto amin'ny 67 HA ianao dia nahare fa sarona tamin'iny herinandro iny ry Andriamanalina Betsileo, Andriamisara, Beralavavolo, ary Nenibevola. Tsy dia olona loatra ireo fa karazam-panafody voatahiry anaty tavoahangy kely maro samihafa sy tandrokomby. Ody gady fisafo sy fisotron'ireo mpanendaka sy ireo jiolahy ety amin'ny faritr'i 67 Ha Atsimo [faritra AFA sy FMAI] sy Andohatapenaka alohan' ny hanaovany operation(vaky trano, fanendahana, na sinto-mahery). Mbola tena mirona betsaka amin'ny odi-gasy ho'a ny tontakely gasy an! Mitazona ny maha-gasy e!

Ny sarambabem-bahoaka koa dia tsy very anjara amin'izany fa tena mbola betsaka ny mampiasa Raokandro sy fanafody nentim-paharazana. Ny EFERALGAN, GANIDAN, sy ny VITASCORBOL koa moa lafo rahateo--tsy zakan'ny tsena. Na ody fitia, fanainga lavitra io na ody ramaka, na ody may, na ody sery, na ody tazo ... Eny fa na ny milaza azy ho mpivavaka Kristiana aza manao ody gasy rehefa avy manao katekomenina. Mitazona ny maha-gasy e!

Hisy hilaza ianareo fa tsy mitovy ny raokandro sy ny sampy. Mety marina ihany izany--iniako afangaro izy eto. Fa eo indrindra isika izao--ny iray fanafody nentimpaharazana, ny iray ody nentimpaharazana. Ka ireto ary misy Raokandro vitsivitsy, fikafika kely nentimpaharazana, notsongolohana tao amin'ny bokin'ilay Zezoita Andre Descheemaeker, s.j. antsoina hoe Ravi-maitso.

MALEMY LAHY

-Trina (fakany) + Jijilohakandro (bibikely anatin'ny tahalaka) + Fataka + Sakamalao = Kosehina manta dia hanina bebe ihany isa-maraina be, dia ahosotra ny maha-lehilahy amin'ny tolakandro.
- Trina + Sakamalao = Asaina ny Tahony, ronoina, sotroina kaopy 1 sy ahosotra ny maha-lehilahy amin'ny tolakandro.

MANDOA ANATIN'NY AOTOMOBILINA

- Goavy = Tsakoina ny Raviny malemy, alohan'ny handeha sy eny an-dalana.
- Solila = Tahaka izany koa.

MAIMBO ANDRO = Fofona ambany helika, sns.

- Tsileondroaho + Ahibalala = Kosehina sy ahosotra amin'izany misy izany fofona izany.

MANGIDIHIDY

Raha avy amin'ny Farasisa: Hazomafaika = Tenehina dia anasana ny fery ary androana.
Raha avy amin'ny Sakafo tsy levon'ny Vavony: Kasimba + Vololon'Akondro + Tsifady = Totoina dia sasana ny tena, maraina sy hariva.

HAMAMOANA

- Hosorana solitany (petrole) ny orony.
- Ramatsatso (aga) = Fiazana ny raviny dia sotroina ny ranony.
- Mba tsy ho mamo alohan'ny isotroana: asiana Raviny ny Vodihy, na misotro kafe nasiana sira.
- Raha rendrika loatra: Tsiperifery = Tenehina dia sotroina.
- Delirium Tremens: Sakaifantsinakoho = Totoina ho vovoka dia sotroina isaky ny adiny roa.

SERY

- Ranomena = Atete tsikelikely eo ambony Angady mondro natono, dia ievohana nefa akimpio ny masonao.
- Ravina ranendo= Kosehina ny raviny dia trohina mafy.
- Miakana - Fiazana ny raviny dia sotroina eran'ny kaopy indray mandeha isan'andro.

Bee's Corner: Indray mandeha ve leitsy ny sipa no kobon'ialahy mankafy lalao-fitia, dia avy hatrany dia ampangain'ialahy fa daba loaka!

The Big Race: Tomobilina kely ...

2005-03-02T23:21:00.001+03:00

Betsabetsaka ihany izany olona manao horonantsary na any Madagasikara na momba an'i Madagasikara izany tato ho ato an! Azo lazaina mihitsy fa tena taona zina ho an'ny sarimihetsika mihitsy ito taona 2005 ito ho an'i Madagasikara [eny fa na ny tsy fampiseho masoandro aza mivoaka]. Meva anie ito Nosindrazantsika ito e! Asakasakareo izay tsy manina aloha fa raha izaho ianareo dia tongava mody fa aza dia variana eo ambodin'ny ordinatera eo fotsiny e!

Asa ianao io mijirika ny toraka bilao-G-ndRabelazao io na mankafy an'irony horonantsary fohy (na "shorts") irony. Anisan'ny zavatra fijeriko ireny ary nisy anakiray ity izay nataon'i Phil Aupperle sy Liz Do. Sinema kely mitantara ny kilalaon'i Tulch sy i Noel, boay kely ao Bira (Antsirabe re e!) ao. Milay be na dia fohy aza. Tena mampahatsiaro ny fahazazana e!

Raha any Parisy ianao dia mba vonjeo ao amin'ny Max Linder (ilay ao amin'ny 24, bd Poissonniere, eny amin'ny 9eme e!) leitsy ry Bekoto sy ry Dadah amin'ny 8 Martsa amin'ny valo hariva, fa ho ao ry lerony hanotrona ny famoahana ny horonantsary nataon'i Rajaonarivelo momba ny tarika Mahaleo. Dia teneno i Bekoto hoe "Masaka ny paiso rakena, mirehitra ny hazo mivoara mena, ao ambadiky ny labatoara, tonga ireo ankizy hangalatra ..."

Bee's Corner: Samy ankizin'i Bira na ry Mahaleo na i Bee na i Tulch na i Noel!

Madag-OSCARS 2005

2005-02-28T11:21:00.000+03:00

Nozaraina omaly tetsy ambaninay tao amin'ny Kodak Theatre eto Los Angeles ny Academy Awards faha-fito amby fitopolo. Tao no nibitaka ary tao koa no diso fanantenana. Nandresy tamin'ny taranja maro ny ezak'i Clint Eastwood [wiki] Million Dollar Baby.

Raha tsy mbola hitanao dia ireto aza no nahazo Oscars 2005:

Best picture- "Million Dollar Baby"
Best actor- Jamie Foxx, "Ray"
Best actress- Hilary Swank, "Million Dollar Baby"
Best supporting actor- Morgan Freeman, "Million Dollar Baby"
Best supporting actress- Cate Blanchett, "The Aviator"
Best director- Clint Eastwood, "Million Dollar Baby"

Mba nikarokaroka ny momban'ny Sinema (VCD moa raha ny marimarina kokoa) Malagasy ny mpanomponareo tato ho ato. Mbola lavitra ny ezaka, ary mankadiry ny asa manoloana kanefa hita fa milofo ary mikasa ny hivoatra ny Sineasta na ny Videasta Malagasy. Ireto ary no heverinay fa niavaka manokana teo amin'ny sehatry ny Sinema Malagasy tamin'iny taona lasa iny--andao antsoina hoe Madag-OSCARS 2005:

Best picture- "Rantsana Dimy" with Ndondolah & Tahiry,AVOKO PRODUCTION
Best actor - Kaliba, "Rainivoanjo" of Avoko, XGRAPH PRODUCTION
Best actress-Tantely Ramonjy, "Hery Inona ?" of Akomba Mazoto, LIGHT PRODUCTION
Best supporting actor-Noëly Sakelidalana, "Tsimbadika 00" by Avoko, AVOKO PRODUCTION
Best supporting actress-Dannie, "Dobla Fasy" by GothLieb, LIGHT PRODUCTION
Best director-Florentin Randrianasoavina, "Saina Sa Sandry II," KAMBANA PRODUCTION

Bee's Corner: Manja ny Beran'i Bira an!

Efa kely sisa dia 2007 e!

2005-02-26T17:36:00.000+03:00

Mafanafana ratsy izany ny resaka polifika eto an-tanana izao (e.g., grevy, grenady, VCD, fivoriana etsy, fivoriana eroa ...) ka aza tsiniana aho raha mitoraka Bilao-g kely momba an'io.

Raha ny fahalalako azy dia afaka roa taona 2007 ny fifidianana filohampirenena manaraka. Efa betsaka ny miomankomana amin'izany eny fa na ry lerony any andafin'ny riaka any aza. Asa aloha raha mbola valide ny billet-retour fa efa elaela ihany izany nialana tany Madagasikara izay. Kanefa raha ny fijerin'ny mpanara-baovao dia mety ho "duel" eo amin'izy mirahalahy mianaka ireto no hitranga:

Dia hifampitady eo izany fa samy babany ireo! Samy kala be ihany koa! Ny fanantenana dia mba hizotra amin'ny laoniny ny fifidianana ary mba samy hahay hanaiky izay vokany eo! Raha izaho manokana aloha dia tsorina fa tena mbola tsy tapa-kevitra fa mbola "miandry appel" fotsiny hahafantarako na hampiakatra 'piques' aho na hampiakatra 'sans A' na hi-'contre' ankitsirano izao, na hanao 'bonne' tsotra fotsiny. Dia efa miandrandra sahady ny famelabelaran-kevitra sy ny propagandy ho avy e!

Fa ny somary mahagaga ahy ihany ny mpanao politika eto amin'ny tanana e! Efa fantatra izao fa afaka roa taona dia hisy ny fifidianana. Fantatra koa afa amin'ny fifidianana dia manantombo izay be vola. Dia mbola ireny ihany ry lerony mandanindany vola, mandany hery, mandany fotoana hanangonantsonia hanaovana an'izao fivoriam-bem-pirenena izao ... Rehefa tsy azoazony ny fitondran-dRavalomanana dia tokony tahiriziny daholo izany rehetra izany hanaovana campagne electorale milay be amin'ny 2007 hiandrasana an'i Ravalo amin'ny kendry tohana. Ary iza koa moa no mila resena lahatra lava eo fa aleo hivory izay te hivory e! Tsy tokony hisy hanakana anie e!

Resaka hafa koa: Hitako tamin'ny Les Nouvelles i Vaovao Benjamin (tsy fanahy iniana ilay jeu de mots kely) nitaky ny fananganana Fitondrana Tetezamita amin'ity taona 2005 ity. Dia mbola amin'izany ve isika? Rehefa tena tsy zakan'ny vavonin'ny vahoaka anie Ravalo dia ho alohany ihany afaka 2007 e! Dia tsy maintsy ho gidragidra foana ve ny famindram-pahefana eto Madagasikara? Mba mila fifamindram-pahefana mirindra sy milamina farafaharatsiny indray mandeha i Madagasikara vao tena azo antsoina hoe demokrasia.

Mba manara-penitra moa e! Eny fa noana ny kibo indraindray, kanefa hono ny kibo noana tsy mba mpanolotsaina azo atokisana. Tsy aleo ve miandry roa taona va mifampitady e!

Dia aza adino ilay Mahaleo MGC amin'ny 20 mars 2005 ao amin'ny New Morning an!

Plea: Avelao amin'izay kosa rangahy ny sipa manja an! Aza dia latsaina sy henjehina loatra fa henjana anie ilay mahazo azy e!

Riz au Naturel sy Mumm Cordon Rouge (1952)

2005-02-24T08:51:00.000+03:00

Resaka sakafo indray ity.

Tamin'ny Zoma 28 Okitaobra 1960 (vao tsy dimy volana akory no namerenan'i Lafrantsa tamin'i Madagasikara ny fahaleovantenany), nitsidika an'i Lafrantsa ny Filoha Malagasy Philibert TSIRANANA (no wiki), ka tamin'izany no nanasa ny Général de GAULLE (Président de la République Française sy Président de la Communauté - wiki) hiara-misakafo tao amin'ny Château de Champs (RER A Noisy-Champs na Noisiel). Ho an'izay tsy mahalala dia io lapa io no trano fivantanan'ny Filohampanjakana Tafrikana tamin'izany fotoanandro izany.

Izay dinidinika nifanaovana tao aloha dia tsy haiko fa ny sakafo naroso tao no indro aseho anao eto (norobaina tao amin'ny http://www.menustory.com/):

Mampilendalenda ery izany Timbale de Fruits de Mer sy Bar Braise au Champagne izany an!
Raha tsy fantatrao koa moa dia taona "grands millésime" (izany hoe taona niavaka manokana tamin'ny hatsaran'ny vokatra) ny taona 1952 ho an'ny Champagne Mumm Cordon Rouge. Classe koa anie i Dadabe Tsiranana iny e!

Ny anay moa dia Dzama Cuvee Noire ihany no fisotro hatramin'izao, fa tsy mbola zakan'ny tsena aloha izany Cordon Rouge -Cordon Rouge-nareo izany ...

mumblings and ramblings of a Malagasy girl ...

2005-02-22T14:22:00.000+03:00

Mikarokaroka eny anabakabaky ny Bilao-G eny dia mahita ny "mumblings and ramblings of a Malagasy girl" izay natombok'ikala SipaKV sakaiza mpiara-nitoraka teto amin'ny sehatra Valamaty teto ihany.

Dia ho hita eo ary izay Bilao-G ho atorak'ilay kalakely iny, amin'ity indray mitoraka ity. Izahay aloha tsy mbola nahita an'izany VCD Rainivoanjo resahiny izany, ary mbola tsy nahita an'izany Vidaka miteraka resabe eto Vohitsara izany koa e! Ilay Clip misy an'i Ndondolahy sy Tahiry iny izao no nalefan'ilay valilahiko taty amiko farany (merci Levaly an!).

Ilay Film Mahaleo izao no tena andrasanay ... (Ny ahy aloha dia Mahaleo, Lolo, Tselonina, ary Jeneraly ihany hatramin'izao no mameno ny IPOD Shuffle-ko e!)

Dia tretrika ny tena fa mitombo indray izany ny mpitoraka Bilao-G malagasy. Ka dia arahaba soa arahaba tsara e! Soa ho be vakiana rehefa monaminaina amin'ny asa e! Rarisoa no atolotra anao ry SipaKV: Hahavatra hi-bilaogy anie ianao, ho maro mpitsidika, ary mba ho-"ela fitoratorahana" anie, ho vinanginay sy ho vinakinay mpijirika sy ny mpitsidika ny sehatra fanaovana resabe toy itony! Fa moa tsy izany va ny faniriantsika mpitoraka bilao-g rehetra.

O Mandrosoa ry Mpanarato o!

2005-02-17T15:59:00.000+03:00

Mety efa betsaka ihany no nahatsikaritra an'ito zavatra resahiko eto ity, fa izaho manokana aloha dia izao vao nahatsikaritra azy: Ny Malagasy rehefa miresaka ny lasa [past] dia miteny hoe "taloha" na "tany aloha" [front]. Ary rehefa miresaka ny ho avy [future] indray izy dia milaza hoe "any aoriana" [back].

Azo alaina sary antsaina izany hoe mitodika any amin'ny lasa [backward looking hoy ny aty amin'ny Bekilaoty] ny Malagasy ka rehefa lazaina fa mandroso izy dia na [iray] manao dia-miamboho (manao marche arrière toa an'i Michael Jackson [wiki] manao moonwalk [wiki]) mankany amin'ny future na [roa] manao dia-miatrika miverina any amin'ny lasa na ny past...

Ny teny filamatry ny Repoblikan'i Madagasikara dia hoe "TANINDRAZANA-FAHAFAHANA-FANDROSOANA"--ka fandrosoana inona moa io resahintsika io? Sao dia ilay fandrosoana manao Michael Jackson kosa? Eo indrindra isika izao. Back to the future moa ilay sarimihetsik'i Michael J Fox [wiki] iry?

Ary rehefa any ampiangonana ny FJKM ka miantsa an'ilay hoe "O mandrosoa ry mpanaraton'i Jesoa ... Mandrosoa amin'ny lalindalina kokoa ...", inona tsara, araky ny hevitrao mpamaky io, no dikan'ilay "baiko azontsika"? Misitery izany, zanako.

Mandihiza Ra-Mig 21, hianaranay raha fararano ...

2005-02-15T17:59:00.000+03:00

Tsy ho ela sisa dia higadona indray ny fararano eto Madagasikara. Ka rehefa farafrano dia mitraka miandrandra ny abakabaka ny voaary manontolo. Dia inona no hitany? Fiaramanidina ...

Namakimaky an’ilay gazety-sary antsoina hoe Aviation Week & Space Technology (http://www.aviationnow.com/avnow/), ny havanareo, dia mba nahita ilay lahatsoratra momba ny “World Military Aircraft Inventory 2005.” Ka ireto hono ny fiaramanidina eo ampelatanan’ny Tafika Anabakabaka Malagasy (Malagasy Air Force) sy ny isany:

Antonov An-26 (Efatra)
Mikoyan MiG-17F (Efatra)
Piper PA-23 (Iray)
Reims F172M (Efatra)
Reims F337 (Roa)
Yakovlev Yak-40 (Roa)

Eto koa misy lisitra hafa. Tsy mba hitahita matetika loatra moa ireo (soa ihany!) fa rehefa fetin'ny 26 Jona ihany vao mba re miraondraona mitandroka amin'ny habakabak'Iarivo. Ary angaha tsy ampiasain'ny tafika ny Hitsikitsika? Ito ny sarin'ny Mig-17 nindramina tao ammin'ny Air Combat Information Group:

Rehefa natao kely ny fikarohana (google ihany fa tsy iza e!) dia manana Mig-21 koa ny Tafika anabakabaka Malagasy na dia tsy voatanisa ao amin'ny Aviation Week & Space Technology aza izany.

Raha liana ianao dia ito ny tantaran'ny Mig sy izany raha notsiponina tao amin'ny Air Combat Information Group (http://www.acig.org/artman/publish/article_196.shtml):

"Ivato IAP, Madagascar, early 1980s; The Armée de l'Air Malgache was given four MiG-17Fs and eight MiG-21FL from North Korea, in 1978. These were used by the Escadrille de Chasse - together with at least one MiG-21U - in the local Fighter School. The symbol applied to the nose of this MiG-17F was obviously not reserved solely for the Fighter Flight of the AAM: it was also seen on several Piper Aztec and Norman Islanders. Note that the remnants of the DPRKAF (North Korean Air Force) sign can still be seen on the rear fuselage. By the early 1990s only two MiG-17Fs remained intact, but currently the AAM has no operational fighter jets.

Ivato AB, Madagascar, cca. 1997: Madagascar received a number of MiG-21MFs and MiG-21UMs from Russia, in 1996. The exact number of delivered examples remains unknown: known is only that they were operated for a relatively short period of time (two or three years) and are ever since in "active storage" at Ivato. All AAM MiG-21s are painted light silver-grey, and have their serials applied on the fin, as well as the title "TAFIKA ANABAKABAKA" on the nose. The situation with serials is not entirely clear: there are only two serials for MiG-21MFs, "169" or "269" and "255". One MiG-21UM was certainly serialled "339". The situation with another remains unclear, as only a part of the fin was seen, with the serial "291". It could be that the aircraft in question is the second MiG-21UM known to have been operated by the AAM, but it could also be that this is another MiG-21MF. "

Gorisa-gorisa olaimpika

2005-02-10T13:01:00.000+03:00

Resaka fanatanjahantenan-dririnina ito. Raha ny hita ao amin'ny http://www.razalpin.org/uk/ dia mikasa ny handray anjara feno amin'ny 2006 Winter Olympics any Turin, Italia i Mathieu Razanakolona, Malagasy ampielezana any dilambato -- Kanada. Mpanao besorongola sy mpanao gorisagorisa amin'ny "ranonando mandry" (io no filazanay malagasy piorista ny antsoinareo hoe 'la neige') izany ilery ka maniry ny hanandratra avo ny fanevan'i Madagasikara amin'izany taranja tsy mahazatra izany. Sambany mihitsy e!

Tsy vitan'ny hifaninana amin'ny taranja slalom (SL) sy ny slalom géant (GS), ihany anefa hono no tanjon'i Mathieu sy ny rahalahany Phillipe, fa ao dia ao koa ny fanandratana sy ny fampandrosoana an'i Madagasikara tanindrazany. Ka dia alao hery lehiretsy fa hi-gorisagorisa izany ny bandikelintsika any andafin'ny riaka ireto...

Mahalehoava, mahalasana e! Tongava amin'ny avo indrindra (dia midina amin'ny Slalom amin'ny fotoana haingana indrindra). Dia manaova mafana tsara fa sao dia voan'ny sery e! Toa frizy be angamba izany o!

Eto ianao raha te hijery ny lisitry ny malagasy rehetra efa nandray anjara tamin'ny Lalao Olaimpika.

Satrin'i Lemizo mba ho any Texas ... (tohiny)

2005-02-09T13:41:00.000+03:00

By: Hunter H.C.R. No. 52

Author: Hunter

Sponsor: Ellis

Last Action: 02/08/2005 S Read & adopted

Welcoming Marc Ravalomanana, President of the Republic of Madagascar, to the Texas State Capitol.

CONCURRENT RESOLUTION

WHEREAS, The Texas House of Representatives and Senate are honored to welcome His Excellency Marc Ravalomanana [wikipedia: Ravalomanana], President of the Republic of Madagascar, and his lovely wife, Lalao, to the Texas State Capitol on February 8, 2005; and
WHEREAS, He was received by the Honorable Bill White, Mayor of Houston, and the World Affairs Council, as well as the Texas Children's Medical Center during his visit to Houston on February 7, 2005; and

WHEREAS, He has enjoyed an official state visit with the Honorable Rick Perry, Governor of Texas; Roger Williams, Texas Secretary of State; and will also meet with the Honorable Will Wynne, Mayor of Austin; and

WHEREAS, We are delighted to have as a part of the President's entourage the Ambassador to the United States, Dr. Rajaonarivony Narisoa; Chief of Staff, Mr. Henri Ranaivoson; Presidential Advisor, Dr. Joachim Ensslin; Special Advisor to the President, Mr. Olivier Andrianarisoa; the President's personal physician, Dr. Norotiana Hantasoa Andriantseheno; and assistants Mr. Jean-Marc Koumba and Miss Dina Rakoto; and

WHEREAS, Born on December 12, 1949, President Ravalomanana is a self-made man from humble beginnings; he was educated by missionaries in his home village of Imerikasinina and began his professional life selling homemade yogurt on the streets of the country's capital city, Antananarivo; less than two years later, he secured a loan and purchased his first factory, and today, his company, TIKO Group, of which he was the president and CEO, is the largest non-foreign-owned company in Madagascar; and

WHEREAS, This distinguished gentleman entered politics in 1999, and his bold campaign to clean up the capital city earned him the support of the citizenry and the office of mayor; under his leadership, Antananarivo experienced a noticeable transformation to become a cleaner and more organized city; and

WHEREAS, The Honorable Marc Ravalomanana became president of the Republic of Madagascar in 2002; his goals for Madagascar have included construction of a new infrastructure, establishment of efficient government operations, the fight against HIV/AIDS, support for private sector economic growth, and education for all; a staunch defender of the Malagasy language and culture, he often delivers his speech in this lyrical dialect although he also speaks French and English; and

WHEREAS, During his trip to Texas, President Ravalomanana visited Abilene Christian University and the 24 Malagasy Presidential Scholars enrolled there who been honored through a highly competitive scholarship initiative funded by the government of Madagascar and the World Bank; the president was instrumental in the creation of this innovative program, which includes four years of paid tuition for the fortunate students; and

WHEREAS, President Ravalomanana has proven himself a true leader by working tirelessly to provide a brighter future for his countrymen, and it is indeed a pleasure to recognize him; now, therefore, be it

RESOLVED, That the 79th Legislature of the State of Texas hereby welcome Marc Ravalomanana, President of the Republic of Madagascar, to the Texas State Capitol and extend to him sincere best wishes for an enjoyable visit in the great State of Texas; and, be it further

RESOLVED, That an official copy of this resolution be prepared for President Ravalomanana as an expression of high regard by the Texas House of Representatives and Senate.

Namoahan'ny olona Resolution mihitsy marina!!!

Mahafinaritra ahy ilay hoe " ... his lovely wife, Lalao." Ka na ny Laibany any Texas aza izany efa mihaiky an'ileiry koh! Mahery ianao Ravalo an! Dia mba hitondray voandalana mahafinaritra avy any Bekintana any hono izahay mianankavy e! Na dia CD an'i Alan Jackson sy i Reba McEntire fotsiny aza mba ho henoina miaraka amin'ny tarika Ny Ainga sy Tsiakoraka e!

Asa ito na voandalana na tohin'ny "grande braderie de madagascar" fa dia NOMENA tany malalaka be hono izany ny WORLD CHRISTIAN BROADCASTING CORPORATION hananganana antenes radio be mijoalajoala handefasany fandaharana (na propaganda) amin'ny alalan'ny onja-peo fohy any amin'ny tany Silamo: http://worldchristian.org/index.pl/worldchristian.org/index.pl/madagascar

Eto hianao raha hamaky ny momba ny zanakavantsika ao Abilene. PDF:
http://www.acu.edu/img/assets/5955/dreamweavers.pdf

p.s. mba fantatrao moa fa mitovitovy ny halehiben'i Texas sy i Madagasikara? Did you know that Madagascar is about the size of Texas?

Sokola malagasy

2005-02-07T21:41:00.000+03:00

Volana Febroary hono volan'ny mpifakatia ... Ka miarahaba ny mpifankatia rehetra e!

Rehefa miresaka fitiavana izany dia 'chocolat' no tonga ao antsaina avy hatrany. Jereo eto. Misy aza milaza fa 'aphrodisiaque' hono ny sokolA! Inona ny hevitrao?

Raha any andafy any ianao io no mamaky an'itony toraka Bilao-G itony dia mety manimbolo ny Chocolat vita Malagasy indraindray. Hmmmm!

Fa n'aiza n'aiza anie misy anao dia efa mielimpatrana manerana an'izao tontolo izao ny vokatra kakao Malagasy e! Ny tena malaza moa dia ny Ampamakia sy Manjari ataon'ny Valrhona sy ny Mangaro ataon'i Michel Cluizel.

Indro ny review an'ny Ampamakia 2002 avy ao amin'ny http://www.seventypercent.com/:

"Ampamakia has a very light, citrus flavour, while being a little more solid than Manjari. As the flavour develops you could almost mistake this for a milk chocolate. Definitely one for those not so keen on bitter chocolate - good for tempting the uninitiated!

With its light, brick red colour this looks rather like a strong milk chocolate. Smoothly moulded with good grain on breaking, on biting the snap seems a little soft. Has a full dark fruit aroma with hints of liquorice and high citrus overtones.

Lightly melts on the tongue, almost fizzing with lime without being too acid. As the flavour develops slightly sour notes of elderflower and rum appear, almost like some very satisfying fruity Christmas pudding with added chocolate. As with many fine
chocolates, towards the end a definite milkiness appears. Red wine hints in the length, but settles into general lovely untainted chocolate flavours that linger in the mouth long after eating.

This is so smooth and un-bitter, by the end you might think you have eaten a milk chocolate!"

Fa tsy dia masosotra koa hono ny Madagascar ataon'i Bonnat. Ao koa ny Cru d'origine Madagascar--Pierre Marcolini.

John Wayne Bobbitt has moved to Amborovy Mahajanga

2005-02-06T19:17:00.000+03:00

Fanantoloana tokoa ve ? Folo taona lasa izay no nahatapahan'ny mahalehilahin'i John Wayne Bobbitt. Toa hoe tsy nahazo fy tsara hono i Lorena Bobbitt ka vahaolana radical be no noraisiny.
Akory ny hagaganay raha nahavaky tao amin'ny Madagascar Tribune, 05 Fevrier 2004 fa ny an'ny zandary malagasy indray izao no ringitry ny vadiny. Ary tsy misy resaka fy tsara fa fahasarotam-piaro tsotra izao !
Hell hath no fury as a woman scorned.

"Tapaka tanteraka ny filahian'ilay zandary

"Nidiran'andro" hoy ny fitenenana efa niha nalaza tao ho ao raha sendran'ny loza mafy tsy ampoizina ny olona iray. Tovolahy iray vao nisantatra ny fanambadiana no niharan'ny habibian'ny vadiny noho ny hasarotam-piaro tafahoatra ka voatapaka hatramin'ny filahiany. Tamin'ny alarobia teo no niseho ny tantara tao amin'ny tobin'ny zandary PMP 41 ao Amborovy Mahajanga. Zandary vao 30 taona monja no nampaka-bady ny tovovavy iray avy any Toliary. Tsy fantatr'ity tovolahy ity fa mpivaron-tena ity vehivavy nalainy vady ity raha tsy efa niara-nonina izy roa. Nanao ny fanaony rakalakely ka tratry ny vadiny foana, saingy tsy niteraka fisarahana teo aminy izany ka nifanaraka izy roa fa samy hanao sipa any ivelany. Tsy tantin'ity vehivavy anefa ny mahita ny vadiny niaraka tamin'ny olon-kafa ka nanita-kevitra izy hanalàny ny fony. Tamin'io andron'ny alarobia io àry dia nofitahiny ilay zandary vadiny. Notaritiny hanao firaisana aminy ity vadiny ka talohan'ny hiraisan' izy ireo dia mody nolalaoviny ny filahiam-badiny ary tamin'ny fotoana nahazoan'ity vadiny fy tsara no notapahany tamin'ny vy maranitra tampoka ilay filahiana ka tapaka tarangana tanteraka. Nijininika ny ra teo am-pandriana ary ny kiakiak'ilay zandary no nahataitra ny manodidina. Avy hatrany dia nentina niakatra aty Antananarivo ilay zandary fa ilay vehivavy nahavanon-doza kosa dia voasambotra ary voatana ao amin'ny zandary."

Maharary izany an. Tsy milaza ny gazety raha voazaitra ihany ingahy zandary.

...from the -- Madagascar ... that great country

2005-02-03T21:42:00.000+03:00

Sombiny kely tamin'ny kabarin'i George Bush, Filoha Amerikana tamin'ny Annual National Prayer Breakfast anio maraina tany Washington DC:

"I want to thank His Excellency Marc Ravalomanana, from the -- Madagascar, the President of that great country. And welcome to our country, Mr. President.
(Applause.) "

....what the ... !!!?

Sary hafakely ....

2005-02-02T21:41:00.001+03:00

Ianao sasatra miantso hoe "mianara mianara" ...

2005-02-02T21:41:00.000+03:00

Ka niditra sa tsy niditra nianatra omaly ny mpianatra eny Ankatso e?

I Mihamitsy Cyrill milaza ao amin'ny Tribune fa nahomby 95 isanjato ny fitokonan'ny SECES. I Midi milaza fa "le campus d’Ambohitsaina ne laissait transparaître aucune atmosphère de « rentrée avortée », bien au contraire." "Aucun cours n’a eu lieu à l’université." hoy kosa L'Express. Kanefa koa toa tsy ny SECES loatra no nahatonga an'izany fa izay hono ny ankizy vao nanao inscriptions!!! Izaho angamba no sarotiny fa tsy efa ela ve no vita izany inscriptions izany fa ny antsoina hoe rentrée universitaire dia ny fanombohan'ny fampianarana? Mba serieux amin'izay moa fa lazain'ny vazaha ho "amateurish" foana anie isika raha izany e! Tsy taitra, tsy maika, ... dia avy eo tara! Mba manara-penitra moa ry ireto an!

Lainga lainga fa efa tena tsy azoko intsony ity resaka SECES sy grevy isaky ny mihetsika ity. [Nony nataondRavalomanana minisitra ve ny filoha natsionaly fahiny Ranjivason Jean Théodore, dia tsy mba niaro ny tombotsoan'ny SECES na nanova zavatra tao amin'ny fitondrana fa toa nangina ho azy teo.] Aiza ve ka isan-taona dia miferinaina foana--mikatso ny fidirana, dia avy eo tsy avoaka ny valim-panadinana. Aza atao sorona kosa rangahy ny mpianatra fa izy anie no antoky ny ho avy e! (Saika hiteny hoe Ankizy ankehitrio, antoky ny taona roa arivo, hay moa ny generation-nay izany ...) Mifanamboara malaky kosa moa ianareo fa aza ny mpianatra foana no atao takalon'aina!

Ingahirainy anefa izao amin'iny herinandro iny hitsidika ireo mpianatra gasy 24 any Tegizasy -- Ampihantaho tsara (omeo argent de poche misimisy!) ireo zanakavantsika ireo rehefa any ianao Ravalo an! Dia mba hitondray CD sy VCD an'i Tovo 'Jhay sy Dondolah sy Tahiry fa manimanina indraindray ... Ho avin'ny firenena koa ireny (24 Malagasy ACU students prepare to mold future of nation), fa na dia izany aza dia mba aza atao anjorom-bala na atao toy ny zana-drafy izay kilonga tavela aty antanindrazana e!

Raha monamonaina ohatra ahy ianao kanefa tsy misy aleha, ka mandany lera mivezivezy eran'ny Internet fotsiny dia mba vangio ireto Bilao-G-mbazaha ireto, handaniana andro.

Vazaha tsy tia bononoka: http://lemaire.over-blog.com/article-28096.html
Vazaha manao veloma an’i Diego: http://jiolahimboto.blogspot.com/2005/01/diego.html

Satrin'i Lemizo mba ho any Texas ...

2005-01-31T21:47:00.000+03:00

"Satrin'i Lemizo; Mba ho any Texas; Hitaingin-tsoavaly;
Any a Zamerika; Manjaka toa mpanjaka; Ny mpilalao basy
Izany no mba nofinofiny; Avy any anaty aloky ny Saint
Frere-n'Ambodinandohalo;

Tananan'i Lemizo; Ka efa mba nataony; Ho toy ny Texas;
Any Andavamamba; Manjaka toa mpanjaka; Ny mpilalao antsy;
Tsy azo lalovana hariva anie; Ny eo antetezan'ilay Bekiraro fa mety
mahafaty." (Lemizo, LSNT)

Raha ny firenena voatetin-dRavalomanana (hatrany Ifarahantsana, ka hatrany Lybie), sy ho teteziny amin'izao voalohandohan'ny taona izao dia hita fa "Miasa, Miasa Mafy, Miasa tsara" tokoa iny Filohampirenena iray iny! Na izay, na izy sokon-dia fotsiny. Ary mba mety ahazahoana "frequent flyer miles" ve iny Fiaramanidina Force One iny?

Araky ny vaovao hita tamin'ny Google indray izany dia ho any Bekintana indray, na ny marimarina kokoa, ho any Tegizasy i Ravalomanana amin'ny herin'ny Alatsinainy 7 Febroary. Hanao laha-teny mitondra ny lohateny hoe: "Madagascar - The Island of Opportunity" [na hoe Madagasikara - Nosin'ny "Irika" (?? -- ahoana no fandikana ny hoe opportunity(ies) amin'ny teny Galasam? "Sopapa" no teny akaiky indrindra hitako)] eo anoloan'ny Houston World Affairs Council. Ka Opportunity(ies) ho an'iza moa io ho resahiny io? Ny gasy koa ve mba manana opportunities?

Mba ampazahoy sopapa kely ny kaofiboay, fa ianareo efa ho any Tegizasy ihany e! Hitondray kitro na DVD an'izay films malaza faramparany any e!

Houston World Affairs Council. DATE: Feb. 7. LOCATION: The Petroleum Club, 800 Bell St. SPEAKER: Marc Ravalomanana, president of Madagascar. CONTACT: Jessica Michan (713) 316-4474.

Dia aorianan'io koa hono dia hitsidika ny studio an'ny Dreamworks, hiresaka amin'i Spielberg hitadiavana fomba hahafahan'i Madagasikara hahita tombony sy hanararaotra ny fivoahan'ilay horonantsary Madagascar amin'ny Summer (Ririnina any Madagasikara) 2005.

strange bedfellows ...

2005-01-26T21:47:00.000+03:00

Maresaka indray ilay fanendahana ny mahitahita [amin'ny anaran'ny tolona] tao Andohanimandroseza. Na ny Doyen an'ny Blog Malagasy aza dia nanan-kolazaina momba an'io!

Fa izao rey olona an! Aoka moa izay ny sangisanginareo momba ny anaran’ilay Solotenan’ny Banky Iraisampirenena eto Madagasikara e! Ny anarana anie tanim-boanjo e! Raha nataoko ny fikarohana (fa ianao ity ve tsy mba miasa mihitsy e? hoy i Sipakv izay) dia tamin’ny 1953 tany ho any i Ian Fleming no namorona an’i James Bond 007 (Casino Royale)--izany hoe any amin'ny 40 taona any. I James Bond (Banque Mondiale) kosa raha jerena amin'ny sariny dia sahabo any amin'ny 50 taona any. Ka iza no tonga aloha? Zovy no naka ny anaran'iza? Whatever, angamba hoy ianareo mamaky an'ito toraka Bilao-G ito.

Jereo ny sary: Ny iray eto mivimbina basy sy kalaza, ny iray mitana angady.

Ka efa miresaka James Bond ihany isika dia mba hanao "conspiracy theory"-parano kely ny havanareo. Raha natao ny recoupement tetsy sy teroa dia ireto ny olona voaendaka teny Ambohipo-sur-Mandroseza:

- Philippe-René “Lieutenant-Colonel / Premier-conseiller” Bottrie: Londohan'ny mpisorona ao amin'ny Masoivoho Tsotsoka
- Rolland Brejon: Consul Tsotsoka
- James “My name is James” Bond: Tsotsoka Lohan'ny mpisorona ao amin'ny Banque Mondiale-- Cadre fahiny tao amin'ny TOTAL--Orinasa Mpanao Solitany Tsotsoka
- Gerard Rajaonary -- SG GALANA--Orinasa Solitany miady amin'ny fitondrana--voapetaky ny " amende de 825.635.316.590 Fmg et 273.545.105.530 Fmg sous forme de confiscations de produits"
- Philippe Henri Andriantsitohaina -- Mpandraharaha mpanefoefo Tsotsoko-phile
- Désiré “Mes respects, mon General” Ramakavelo aka Madera--Poeta sy mpitarika ny Antoko Politika AME.
- sy vazaha sy matretre vitsivitsy maromaro avy amin'ny zone franche.

Yes, James, politics does make for strange bedfellows ...

Dia mba lasa ny eritreritro hoe, raha tsy nisy an'ilay fanendahana nataon-dry Eddy Deba sy ny tariny efatra mitsam, inona no votoatin-dresaka nifanaovan' ireo antokon'olona matanjaka ireo tao? Resaka Solika--Total -GALANA? Resaka Politika Banque Mondiale- AME? Resaka dominance tsotsoka? Mety ho sakafon'ny mpinamana fotsiny koa aloha fa izaho fotsiny no mba be siasia eto e! Aza parano ho'a!

Alefa Saint Michel an! la la la la la !

2005-01-26T14:30:00.000+03:00

Be vahiny ho'a io Dago-dago-nareo io e! Ho avy any Madagasikara hono i Michel Platini amin'ny faha-5 ny volana febroary ho avy izao, hitokana ny Lapan'ny Kitra [26, Rue de Russie Isoraka]. Mahafinaritra anie ny baolina kitra any Madagasikara, rehefa tsy mifanjevo sy miadiady ry lerony. Mbola tsy misy mahatoraka an'i Maitre Kira sy ry Kiki sy Alban, ary i Dezy Monstre kosa aloha hatramin'izao e! Tamin'ny andron'i Peter Schnittger ilay rainiboto iny izany. Sa izaho mihitsy no efa tsy maharaka?

Ireto hono ny tompondakan'i Madagasikara eo amin'ny baolina kitra hatrizay (notsongolohina tao amin'ny http://www.rsssf.com/tablesm/madagchamp.html). Aiza ho aiza amin'ireo ny ekipanareo? Ny anay moa dia tsy afenina fa "alefa se-misel'a ...!"

1962 AS Fortior (Toamasina) [*]
1963 AS Fortior (Toamasina) [*]
1964-67 unknown
1968 Fitarikandro (Fianarantsoa)
1969 USF
1970 MMM Toamasina
1971 AS St. Michel
1972 Fortior Club de la Côte Ouest (Mahajanga)
1973 Antalaha (Antalaha)
1974 AS Corps Enseignement (Toliara)
1975 AS Corps Enseignement (Toliara)
1976 [no competition]
1977 AS Corps Enseignement (Toliara)
1978 AS St. Michel
1979 Fortior Club de la Côte Ouest (Mahajanga)
1980 MMM Toamasina
1981 AS Somasud (Toliara)
1982 Dinamo Fima (Antananarivo)
1983 Dinamo Fima (Antananarivo)
1984 [no competition]
1985 AS Sotema (Mahajanga)
1986 BTM (Antananarivo)
1987 Jos Nosy-Bé (Hell-Ville)
1988 COSFAP (Antananarivo)
1989 AS Sotema (Mahajanga)
1990 ASF Fianarantsoa
1991 AS Sotema (Mahajanga)
1992 AS Sotema (Mahajanga)
1993 BTM (Antananarivo)
1994 [not known]
1995 FC Fobar (Toliara)
1996 FC BVF (Antananarivo)
1997 DSA (Antananarivo)
1998 DSA (Antananarivo)
1999 AS Fortior (Toamasina)
2000 AS Fortior (Toamasina)
2001 SOE (Antananarivo)
2002 AS ADEMA (Antananarivo)
2003 Ecoredipharm (Tamatave)
2004 USJF/Ravinala (Antananarivo)
2005

Resaka hafa koa. Ho an'ny mpakafia rombo rombo. Rehefa nandalo taty Madagasikara i Dominique Valera, Aratra kalaza, tamin'ny volana Aogositra lasa teo dia ho avy koa hono i Jackie Chan amin'ny Martsa. (be vahiny ho'a io dago-dago-nareo io e!) Mba tia hai-ady koa ny Malagasy an! Iza no mety mahavoa raha ampifandonana, i Jackie Chan sa ilay tary eo amin'ny sary io ambany io? Ary raha i Parfait Rakotonindriana no ampanaovina aminy?

Sita milay: Hira tranainy

2005-01-20T23:45:00.000+03:00

Mahafinaritra ahy ito takelaka manangona ny momba ny mozika malagasy ito:
http://homepage.univie.ac.at/august.schmidhofer/avmm/
Tsara ho tohanana sy ho tohizana ny ezaka mirakitra ny ela toy izao.

Io mba tendreo raha havanana ianao e:

Domoina Raobiniaina: Asakasakareo izay tsy potika ...

2005-01-18T01:29:00.000+03:00

Nanetriketrika ny dian'i Ramatoa Kely Domoina Raobiniaina, Miss Manja Roa sy Roa Arivo tany Madagasikara. Asa soa no tena nifantohany. Io izy mamangy ny zaza kamboty tao amin'ny Sœurs Trinitaires tao Bel’Air-Ampandrana--eo akaikin'i Nan e! Miaiky hatramin'i Masera vazaha...

Domoina Raobiniaina: Viavy manja sy kanto lafatry ny Malagay any Dilambato
Domoina Raobiniaina: Izato volony lava sy mainty e !
Domoina Raobiniaina: Izato masony mainty malefaka e !
Domoina Raobiniaina: Izato molony mandimandina sy mena e !
Domoina Raobiniaina: Izato orony maranitra e!
Domoina Raobiniaina: Bikana sy tsara tarehy !

Ito izy ao amin'i madanight.com (sita Manja koa io an!). Asakasak'izay tsy ho revo! Mitandrema ianao Rabelazao an!

Raha nambinina ianao ka Manja ary te hi-"tenter-chance" hampiranty amin'ny Miss Manja 2005 dia eto mandeha:

Maninona hoy ianareo no averiko imbetsaka eto ny anaran'izany tovovavy soa?
Amin'izay rehefa mi-google azy ianareo dia tonga eto amiko :-]

Tantara an-dapihazo

2005-01-16T18:00:00.000+03:00

Misy tantara an-dapihazo ataon'ny The Salt Lake Acting Company io izay misalotra ny anarana milay hoe Madagascar (by by J.T. ROGERS). Kanefa toa tsy dia hitako ny hifandraisany amin'i Madagasikara. "[It is] about how the consequences of the actions we take—and don’t take— ripple out and affect others in ways unforeseen."

Tandremo ihany ary ny fihetsika e!

MADAGASCAR is the story of a mysterious
disappearance that changes three lives forever. At three different periods in
time, three Americans find themselves alone, in the same hotel room overlooking
the Spanish Steps in Rome. June, a young woman who works as a tour guide of the
city’s ancient ruins; Lilian, her wealthy and elegant jet-setting mother; and
Nathan, a rumpled university economist and the best friend of Lilian’s famous
deceased husband. They each tell us their individual story of how and why they
are here. Their relationships to each other, what this room means to them, and
why they have been called to it slowly reveal themselves. Their stories spill
out, weave back and forth–each contradicting, clarifying, deepening what the
others say–becoming strands of one gripping and disquieting tale.

MADAGASCAR is about how the consequences of the actions we take—and
don’t take— ripple out and affect others in ways unforeseen. It is a story of
three people trying to uncover the truth, struggling to put the pieces of a
puzzle together by unearthing the clues they missed, as they talk their way
toward understanding in the hopes of ensuring their own survival.

Ny tian'ny be sy ny maro

2005-01-15T23:45:00.000+03:00

Andro mafana sy tsy hahitana orana no nahitana tovovavy roa sy tovolahy telo, Malagasy, samy mbola tanora, manja sy bogosse, mbola mpianatra avokoa, mijaridina miandrandra ny petadrindrina mankadiry mankalaza ny sarimihetsika "Le Dernier Samourai" sy "Love Actually". Any ampitandranomasin'i Madagasikara no miseho ny tantara. Tsy izaho no mamorona fa ianao koa angamba efa tratran'ity. Sa tsy izany ry Sipakv?
Efa roa minitra no tonga teo. Manodidina azy feno olona mikoropaka, mihazakazaka asa ho aiza, haka metro, hamonjy malala, hody any amin'ny akany, fa zoma harivariva moa ny fotoana, ary afaka manantena ny week-end ny tanan-dehibe... Ny tanora dimintsika kosa dia variana mandinika peta-drindrina ary toa hita tsy taitra tsy maika kanefa ...
- Ka inona ary no jerena e "Le Dernier Samourai" sa "Love Actually"?
- Izay tianareo ka...
-Izay eken'ny be sy ny maro. Izaho samy tiako daholo na i Hugh Grant na i Tom Cruise.
- Violent be hono ilay "Le Dernier Samourai"...
- Hay?Ka sao ilay "Love Actually" no tiantsika ary e?
- Fa izany ve tsy film romantique ho an'ny sipa e ? Sao mampatory...
- Teny anglisy angaha ilay "Love Actually"? Inona aky no tiandry jerena an?
- Fa ahoana ary no izaho no anontaniana. Izay tian'ny be sy ny maro e !
- Koa efa hoe tsy maninona hoa fa izay ifanekentsika eo. Ny ahy aloha mety daholo e !
- Mila manapaka hevitra haingana isika fa dimy minitra sisa dia manomboka ny seance manaraka.
- ...
- ...
- Oay ! Jereo ange ilay ecran fa hoe lany hono ny billets !
- Dia ahoana izany? Ho aiza indray ary e ?
- Izay ifanekentsika e.
- Izaho mahalala resto sinoa tsara be akaiky eto.
- Sao dia ilay "Tricotins"?
- Ye. Mazoto?

- Raha ilay Tricotins aloha tsy mazoto e. Nihinana tao izaho sy i Prisca indray mandeha dia nisy volo sinoa mainty be lava be tao anaty lasopy. Tena nampando mihitsy.

- Ka aiza ary no tianao e?
- Izay tiantsika mianankavy e !
- Sa ilay resto karana misy tandouri favy be atsy avaratra atsy?
- Efa mba tonga aty ihany ve dia sakafo karana no hanina ?
- Fa inona ihany ary e ? Cruise sa Grant? Karana sa Sinoa?
- Izay tian'ny be sy ny maro e !

Resaka politika hiringiriny

2005-01-14T01:00:00.000+03:00

Ny Blogs itony moa dia fanaovana resaka isankarazany. Mandeha daholo izay tianao. Ka mamela ahy ianao mpamaky io raha hanao analizy politika kely aho anio.

Niteraka resaka be tokoa mantsy ilay kabarin’ny Filohan’ny Antenimierandoholona Rajemison Rakotomaharo tetsy Iavoloha (na Mavoloha, c’est selon …) tamin’ny herinandro lasa teo. Kabary nafonja, tsy nitsitsitsitsy nilaza fa tsy tokony ho matin-kena-maso ny Filoham-pirenena (i Ravalo io) hanaisotra izay elements tsy mahavoa, suivez mon regard…. Dia niantefa tany amin’ny Praiminisitra Sylla tokoa ny sain’ny mpanara-baovao maro.

Tamin’ny voalohany aloha dia nibitaka ny mpanohitra (ry lerony tena hiringiriny), izay nangataka efa ela ny hanesorana an’i Sylla. Kanefa nony nieritreritra kely angamba dia toa sadaikatra ihany satria, etsy andaniny [1], tsy dia afaka miandany loatra amin’i Rajemison (izay iaraha-mahalala fa tanan-kavanan’i Ravalo). Raha miombo-kevitra amin’ilay tandem Rajemison-Ra-8 mantsy izy dia efa naman’ny tsy mpanohitra intsony izany. Etsy ankilany kosa anefa [2], tsy afaka manohitra ny voalazan’i Rajemison/Ravalomanana izy satria lasa midika izany fa tiany hijanona i Sylla.

Dia misangaojy be ka tsy henoheno intsony indray ny mpanohitra (ry lerony tena hiringiriny), dia nangingina … Naka saina hieritreretana stratejia vaovao kely mihitsy aloha. Asa raha fanahy inian'i Rajemison (dia mba Makiavelika koa ry lerony izany) aloha na sendrasendra io voka-javatra io. Vao tsy ela tokoa mantsy Kongresin’ny TIM ka mety noresahina tao izany. Vao tsy ela koa ny fiarahana nanao reveillon tao amin’ny Hilton [Jereo eto ny Sarin’i MADANIGHT-Tsara ilay satroka mena e!]. Dia tampotampoka teo ve dia misy takla-deriera sy taingim-bozona ary komondry toy ireny …

Mahay politika ho'a ny Malagasy e ...

Miasa, miasa mafy, miasa tsara ...

2005-01-12T17:28:00.000+03:00

Vita hono izay ny fetifety. Efa madiva ho vita ihany koa ny fotoana fifampiarahabana tratry ny bonne annee happy new year.

Araky ny kabarin’ny filoham-pirenena dia “MIASA, MIASA MAFY, MIASA TSARA” no laharam-pahamehana amin’ity taona vaovao 2005 ity. Sao aloha dia afangaron-dRAGASY amin’ilay baikom-pitolomana hoe “MAMOKATRA HATRANY, MAMOKATRA IHANY” an’ilay iraikalahy taloha iry an! [Eto aloha ianareo raha hijerijery ny sariny e]

Sasanangy samihafa ireo e!

Faraparano ary ny bisou-bisoy dia raiketo amin'izay ny ASA e! (Izaho koa mba niasa mafy ka tsy dia nahavatra nitoraka Bilao-G taminareo loatra tato ho ato) Ka tsy efa niasa foana ve kanefa hatramin’izay? Sa inona fotsiny no natao? Vitsy ihany angamba ny olona tena hoe nigalabona nanao kamokamo fa mba samy nanao izay ho afany ihany hiadiana amin’ny fiainany ny samy Malagasy.

Fa ilay resaka vary ihany no tena mahavaky loha ahy ato e! Tena tsy mety afaka ato antsaiko. Ny tambanivohitra anie hono miasa mafy sy manao izay vitany fa misy mikatso mihitsy angamba ny rafitra ao. Aiza ka hoe vary Malagasy no vary volena any Zamerika. Aiza ka hoe taty Madagasikara no nanaovana sy nahitan’i Frera De Laulanié voalohany tamin'ny 1984 ny Système de Riziculture Intensive (S.R.I.) izay fomba hita fa mahomby [ahatratrarana hatramin'ny 23 taonina ny hekitara--raha 2 taonina/ha ny sahalanisa faobe] ampiasaina any amin’ny firenena ampolony (anisan’ireo I Pakistan sy Thailand, izay anafarantsika vary amin’izao kirizy izao).

Raha ireo anie no jerena dia tokony ho firenena manana ambim-bava ampy ho aondrana any ivelany io Dago-dago-nareo io fa tsy hiferinaina isaky ny fotoam-pahavaratra toy izao e! Fa misy mila dinihina lalina ao fa tsy vitan'ny manao be mokondoha hoe miasa mafy be fotsiny. Nisy tary nilaza tamiko hoe feno vary anie any Madagasikara fa ny mpijirika matihanina ('speculateurs' re e!)no migafy fa manafim-bokatra. Ary maninona raha ireo no donainana mafy fa tsy Rakototambanivohidahy no mbola teriterena hoe miasA mafimafy kokoa?

Fa inona indray hoy ianao fa ny henomby indray koa anie hono ka tsy dia ahitam-piry ato Vohitsara izao e! Io izany ilay hoe "aleo ny vary no betsaka toy izay ny laoka no tsy ampy ..."

Mandehana miverina MIASA haingana ianao io fa aza variana mi-surf ny internet fotsiny an!

Ho mamy akaikin'ny vola, hangidy lavitry ny faty ...

2005-01-03T19:50:00.000+03:00

Tratry ny taona e! Ho ambininjava-manasatra e! Ho mamy tian'ny vola, ary hangidy lavitry ny faty! (mba hafahafa koa io fiteny io kah!)

Amin'izao taona vaovao izao dia hiova ho Ariary amin'izany ny vola Malagasy. Ka amin'izany fivadihana amin'ny ariary izany, dia mba liana ny tena ka mijerijery ny endriky ny vola gasy teo aloha aho. Misy tena kanto tokoa aloha ny endriny e! (eny fa na dia tsy mankaiza loatra aza ny sandany.

Ato misy azo hijerevanao ny sasantsasany amin'ireo lelavola nisy teo amin'ny firenena: http://aes.iupui.edu/RWISE/countries/madagascar.html

Tamin'ny 1950 ohatra dia toy izao ny endriky ny 20 Ariary:

Mitovitovy tamin'izay ihany ny 500 Ariary tamin'ny 1998:

Ary ny 10000 Ariary amin'izao fotoana:

Ndryy ilay Manjakamiadana!

Mirary taona sambatra ho antsika mianankavy an! Manjatoa vola, manarivoa harena!

Thou shall not take my country's name in vain ...

2004-12-30T19:50:00.001+03:00

Misy zavatra roa tsy misy hifandraisany amin'io Madagasikara-Madagasikaranareo io ireto kanefa toa misalotra ny anaram-boninahitra hoe Madagascar. Mandehana tsidiho dia ho hitanao ny momba azy ... Hitanao ve ny hifandraisany amin'i Madagasikara? Na ArakisagADAM hoy i Xhi sy Ma izay.

Vazo hardos: Madagascar (2002, Guns n Roses: I won't be told anymore, That I've been brought down in this storm, And left so far out from the shore, That I can't find my way back, My way anymore …)

Gidraka vinany: The Madagascar Institute (An art combine in Brooklyn that specializes in large-scale sculptures and rides, live performances, and guerilla art events.)

Misy ny ho sarotiny mahita an'ireo, fa tsy dia mampaninona ahy loatra aloha. Na dia ohatry ny saropiaro kely ihany aza aho indraindray hoe ampiasapiasan-dry lerony fotsiny ny anaran'ny Nosindrazanay. Zara aza misy mi-lancer aloha koh ...

Dia samia tratry ny rahafak'ampitso e!

BD be dia be ...

2004-12-28T13:01:00.000+03:00

Raha mbola tsy kobonao io dia tena tia ary mandala ny kanto ny tenanay mpitoraka bilao-G, mpanao belazao aminao eto.

Anisan'ny endriky ny kanto tena anafihizinay ary ny tantara antsary na Bandes Dessinées (BD ho anareo havanana kokoa amin'ny teny baiko). Tamin'ny andronay dia nalaza ery ry Ibonia, Benandro, Koditra, Doda, Lezo, Tsimaniva, Danz, Avotra sy ny sisa.

[Asio fahanginana kely aloha lehiretsy hitadidiko ny lasako e!]

Ato amin'ny takelaka MILAY an'i Ravo ianao mi-kiliky raha te hijerijery ny momba an'ireo:

Fa ry lerony mpiangaly an'io kanto io ankehitriny koa tsy mena-mitahy amin'ny taloha an! Jerevo ange ny Fanadihadiana nataon'i Madanight momba an-dry Ranarivelo na ry Rakotosolofo e!

Na koa ny sitan'ny MADABULLES ao amin'ny CCAC [http://www.ccac.mg]. Ho hitanao ao ohatra ny sangan-asan-dry Rafally (31 taona), tary sady mahay gateaux no mahay sary:

Fa ny tena tiako sy hitako ho favy dia ny an'i Haril (35 taona). Jereo ange ka ankafihizo e:

Mahay e! Asa ianareo fa izaho aloha dia revo e! "Kanto noho ny kanto, kanefa ihany koa harena sarobidy ..." hoy i Elie Rajaonarison izay [eto kliker-na raha hamaky ny tononkalon'io iraikalahy io amin'ny teny Anglisy] .

Maso mijery tsy mitondra mody ireo kisary ireo eto fa raha tena te hijery an'ireo asa-kanton'ireo mpanantalenta ireo ise mpitetitety ny interinety io [angaha moa ianao io tsy miasa na mianatra e?] dia any amin'ny http://www.ccac.mg mandeha!

Dia mba vidio ny sanganasan-dry lerony fa sarotra anie ry 'reto ny miaina amin'ny zavakanto e! Izaho aloha dia hividy raha vao mivoaka ny Albums an!

Madagasikara be vahiny: Jery Todika 2004

2004-12-27T19:01:00.000+03:00

Maro be ho'a ny mpitsidika an'i Madagasikara tamin'iny taona lasa iny e! Jereo anie:

Janoary: Nandalo nitsidika an’i Madagasikara i Elita, Rivo-doza maherivaika.

Febroary: Niverina, nitsidika an’i Madagasikara indray i Elita, Rivo-doza maherivaika. Niverina nafanafana ratsy ny raharaha teny Ankatso—nanao “arret des cours” nisesisesy ny SECES.

Marsa: Nandalo nitsidika an’i Madagasikara i Gafilo, Rivo-doza maherivaika. Naika nahatratra 200 no namoy ny ainy. Mafy ho an’ny firenena iny fiandohan’ny taona iny.

Aprily: Nandalo nitsidika an’i Madagasikara Atoa Paul Bérenger, PM Maorisiana. Hoamafisina hono ny fiarahamiasa. Lasa namonjy fihofanana manokana any Canada ny minisitra anaki-enina. Resaka Empowerment and Capacity Building (say what?) no hianarany any amin’ny l'Institut d'Administration du Canada ao Kebeka. Mba hitondray pataloha jeans na Kitro avy any Andafy any e!

May: Nandalo nitsidika an’i Madagasikara Atoa Abdoulaye Wade, Filoha Sonegaly. Nanao tourisme teny Ambohimanga ny lehilahy, dia nifanasa vangy tamin’ny CRN.

Jona: Nandalo nitsidika an’i Madagasikara Atoa Joachim Alberto Chissano, Filohan’i Mozambika (Mitabataba lalandava e! Tanana andrefana ao izy e!) sy ny Firaisambe Afrikana. Nanatrika ny fankalazana ny faha 44 taonan’ny fahaleovantenam-pirenena Malagasy. Nangitsy ny ririnina!

Jolay: Nandalo nitsidika an’i Madagasikara Atoa Jacques Chirac filohan’I Lafrantsa. Nanotrokotroka ny fandraisana. Still loving you! Still waiting for the “L’Effet Chirac!”

Aogositra: Nandalo nitsidika an’i Madagasikara Atoa Joseph Stiglitz, Loka Nobel Taranja Toekarena 2001. Notolorana mari-pahaizana Docteur Honoris Causa teny Ambohitsaina.

Septambra: Nandalo nitsidika an’i Madagasikara Atoa Abdou Diouf, Sonegaly hafa, Sekretera Jeneralin'ny fikambanan'ny firenena mampiasa ampahany na manontolo ny teny Frantsay na ny "Francophonie". Still loving you!

Oktobra: Nandalo nitsidika an’i Madagasikara Atoa James Wolfensohn filohan’ny Banky Iraisampirenena. Nambarany tamin’ny mpanao gazety fa ho foanana ny trosan’I Madagasikara 2 Lavitrisa (Miliara e!) US dolara.

Novambra: Nidangana be ny vidin’ny vary! Mahatratra MGF6750 (Ar 1350) ny kilaon’ny makalioka sy ny tsipala. Tonga nitsidika an’i Madagasikara ny vary Thailade sy Pakistane. Mikaroka vaha-olana ny mpitondra fanjakana.

Desambra: Nandalo nitsidika an’i Madagasikara Ratoakely Domoina Raobiniaina, Miss Manja 2004. “Vous semblez bien jeune pour un maire!" hoy izy tamin’ny fitsidihany an’i Patrick Ramiaramanana, Ben’ny Tananan’i Vohitsara.

Mihetsika ianao ra-Patrick an! “S’il te plait, dessine moi un mouton!” Azoazo indray aloha ny vidimbary, fa ny vidim-borona indray izao no tsy zakan’ny tsena fa ‘valereux’ loatra.

Dia samy ho tratry ny farany e!